PORTADA

NOTICIAS  

A GUARDA

TUI

O ROSAL

OIA

TOMIÑO

BAIXO MIÑO

LOCAL

OUTRAS NOVAS

DEPORTE

AXENDA

NECROLÓXICAS

ENTREVISTAS

COMUNICADOS

PORTUGAL

HEMEROTECA

PÁXINAS

 REPORTAXES

CONCELLO DA GUARDA

RÚAS DA GUARDA

VARIA

FOTOSAYER

FOTOS LECTORES

PATRIMONIO arquivo e documentación

XENTES de Ribadavila

Calendario

ENLACES

 
 
 

 

galiciasuroeste                                                  Informativo A Guarda

  

En el puerto de A Guarda

Rúa Dr. Fernández Albor, 19

Teléf. 986 610 4 74

        659 984 234

A Guarda

 

Rúa Lugo, 11

Telf/Fax 986 614 102

 

36780 A GUARDA

(Pontevedra

CARTELES, CATÁLOGOS, PUBLICIDAD, TARJETAS, SOBRES, LIBROS, FACTURAS, CARPETAS, DÍPTICOS, PROGRAMAS...

Concepción Arenal, 83

Telf 986 610 220 /Fax 986 613 923

A  GUARDA  (Pontevedra)

comercialautobaz@autorecam.e.telefonica.net

Rúa do Porto, 59

Tlfno. 986 610 473

36780 A GUARDA

(Pontevedra)

www.restaurantetrasmallo.es

Plaza de San Benito 2 y 3 bajo

36.780 · A Guarda

telf. 986 60 89 20

infsb@infsb.com

I. M. DÍAZ, SL

Mecánica en general

Fábrica de Invernaderos

 

El Pasaje

Camposancos

A GUARDA

.

'/Fax 986 62 72 44 

galiciasuroeste                                                                               Informativo TUI (Beti Rey)

Luns 27 de abril de 2015      

O IES A Sangriña colabora con “OpenStreetMap”

Hoxe, á unha, ás 16:00 horas, o IES A Sangriña acollerá unha charla sobre o proxecto europeo Comenius “My community and history in OpenStreetMap” a cargo dos profesores Madalina Ionescu (Romanía) e Manfred Reiter (Alemaña), coordinadores do proxecto.

 “My community and history in OpenStreetMap” vense desenvolvendo dende o ano 2013 coa participación de Alemaña, Reino Unido, Turquía, Romanía e España, e entre os seus obxectivos está o de “mapear” as zonas de interese de cada comunidade, incluíndo non só datos xeográficos, senón tamén históricos e culturais. Este traballo estano a realizar máis de dous millóns de voluntarios de todo o mundo, co fin de elaborar unha gran base de datos cartográfica en aberto.

Nos últimos días o alumnado do IES A Sangriña realizou o “mapeo” do Castro de Santa Tegra e o Vía Crucis en colaboración con alumnado procedente das localidades de Rm. Vâlcea (Romanía) e Saarburg (Alemaña), que están a visitar a nosa comunidade.

A charla abordará ademais temas como o labor do equipo humanitario HOT en crises recentes como a do ébola en África Occidental.

 

Sábado, 25 de abril de 2015      

Covócase unha praza de limpador do Monte Santa Trega

O Padroado Municipal Santa Trega convoca un proceso selectivo para a contratación dunha praza de limpador do Monte Santa Trega, cunha duración do contrato ata o 31 de decembro de 2015.

Tanto as bases para a contratación como as solicitudes para tomar parte no proceso selectivo están a disposición dos interesados no Rexistro do Concello da Guarda e na páxina web municipal.

O prazo de presentación de solicitudes remata o vindeiro día 2 de maio ás 13:00 horas

 

Venres, 24 de abril de 2015      

Máis de 400 escolares celebraron o Día Internacional do Libro asistindo a unha obra de teatro e descubrindo a biblioteca municipal da Guarda

 

O Concello da Guarda convidou a 450 escolares de centros educativos da localidade a celebrar o Día Internacional do Libro gozando dunha obra de teatro e visitando a biblioteca municipal, situada no Centro Cultural.

Os alumnos de Educación Primaria foron espectadores da representación teatral, baseada no conto de Hans Christian Anderse, “O parrulo feo”, posta en escena pola compañía “Caramuxo teatro”. A través da historia dun fabricante de parrulos de goma amarelos, os actores, conseguiron facer reflexionar, en clave de humor, sobre as diferenzas entre as persoas e a diversidade cultural.

Pola súa banda, os alumnos de Educación Infantil conmemoraron o Día Internacional do Libro, cunha visita á Biblioteca Municipal, onde a bibliotecaria, María Soledad Diz, lles ensinou como localizar os libros e tamén a maneira de facerse socios da biblioteca, rematando por ler cada escolar o libro que más lles atraía.

 

Xoves, 23 de abril de 2015      

Conchi Ortega mantivo un encontro coa conselleira Ethel María Vázquez Mourelle

A candidata do Partido Popular á Alcaldía da Guarda, Conchi Ortega,  acompañada de José Carlos Castro, foron recibidos pola Conselleira de Medio Ambiente, Territorio e Infraestructuras, Ethel María Vázquez Mourelle na tarde do pasado luns, durante o cal Ortega trasladou á conselleira as inquietudes e prioridades que os veciños da Guarda lle están a transmitir estes días. 

Conchi Ortega agradeceu a Ethel Mª Vázquez, a sensibilidade e preocupación que amosou no trascurso da reunión polos temas da Guarda relacionados coa súa Consellería.

 

Mércores, 22 de abril de 2015      

Los ex-concejales del PP de A Guarda Fatima Iglesias Ferreira y Rafael Rodríguez Amenedo ocupan los numeros 1 y 2 de la candidatura de Ciudadanos de Centro Democratico en A Guarda               

 

Fátima Iglesias Ferreira, ex-concejala y portavoz del PP de A Guarda, concejal no adscrita en la actualidad, es la cabeza de lista del CCD, con lo que repetirá nuevamente a los comicios de mayo. Sumando 8 años de experiencia política, en las pasadas elecciones se presentaba como candidata del PP, consiguiendo  6 concejales.

Como segundo en la candidatura le sigue Rafael Rodríguez Amenedo, concejal no adscrito en estos momentos, y ex-concejal también del PP, así como algunos miembros de la junta gestora del Partido Popular que dimitía el pasado mes de marzo.

El resto de componentes de la candidatura junto con las líneas fundamentales del programa se dará a conocer en los próximos días, entre los que se encuentran deportistas locales, pequeños empresarios y gente joven, buscando la renovación  y el cambio que los ciudadanos deseab. “Somos personas del pueblo, sencillas, con voluntad e ilusión y principalmente sin intereses individuales, que buscan que nuestro pueblo progrese”, señaló la candidata de CCD.

 

Presentación de Iniciativa Veciñal por Galicia

Mañá, xoves, dia 23 de abril, ás 8´30 da tarde, terá lugar no salón de actos do Centro Cultural da Guarda, a presentación da candidatura de Iniciativa Veciñal por Galicia para ás próximas eleccións locais do 24 de Maio de 2015.

   

Presentación do libro “La huella de Pedro Madruga en Cristóbal” do autor Ángel Carracelas Requejo

O Concello da Guarda organiza este venres a presentación do libro “La huella de Pedro Madruga en Cristóbal Colón”, do autor cangués Ángel Carracelas Requejo.

O acto, que se celebra no Salón de Actos do Centro Cultural a partir das 20,30 horas, estará presentado polo Concelleiro de Cultura, Antonio Lomba. Ademais intervirán na presentación o filatélico coloniano José Ángel Gándara e o propio autor da obra.

Este é o primeiro libro publicado de Carracelas, empresario de profesión e escritor no seu tempo libre. A obra, moi sorprendente, demostra segundo o autor, a teoría de que Cristóbal Colón era galego. No relato, o lector, vivirá unha fascinante viaxe pola historia de Galicia e se sorprenderá coa revelación sobre a identidade do descubridor do “Novo Mundo”.

O momento crucial para a creación desta obra, conta o autor, foi a visita nos anos 90 ó Castelo se Soutomaior, a antiga residencia de Pedro Madruga. A partir dese momento Carracelas decide coñecer en profundidade a este personaxe. Despois dunha investigación de máis de dez anos, o autor afirma na súa obra que Pedro Madruga e Cristobal Colón, son as dúas caras dunha mesma moeda.

A pesar de ser a primeira publicación histórica de Carracelas, a obra está a ter moito éxito entre os medios de comunicación porque representa o colofón a moitos anos de investigación. Ademais este traballo tivo o privilexio de estar exposto durante 15 días na sala de investigadores do Arquivo General de Simancas, un dos sitios que foron punto de partida da obra.

  

Ángel Baz, candidato do BNG-AA, reuniuse cos praceiros da Guarda amosándolles o seu compromiso coa praza de abastos da Guarda

Ángel Baz, candidato do BNG-AA á alcaldía da Guarda, reuniuse cos praceiros para coñecer de cerca da situación actual da praza de abastos da Guarda.

Dende o BNG-AA valorouse positivamente os resultados da reunión, sobretodo a alta coincidencia na análise das problemáticas que afectan á praza de abastos da Guarda, como o tipo de clientela, horarios, infraestruturas e aparcamento.

A formación nacionalista amosou o apoio aos praceiros e praceiras, pulando por unha praza de abastos como punto referencia tanto para a localidade como para o resto da comarca.
Para o BNG-AA debe existir un maior compromiso con esta infraestrutura municipal por parte do concello, cunha planificación e con medidas destinadas a potenciala, sen caer en investimentos puntuais que non solucionan o abandono que “Estamos seguros que cun proxecto serio e ben planificado, a nosa praza será un referente para o comercio local e un importante punto de atracción turística que non podemos perder”, comentou Angel Baz, candidato do BNG á alcaldía da Guarda.

O BNG-AA entende, en coincidencia cos praceiros e praceiras, que a praza de abastos é moito máis que o propio edificio, que todos os comercios que están arredor da praza tamén forma parte dela, constituíndo un modelo de comercio que da vida ao centro da vila.

 

Luns, 20 de abril de 2015      

Próxima humanización da rúa Calvario

Detalle da urbanización da Praza de Santo Tomás

 

A rúa Calvario, na Guarda, verá humanizado o treito comprendido entre o cruce coa rúa Rosal e o cruce coa rúa Largo, que terá un orzamento de 216.00 euros. Así o anunciaron no concello, explicando que o firme será  pavimentado en pedra con lousa de 15 cm de grosor para evitar, como acontece no treito inicial desta rúa, que as lousas poidan romperse ou despegarse co paso dos vehículos. Leva ademais a reposición de servicios e a separación de aguas pluviais e fecais.

Tratamento especial terá a Praza de Santo Tomás, que se convertirá nun espazo para as persoas e non para os vehículos como acontece na actualidade. Conxugará pavimentado a distintas cotas e o uso do adoquín para xenerar un lugar atractivo.

No futuro inmediato é intención do Concello é levar a cabo a 2ª fase da humanización que comprenderá dende o cruce coa rúa Largo ata a Praza da Guía, unindo así con pavimento en pedra dous espazos históricos da vila: A Praza do Reló e a Praza da Guía, a través da rúa Calvario.

 

Xoves, 16 de abril de 2015      

O concello da Guarda invita ós escolares a disfrutar dunha obra teatral na celebración do Día Internacional do Libro

O Concello da Guarda invita a 450 escolares á celebración do Día Internacional do Libro que se organiza o próximo xoves 23 de abril no Centro Cultural da Guarda.

A actividade, que está financiada polo Concello da Guarda en colaboración coa Axencia Galega de Industrias xunto coa Axencia de Turismo de Galicia, dentro do Programa Cultura no Camiño 2015, consiste, para os alumnos de Educación Primaria, nunha representación teatral baseada no conto de Hans Christian Andersen: “O parrulo feo”. A moi premiada compañía de teatro infantil “Caramuxo Teatro”, ofrecerá ós rapaces unha obra recentemente estreada, na que propón unha reflexión en clave de humor sobre as diferenzas entre as persoas e a diversidade cultural.

Os escolares acudirán a obra en dúas quendas; a primeira ás 10,30 horas e a seguinte a partir das 12. En total a representación ten unha duración aproximada de 45 minutos.

Pola súa banda, os alumnos de Educación Infantil, tamén conmemorarán esta data acudindo á Biblioteca Municipal, situada tamén no Centro Cultural. Os máis cativos, xunto cos monitores e mestres, visitarán este espazo, moitos por primeira vez, para familiarizarse tanto cos libros tradicionais como cos exemplares electrónicos, cos que xa conta a biblioteca.

Con esta iniciativa o Concello busca ofrecer unha alternativa máis dinámica e entretida para que os escolares celebren o día Internacional do Libro. Coa visita a biblioteca espérase que os nenos e nenas de entre tres e catro anos, comecen a sentir interese pola lectura e coñezan un espazo público no seu municipio que se lle ofrecen numerosas publicacións gratuítas.

 

A Biblioteca Pública Municipal da Guarda, a través da Rede de Bibliotecas de Galicia, ofrece un novo servizo de empréstito de libros electrónicos

GaliciaLe é a plataforma do libro electrónico das bibliotecas públicas galegas que ten por obxectivo facilitar o acceso de toda a cidadanía á lectura neste formato.

GaliciaLe proporciona un servizo de préstamo temporal de obras en formato dixital de temáticas diversas no que os intereses de todas as persoas lectoras terán o seu espazo (ficción, informática, historia, ocio etc.) e todas as idades o seu lugar.

En GaliciaLe o lector atopará dous catálogos: un que contén o “Catálogo do libro electrónico en galego” e outro que aloxa o “Catálogo do libro electrónico en castelán”. Os libros incluídos nestas dúas contornas poderán lerse en dispositivos compatibles: tabletas, teléfonos móbiles, ordenadores persoais e lectores de libros electrónicos.

Para poder acceder a GaliciaLe cómpre:

Ser usuario con carné dunha das bibliotecas da Rede de Bibliotecas Públicas de Galicia. Se xa tes tarxeta de lector/a é necesario que cubras o formulario de inscrición para rexistrarte como usuario de GaliciaLe. Ter un dispositivo compatible (tableta, ordenador persoal, lector de libro electrónico, teléfono móbil etc.) e unha conta de correo electrónico.

Lémbrase que para obter a tarxeta de empréstito na Biblioteca Pública Municipal da Guarda é necesario traer unha fotografía e DNI ou documento legal que acredite a identidade.
Para máis información premer no seguiente enderezo web: 
http://www.galiciale.es/

 

Mércores, 15 de abril de 2015      

O concello da Guarda  reduce  nun 80 por cento a débeda con bancos e proveedores

O  resultado da liquidación  do ano 2014 pon de manifesto  a  boa  situación económica do concello da Guarda fruto da xestión económica desenvolvida  polo equipo de goberno nestes últimos anos nos que se adoptaron unha serie de medidas  tendentes á  contención do gasto, de aforro, control dos servizos e  racionalización na prestación dos servicios públicos. O esforzo levado a cabo polo  goberno, nun entorno económico adverso, permite pechar o  ano con números  positivos nas contas do concello.

Débeda con bancos

Se no ano 2006 o endebedamento do concello da Guarda cos bancos era de 2.150.606,64€ o concello cerrará o 2015 no entorno dos 500.000€, é dicir,  o descenso do endebedamento cos bancos é  do 76,10% (o concello minorou o seu endebedamento en máis dun millón e medio de euros). O ratio de endebedamento por habitante sitúase nos máis baixos da provincia de Pontevedra, no entorno dos 48€ por habitante, cando no 2006 era de 112,2€/habitante. O concello da Guarda  é  o terceiro con menor débeda   da provincia,  dentro dos  municipios de máis de 10.000habitantes.

Dédeda con proveedores

Pero o esforzo feito en reducir o endebedamento non sería completo se non damos tamén a cifra do endebedamento con proveedores, sendo  as obrigas  pendentes de pago   a 31 de decembro de 2006 de 2.238.468,47€,  mentres que  a 31 de decembro do 2014  á débeda con proveedores era de 240.165,48€  (a día de hoxe totalmente pagada).

Sinalar que o periodo medio de pagamento a proveedores era hai uns anos de 180 días, no 2014 reduciuse a 45 días e no 2015 estase a pagar  no entorno dos 30 días a contar da entrada da factura no concello. Nestes momento o concello  da Guarda ten todo pagado ata o 15 de marzo do ano en curso (quedando unicamente  28.855,33€  pendentes dun Plan de Deputación)

Resultados da liquidación do 2014-SUPERAVIT-

A liquidación do 2014 amosa un resultado orzamentario  positivo de 372.334,94€,   e un  remanente de tesourería tamén  positivo que acada a cifra de  332.559,00€ . O concello da Guarda cumpre co criterio de estabilidade e co equilibrio presupuestario.

Medidas económicas  para o 2015

O equipo de goberno determinou no orzamento de 2015 conxelar os diferentes impostos municipais, asimesmo acordouse  ampliar o prazo de pagamento dos impostos para facilitar as xestións aos veciños e veciñas da localidade.

 

Martes, 14 de abril de 2015      

As actividades do programa “Móllate!” enchen a piscina de xogos, deporte e solidariedade

A iniciativa “Móllate!”, organizada polo Concello da Guarda, encheu a piscina municipal do municipio de xogos, concursos, deporte e solidariedade, durante a Semana Santa.

A actividade, que se desenvolveu durante os días 30 e 31 de marzo, e o 1 de abril, reuniu a máis de trinta rapaces e rapazas de entre seis a doce anos, e uns setenta adultos, para gozar de numerosas actividades acuáticas.

Mentres os nenos practicaron diferentes xogos, fixeron concursos de saltos e competiron en partidos de waterpolo, os adultos fixeron exercicio practicando “Aquazumba solidaria”. Os setenta participantes nesta actividade, ademais de facer deporte, aportaron paquetes de produtos que foron destinados para o banco de alimentos municipal.

Con esta iniciativa, ademais de promover o deporte entre os nenos, nenas e adultos da vila, o Concello, tamén quixo impulsar a solidariedade entre veciños.

 

Comezan as barrioferencias nas que se porá en valor o patrimonio da Guarda

O Concello da Guarda organiza unha vez máis un ciclo de charlas que intentarán por de manifesto o patrimonio desta vila que se celebrarán os venres e os sábados. Nesta ocasión, a actividade, que leva o nome de “Barrioferencias”, ten o obxectivo dar a coñecer ós veciños da Guarda diferentes puntos da localidade máis descoñecidos.

A primeira cita está organizada para o próximo venres 17 de abril a partir das 20,30 horas. O lugar de reunión será a Asociación “O Percamino” na Gándara onde os convidados, Victoriano Rodríguez, Praxíteles González e José Álvarez Alonso “Buraco”, explicarán e falarán sobe “Os Telleiros de Salcidos”. As seguintes datas serán o sábado 25 de abril, o nove de maio e por último o venres 29 deste mesmo mes, sendo todas no mesmo horario que a primeira. Nestas barrioferencias os temas a tratar serán “O Convento das beneditinas”, na que participará Joaquín Miguel Villa Álvarez, “O Coto de Camposancos”, na que estarán presentes tanto Antonio Rodríguez Portela coma Manuel Ángel Álvarez Pérez, e “O Contrabando no Esteiro do Miño”, da man de Praxíteles González.

Esta actividade da continuidade ás charlas divulgativas denominadas “Barferencias” que se levaron a cabo no 2012 e 2013 para conmemorar o Centenario da Sociedade ProMonte e as ofrecidas no ano posterior nas que se poñía en valor o Castelo de Santa Cruz, coincidindo coas datas da súa reapertura.

Como nas citas anteriores espérase que esta actividade sexa de novo un éxito no lugares onde se realicen, estean repletos de xente con ganas de coñecer un pouco máis da vila onde vivimos.

 

Luns, 13 de abril de 2015      

La concejala Fátima Iglesias confirma la presentación en los próximos días de una nueva formación política

La concejala Fátima Iglesias Ferreira confirma su presentación a las elecciones municipales de mayo, con una nueva formación política de la que darán a conocer sus siglas en breves días, al tiempo que anunciarán la fecha de presentación de la candidatura compuesta por personas, algunas que ya la acompañaron en la anterior legislatura, y otras que la animaron a tomar esta decisión.

Fátima Iglesias da este paso, dice, con la ilusión intacta  y con el apoyo de compañeros que han estado a su lado en los últimos años y nuevas caras que se suman a este proyecto.

Después de los acontecimientos ocurridos en el último mes, y tras la propuesta de la gestora local de A Guarda de anunciarla como candidata a la Alcaldía, pero que no fue ratificada por la ejecutiva del PP en Pontevedra, la edil ha dejado claro que por coherencia y compromiso con sus compañeros, con muchos ciudadanos y con el pueblo de A Guarda, debía dar este paso, buscando una alternativa que genere nueva ilusión en todos aquellos que se han visto decepcionados.

Fátima Iglesias, guardesa, concejala en A Guarda desde 2007 y candidata a la Alcadía en 2011, es licenciada en Pedagogía y lleva ejerciendo en los últimos años como docente. Tras 8 años de dedicación a la vida política, conciliando con su profesión y su familia, cree que es momento de continuar apostando por A Guarda, abriendo las puertas a todas aquellas personas y colectivos que deseen implicarse, aportar ideas, conocimientos y experiencias, y afirma que trabajará intensamente para exponer su proyecto y conseguir hacerlo realidad.

 

Sábado, 11 de abril de 2015      

Xuventudes Socialistas homenaxea hoxe ás redeiras

As Xuventudes Socialistas da Guarda, homenaxea hoxe, sábado, ás 11.00 horas, no Museo do Mar da Guarda, ás redeiras da vila, para ensalzar a figura da muller no ámbito mariñeiro, nun oficio ao que estiveron, e están, vinculadas moitas familias da Guarda, e que ademais das facetas que históricamente tiñan que desenvolver (labores da casa, crianza dos fillos, agro), demostraron a constancia e o traballo dedicándose a este oficio e permitindo que as embarcacións tivesen o material nas mellores condicións posibles.

Trátase dunha homenaxe á muller loitadora que traballou tamén moitas horas á lus do candil, coa incerteza de non saber onde faenaban os mariñeiros da vila, os seus irmáns, pais, fillos, maridos ou namorados.

 

Venres, 10 de abril de 2015      

Cinco premiados no sorteo da Ruta do Pincho da Lamprea do Miño 2015

O pasado mércoresm día 8, tivo lugar no Concello da Guarda o sorteo dos premios da a Ruta do Pincho da Lamprea do Miño 2015, resultando agraciada co primeiro premio, unha caixa de botellas de viño albariño, María Antonia Baz Martínez. Os outro catro premiados, aos que corresponderon cadnasúa caixa de viño Ribeiro, foron Alberto Martínez Cadilla, José Luis Cerviño Vela, Milucha Alonso e Enrique Mato Estévez

Alba Barbosa Pacheco, bolseira de Turismo da Deputación de Pontevedra, e Ana Karina Rodríguez, representante dos viveiristas da Guarda, foron as responsables de sacar as papeletas co nome dos gañadores desta segunda edición da Ruta do Pincho da Lamprea do Miñom do Pincho da Lamprea do Miño, realizando labores de supervisión a técnica de turismo do Concello, Rosalía Verde Pérez.

 

Mércores, 8 de abril de 2015      

O Proxecto Socheo recupera filmes da Guarda dos anos 30

Joaquín García Portela

 

O Proxecto Socheo vén de sacar á luz un grande tesouro audiovisual, uns filmes que recollen imaxes da Guarda na década do 1930.

Os filmes foron realizados por Joaquín García Portela “Costiña”, un afamado fotógrafo da Guarda que desenvolveu a súa actividade na primeira metade do século XX. O pasado nadal, cando as súas netas Joaquina e Celia Martínez estaban a limpar o faiado, apareceu unha caixa con 8 rolos de películas no formato 9,5 mm da Casa Pathé.

Tras un estudio previo por parte de Proxecto Socheo sábese que a metade son filmes comerciais (noticiarios, comedias e relixiosos) e os outros rolos son filmes familiares con moitas filmacións que reflicten a vida da Guarda durante os anos da Segunda República.

Autor

Joaquín García Portela (A Guarda, 18 de febreiro de 1894 - 14 de xullo de 1957). Entrou no mundo da fotografía de man do estudo fotográfico guardés Casa Táboas. Emigrou a Arxentina onde perfeccionou a súa técnica fotográfica. A mediados da década dos vinte regresou á Guarda e combinou o seu traballo de fotógrafo co de técnico de radio, chófer e proxeccionista de cinema. Nun principio el e a súa familia moraban nunha casa no barrio de Laxe Grande, mais a comezos da década dos corenta instalou o seu estudio na Rúa Concepción Arenal. O seu traballo fotográfico e a súa bonhomía aínda están moi presentes nas lembranzas dos veciños da Guarda.

Características dos filmes

Os rolos dos filmes son de 9,5 mm, un formato singular comercializado pola Casa Pathé de Francia en 1925. A finais da década dos 20 varios fotógrafos galegos adquiriron o proxector para facer sesións de cinema comerciais ou privadas. Joaquín García Portela mercou o proxector e unha cámara co que fixo filmes familiares durante os primeiros anos da década dos 30.

Tralos primeiros visionados hai unha serie de elementos que permiten aventurarse na datación. Sábese, pola presenza das fillas do fotógrafo, que son filmes feitos en varios anos xa que as dúas nenas medran ao longo dos filmes. Tamén aparecen unhas obras no porto que por medio de fotografías datadas permiten gravitar os filmes arredor do ano 1934. Tras ter en conta estas variables e ata que parezan sinais máis concretas pódese dicir que estes filmes foron feitos no abano temporal que vai entre 1931-1935. Un período importantísimo onde se sabe que A Guarda recibiu a visita de etnógrafos, fotógrafos e cineastas como Xaquín Lorenzo “Xocas”, José Suárez e Carlos Velo. Unhas miradas científicas e artísticas interesadas na singularidade cultural da Guarda, especialmente da súa comunidade mariñeira.

Malia que a maioría da metraxe son escenas familiares estes filmes teñen un amplo valor documental xa que todas xuntas conforman o mellor xeito de coñecer A Guarda durante o período da República. Nun primeiro inventario damos conta de variadas secuencias costumistas relacionadas co mundo do mar: mariñeiros, actividade no porto, vida na Ribeira, recollida de argazo, redeiras, embarcacións, arranxando gamelas, temporais... Mais tamén atopamos rexistros de celebracións guardesas como a fogueira de San Xoán no muíño de Mazaracos, Misa e procesión da Festa da Guía, Festa do Monte ou a Romaría de Santa Trega. E tamén aparecen secuencias do mundo rural da zona de Salcidos e o Castro: recollida de patacas, cría de animais, escenas campestres... A parte de imaxes da Guarda tamén hai imaxes do Berbés, en Vigo.

Xestións para a dixitalización as imaxes

Proxecto Socheo púxose en contacto co CGAI para estudiar unha posible dixitalización. Mais a singularidade do soporte cinematográfico (9,5 mm) fai imposible a súa dixitalización en Galicia. Pediuse un orzamento a un laboratorio de Madrid que resulta inasumible para a filmoteca galega.

Proxecto Socheo fai un chamamento ás institución locais ou entidades privadas para poder cubrir os gastos. Segundo Xurxo González, director de Proxecto Socheo, “sería unha mágoa que o Concello da Guarda, a Deputación de Pontevedra, Confraría, ORPAGU ou comisións de festas non fixeran nada para poñer en valor este patrimonio cinematográfico que di moitísimo do noso pasado”.

Sobre o Proxecto Socheo

O Proxecto Socheo comezou a súa andaina no 2011, dende entón recibiu galardóns como o o Premio de Alfabetización Audiovisual do Ministerio de Educación, Cultura e Deporte, xunto o IES A Sangriña, ou o segundo premio do Concurso de Proxectos e Ideas para a Xestión Cultural; tamén foi protagonista de sesións e atención en lugares e institucións como o Festival Cineuropa de Santiago, exposición Plan de Rescate na Coruña, Centro Galego de Artes da Imaxe, Proxecto Grand Treasures en Estonia, Carballo Interplay, Cineclub de Caminha, Memoria Acústica Europea, Memorybytes en Barcelona, Cine Club de Pontevedra, II Encontro para a creación común de cinema doméstico,… entre outros.

Dende o Proxecto Socheo solicítase a colaboración de todo aquel que teña gardadas gravacións que, como no caso de Joaquina e Celia Martínez, poden resultar de gran valor para o patrimonio audiovisual do Baixo Miño.

A maior parte deste traballo está dispoñible en Internet, a través dunha canle homónima en Youtube que superou as 67.000 visitas. Pódense visionar máis de 300 películas desde a década dos anos 20 até a actualidade. Igualmente pódese seguir a súa evolución nas redes sociais.

 

Martes, 7 de abril de 2015      

O Xulgado de Tui absolve á sindicalista da CIG denunciada polo xerente do San Xerome

O Xulgado nº 3 de 1º instancia de Tui ditou sentenza no xuízo de faltas á sindicalista da CIG-Ensino Marta Dacosta, tras a denuncia presentada polo xerente do San Xerome. A sentenza é de libre absolución para a sindicalista.

O 23 de abril de 2013, explican desde o sindicato, o xerente do San Xerome presentou denuncia na Garda Civil da Guarda pola colocación de carteis firmados pola CIG esixindo a readmisión de catro traballadores despedidos do centro o día 5, despedimento que se fixo sen o preceptivo preaviso de quince días e argüíndo causas económicas que non se demostraron durante o xuízo en que estes despedimentos foron declarados improcedentes. O día 5 de agosto do mesmo ano, corenta días despois de que finalizasen as mobilizacións coa manifestación de 27 de xuño, o xerente amplía a denuncia presentada, especificando que se colocaran máis carteis desde abril e dando o nome da sindicalista Marta Dacosta expresamente. A CIG-Ensino xa manifestou que consideraba esta denuncia un intento de criminalizar a actividade sindical propia dun conflito da gravidade do sucedido no San Xerome Emiliani e rexeita este xeito de proceder.

Durante a vista, o fiscal sinalou que na proba que presentaba o xerente se vía un grupo de persoas, porén a única denunciada fora Marta Dacosta, ademais sinalaba que a colocación do cartel que se denunciaba fora con cinta adhesiva, feito que xa aparecía recollido no atestado da Garda Civil. Por todo isto, o fiscal propuxo a libre absolución, baseada na falta de relevancia penal dos feitos denunciados, termos en que foi ditada a sentenza.

Desde a CIG-Ensino consideran lamentábel que o xerente e a dirección do San Xerome Emiliani dediquen o seu tempo e os seus recursos económicos a este tipo de denuncias, en lugar de centrar os seus esforzos en loitar para que o San Xerome siga sendo o centro que foi. A CIG-Ensino rexeita que teñan que verse coa dirección da empresa nos tribunais por este tipo de temas, mais que non accedesen en ningún momento a reunirse para tratar de evitar o despedimento destes catro traballadores e que tampouco accedesen a buscar outra solución para os e traballadores afectados polo ERE temporal. Non se pode deixar de denunciar que mentres se gasta tempo e recursos nestas denuncias que perseguen criminalizar a actividade sindical, algúns traballadores do Centro Especial de Emprego acumularon máis de vinte días de atraso no cobro das súas nóminas.

Desde a CIG-Ensino se preguntan como se pode explicar que, se non hai diñeiro para manter os contratos do persoal do Centro Especial de Emprego, si o haxa para levar a unha sindicalista ante o xuíz por un feito verdadeiramente irrelevante, e que clase de xestión do centro é esta, ou se teñen todos os asociados, propietarios reais do centro, esta información.

A CIG-Ensino considera que a xudicialización que está provocando a actual xestión do San Xerome é contraproducente para a boa marcha do centro, o empeño en despedir a catro persoas si vai supor un quebranto económico para a entidade, pois o que demostrou o xuízo é que os despedimentos non foron por causas económicas, do que cabe concluír que, efectivamente, se quería despedir exactamente a esas persoas por teren participado nunha demanda de conflito colectivo en defensa dos dereitos que lles recoñece o convenio colectivo. A estes catro despedimentos hai que sumar un quinto despedimento dun traballador da Administración que a empresa aceptou desde o primeiro momento que era improcedente. É dicir, o San Xerome, “grazas” á xestión da actual dirección vai ter que desembolsar máis de 150.000 € en total, segundo a CIG.

 

Xoves, 2 de abril de 2015      

O ferry que une A Guarda e Caminha retoma as súas viaxes o venres día 3

O ferry que une o Concello de A Guarda coa vila de Caminha, en Portugal, restablece as súas viaxes este venres día 3, con motivo da celebración da Semana Santa.

A primeira viaxe sairá dende Caminha ás 17.00 horas (hora española). Pola súa banda dende A Guarda, o ferry cara Portugal, partirá ás 17.30 horas (hora española). As travesías continuarán tanto o sábado coma o domingo.

A próxima semana o transporte estará condicionado polas labores de dragado que se están a levar a cabo no río e que non son compatibles coas viaxes do ferry. Espérase que o sábado 11 se retomen as travesías e que o ferry recupere o seu normal funcionamento.

Durante todo o mes de abril o transporte será gratuíto.

Consulta de horarios na oficina do ferry a partir do venres día 3 e no teléfono 986 61 15 26.

 

Mércores, 1 de abril de 2015      

Prazas nos cursos da OMIX  da Guarda

A OMIX do concello da Guarda oferta os cursos de inglés e monitor de tempo libre así como rutas guiadas sobre  historia e arte na nosa contorna, actividades que comezarán neste mes de abril.

Os cursos de inglés, de nivel iniciación e de nivel medio, impartiranse os luns e mércores de 20:15 a 22:15 cun custe de 25 euros, tratándose de cursos moi prácticos e divertidos.

O curso de monitor de tempo libre terá lugar as fins de semana e o seu custe son 200 euros, descontándose un 10 por cento deste prezo aos posuidores do Carné Xove ou coa tarxeta de desemprego. Esta é unha formación homologada para traballar no tempo de ocio e lecer.

Por último,  Ruta 552 Itinerarios con Arte, ofrece formación en arte e historia local que inclúen visitas guiadas. Realizaranse catro xornadas de formación e catro saídas.

Para máis información pódese acudir á OMIX do Concello da Guarda.

 

Martes, 31 de marzo de 2015      

Hoxe convocatoria do Partido Popular aos seus militantes na Guarda

Hoxe, martes, ás 20 horas, na nova sede dos Populares da Guarda, na rúa Agustín Nandín Lomba, bloque 2, ao carón da Igrexa Parroquial, convócase aos afiliados e simpatizantes do Partido Popular de A Guarda, para a presentación da Xestora do partido, así como para recabar aportacións dos militantes ao programa electoral, no que está traballando a candidata Conchi Ortega xunto co seu equipo. Foi intención de Ortega, sinala a aludida, falar con todos os militantes para convocar a reunión, pero debido ao gran número dos mesmos, e á falta de actualización dos seus datos de contacto, foi imposible. Por esa razón fai un chamamento para que filiados e simpatizantes se acheguen á sede do Partido Popular.

Entre os asistentes estarán o presidente provincial do Partido Popular, Rafael Louzán, e a secretaria xeral, Rocío de Sinde.

 

Cobro dos recibos correspondentes ó Imposto sobre Vehículos de Tracción Mecánica

Dende mañá, 1 de abril, e ata o 7 de xuño, estarán o cobro os recibos correspondentes ó Imposto sobre Vehículos de Tracción Mecánica exercicio 2015.

         No caso de que algún contribuínte non reciba a carta de pagamento pode solicitar un duplicado da mesma dirixíndose a Oficina de Xestión Tributaria (R/ Jose M. Andreini 6 Baixo– Tfno: 986 60 90 67) ou a través da web do Concello de A Guarda (Impresos >Trámites e impresos > Cartas de pagos), xa que ó tratarse de débedas de carácter periódico e notificación colectiva a non recepción no domicilio da mesma non exime da obriga de pagamento nin da vía executiva.

          A partires de dita data as débedas serán esixidas polo procedemento de prema e devengarán os recargos, xuros de demora, e demáis conceptos esixibles.

 

Luns, 30 de marzo de 2015      

O concello da Guarda acometerá unha segunda fase de obras de mellora na Praza de Abastos

O equipo de goberno da Guarda solicitou unha subvención  á consellería de Economía e  Industria para realizar obras de mellora das instalacións  da Praza de abastos. O importe total do proxecto de remodelación acada os 124.418,24 euros, dos que o concello ten que realizar unha aportación directa de 37.325,47 euros e a consellería aportaría 87.092,77 euros.

Este proxecto de remodelación vai dirixido a mellorar o pavimentado do andar baixo do Mercado Municipal, a eliminación duns postos fixos (que están en mal estado) na zona central para  instalación duns móviles en aceiro inox, afrontar a mellora na iluminación coa instalación  de luminarias de  baixo consumo e solucionar zonas de penumbra, repaso do lucernario e mellora da sinaléctica. Xunto coas obras de mellora das instalacións da Praza de Abastos hai  un proxecto de mentoring  por un importe de 3.630 euros.

O concello da Guarda xa realizou unha primeira fase de obras na Praza de Abastos, no ano 2013, cun importe de 77.729,18 euros que consistiron na reparación de humidades, así como na remodelación das dúas fachadas que se atopaban moi deterioradas.

 

Sábado, 28 de marzo de 2015      

A Guarda aspira atopar subvención para o acondicionamento da 2ª fase do castelo de Santa Cruz

O Concello da Guarda vén de participar na convocatoria do 1,5 por cento cultural do Ministerio de Fomento co proxecto de Posta en valor do Castelo de Sta Cruz -2ª fase-, cuxas liñas de actuación incluídas no proxecto están relacionadas coa mellora das condicións de uso e mantemento do interior e do acondicionamento do exterior do recinto amurallado, de maneira que a recuperación das estruturas alteradas permita ó visitante obter unha lectura completa da fortaleza de Santa Cruz

 

Venres, 27 de marzo de 2015      

O periodo voluntario do pagamento das taxas de lixo finaliza o 1 de abril na Guarda

O vindeiro 1 de abril finaliza ó período voluntario de pagamento dos recibos correspondentes á taxa pola recollida do lixo do exercicio 2015.

           No caso de que algún contribuínte non recibise a carta de pagamento pode solicitar un duplicado da misma dirixíndose á Oficina de Xestión Tributaria da Guarda (R/ Jose M. Andreini 6 Bajo – Tfno: 986 60 90 67) ou a través da páxina web do Concello da Guarda (Impresos >Trámites e impresos > Cartas de pagos), xa que ó  tratarse de débedas de carácter periódico e notificación colectiva a non recepción no domicilio da mesma non exime da obriga de pago nin da vía executiva.

          Infórmase, ademais, que a partir da mencionada data as débedas serán esixidas polo procedemento de prema e devengarán os recargos, xuros de demora e demais conceptos esixibles.

 

Miércores, 25 de marzo de 2015      

Pleno ordinario na Guarda o venres

A Corporación da Guarda celebrará este venres, 27 de marzo, ás 20 horas, sesión Ordinaria de Pleno coa seguinte Orde do Día:

PUNTO PRIMEIRO.- DAR CONTA DE DECRETOS

PUNTO SEGUNDO.- PROPOSTA DA ALCALDÍA DE  APROBACIÓN DE RECOÑECEMENTO EXTRAXUDICIAL DE CREDITO 3/2015.

PUNTO TERCEIRO.- PROPOSTA DA ALCALDÍA DE APROBACIÓN DE MODIFICACIÓN ORZAMENTARIA Nº 7/2015

PUNTO CUARTO.- PROPOSTA DE ALCALDÍA DE APROBACIÓN DA MODIFICACIÓN DA ORDENANZA REGULADORA DO PREZO PÚBLICO POLA ASISTENCIA E ESTANCIA NA GARDERÍA MUNICIPAL DA GUARDA.

PUNTO QUINTO.- PROPOSTA DA ALCALDÍA DE SUPRESIÓN DAS RETRIBUCIÓNS DO CARGO DE ALCALDE  EN REXIME DE DEDICACIÓN EXCLUSIVA.

PUNTO SESTO.- PROPOSTA DA ALCALDIA DE APROBACIÓN DOS MODELOS DE DECLARACIÓN SOBRE CAUSAS DE POSIBLE INCOMPATIBILIDADE E SOBRE CALQUERA ACTIVIDADE QUE LLE PROPORCIONE OU POIDA PROPORCIONAR INGRESOS ECONÓMICOS E DECLARACIÓN SOBRE BENS PATRIMONIAIS.

PUNTO SÉTIMO.- DAR CONTA DO ENVÍO DO MARCO ORZAMENTARIO 2015 - 2018 Ó MINISTERIO DE FACENDA E ADMÓN. PUBLICAS

PUNTO OITAVO.- DAR CONTA DO ENVÍO Ó MINISTERIO DE FACENDA E ADMÓN PUBLICAS DA EXECUCIÓN DO 4º TRIMESTRE DO ORZAMENTO MUNICIPAL.

PUNTO NOVENO.- DAR CONTA DO ENVÍO Ó MINISTERIO DE FACENDA E ADMÓN. PÚBLICAS DO ORZAMENTO DO ANO 2015 DO CONCELLO DA GUARDA E DO PADROADO MUNICIPAL SANTA TREGA.

PUNTO DÉCIMO:- DAR CONTA DA LIQUIDACIÓN DO ORZAMENTO 2014.

PUNTO UNDÉCIMO- MOCIÓNS:

·         R.E. Nº 1.148 DO BNG. MOCIÓN PARA DEMANDAR UN PLAN DE EMPREGO FEMININO.

·         R.E. Nº 1.780 DO GMS. INVERSIÓN DA XUNTA NAS INSTALACIÓNS EDUCATIVAS MUNICIPAIS.

·         R.E. Nº 1.781 DO GMS. A HORA DO PLANETA.

·         R.E. Nº 1.784 DO BNG. MOCIÓN PARA DEMANDAR A MELLORA DO SERVIZO DE CORREOS NO NOSO CONCELLO.

 

Luns, 23 de marzo de 2015      

Curso de decoración de palmas en Las Samaritanas

            Tras cerrarse el plazo de inscripción comienza hoy, y hasta el próximo viernes, día 27 de marzo, el Curso de decoración de palmas en la Fundación Las Samartinas, de A Gándara, en horario de mañana y tarde, de 11 a 13 horas y de 16 a 18 horas.

 

Venres, 20 de marzo de 2015      

Educastro: visitas e obradoiros didácticos a Santa Trega

Nos días lectivos do mes de abril o alumnado de Primaria e Secundaria da Guarda poderá participar dun programa de visitas guiadas e obradoiros didácticos que se desenvolverán no MASAT (Museo Arqueolóxico de Sta. Trega) e no poboado castrexo. A programación comezará con visitas guiadas ó castro de Santa Trega (entre 30´- 45´ de duración) e continuará cun obradoiro didáctico (45´) sobre os modos de vida na Idade do Ferro. Cada obradoiro adaptarase ás idades e ciclos específicos e serán desenvolvidos por monitores de GaliPat Servizos Culturais. Os obradoiros que poderán realizar os participantes son:

- A Muller e a cerámica na Idade do Ferro (terceiro ciclo de primaria)

- Símbolos do pasado (primeiro e segundo ciclo de primaria)

- Cazadores na Prehistoria (Secundaria)

Esta actividade forma parte do proxecto educativo EduCastro, financiado polo Ministerio de Cultura, a Consejería de Cultura del Principado de Asturias e o Padroado Municipal Monte Trega. Este proxecto céntrase no mundo dos castros do Noroeste da Península e ademais das visitas e obradoiros completarase cunha plataforma web con aula virtual (www.educastro.es) á que os docentes poderán acceder para consultar diversas unidades didácticas e recursos docentes para poder traballar co alumnado na aula así como una app con diversas seccións de avaliación de contidos e xogos interactivos.

As visitas son gratuítas (non se inclúe o desprazamento ó castro) e están destinadas a un máximo de 1000 alumnos. Os colexios dispoñen dun correo electrónico para efectuar a reserva (reservas@educastro.es), ou solicitar máis información (info@educastro.es), ademais dun teléfono de contacto 655 519 042. En caso de calquera dúbida diríxanse ó Departamento de Cultura do Concello da Guarda: 986 610 283.

 

Luns. 16 de marzo de 2015      

Unha delegación do BNG reúnese cos pescadores do Miño na Guarda e en Tomiño

Unha delegación do BNG, na que participaron a deputada do Congreso, Olaia Fernández; o deputado no parlamento galego, Daniel Rodas: o candidato a Alcaldía da Guarda, Ángel Baz, e o portavoz municipal Xan Lois Lomba reuníronse cos pescadores do Rio Miño na Confraría da Guarda.

Despois de daren conta aos pescadores das xestións e das propostas presentadas tanto no Parlamento Europeo como nos parlamentos Galego e Español para paralizar a normativa Europea que pretende ilegalizar as artes de pescas tradicionais do Miño, abordáronse outros problemas que afectan ao sector.

“As soltas de auga incontrolada do encoro de Frieira provoca danos de grande magnitude na fauna piscícola, aspecto que leva denunciando reiteradamente o BNG no parlamento Español. As centrais eléctricas actúan como auténticas propietarias do rio co consentimento do goberno central” enfatizou Olaia Fernández aspecto no que coincidiron cos pescadores.

Nunha reunión posterior celebrada en Tomiño cos pescadores desta localidade, a alcaldesa Sandra González comprometeuse a levar á Comisión de Límites toda a problemática do rio así como a urxencia de que a Comision de Pescadores e a Confraría da Guarda formen parte desta Comisión para poder defender directamente os seus lexítimos intereses.

 

Venres, 13 de marzo de 2015      

A Guarda galardoa ao deporte celebrando hoxe a VIII Gala do Deporte

Hoxe, 13 de marzo, no Centro Cultural, A Guarda celebra a súa VIII Gala do Deporte, na que se recoñece o sacrificio, dedicación e logros alcanzados polos clubs e deportistas guardeses.

A gala estará conducida polo periodista deportivo Terio Carrera e apadriñada por Arturo Abruñedo Fernández, entrenador do Club de Remo Robaleira, e Manuel Etayo Ortigosa, entrenador do club de balonmán Atlético Guardés.

 

Xoves, 12 de marzo de 2015      

A obra de teatro “D.E.P.” o sábado, ás 20 horas no Centro Cultural da Guarda

Por iniciativa do concello da Guarda, a Compañía Malasombra Produccións representará o sábado, día 21, ás 20 horas, no Centro Cultural, onde se debe recoller previamente o tiket gratuíto, a comedia “D.E.P.” (Descanse en Paz).

D.E.P.” é un espectáculo dirixido a un grande abano de públicos. Tanto a temática, o texto en si, como a posta en escena, resultará de interese a públicos de calquera idade, de diferentes clases sociais e culturais, ben sexa dun ámbito urbano ou rural.

Sipnose

D.E.P.” é unha comedia na que se mostra con moito humor, o egoísmo, a mentira e o engano entre irmáns ante a repartición dunha herdanza. Uns seres humanos que nos amosan o seu lado máis cruel, ante a disputa de bens materiais: "que mamá morra axiña por favor! ".

¿Quen non soubo de pelexas entre irmáns por este motivo?

Como din os expertos: "Unha herdanza sen problemas non é herdanza, senón milagre".

Ou como dicían as nosas avoas: "A quen Deus non lle dá fillos, o demo dálle sobriños".

Isto é “D.E.P.” Unha comedia, claro.

 

Mércores, 11 de marzo de 2015      

Emotivo homenaxe a Julia Sobrino por parte de Mulleres Progresistas

A Asociación de Mulleres Progresistas da Guarda, con motivo do Día da Muller,  organizou  unha cea, que desde hai ano se vén celebrando, á que asistiron un número importante de mulleres da Guarda.

Nesta edición a directiva de Mulleres Progresistas quixo homenaxear a Julia Sobrino González, muller loitadora e cunha amplia traxectoria en distintos ámbitos como son o social,  o cultural, o político e o empresarial.

Julia Sobrino é un referente importante para  as mulleres progresistas da Guarda e a asociación quixo agradecerlle todo o labor realizado durante estes anos. Así, no ámbito cultural, Julia realzou a poesía, o teatro, o baile tradicional galego, e traballou na recuperación do traxe galego da Guarda. No ámbito social organizou e participou en distintos festivais benéficos. No ámbito político foi a primeira concelleira socialista da Guarda, participando activamente no traballo municipal. E, finalmente, no ámbito empresarial foi xerente durante décadas dun emblemático establecemento comercial.

A  directiva da asociación entregoulle un agasallo en recoñecemento a ese labor   desenvolvida a prol do pobo da Guarda.