PORTADA

NOTICIAS  

A GUARDA

TUI

O ROSAL

OIA

TOMIÑO

BAIXO MIÑO

LOCAL

OUTRAS NOVAS

DEPORTE

AXENDA

NECROLÓXICAS

ENTREVISTAS

COMUNICADOS

PORTUGAL

HEMEROTECA

PÁXINAS

 REPORTAXES

CONCELLO DA GUARDA

RÚAS DA GUARDA

VARIA

FOTOSAYER

FOTOS LECTORES

PATRIMONIO arquivo e documentación

XENTES de Ribadavila

Calendario

ENLACES

 
 
 

 

galiciasuroeste                                                  Informativo A Guarda

  

En el puerto de A Guarda

Rúa Dr. Fernández Albor, 19

Teléf. 986 610 4 74

        659 984 234

A Guarda

CARTELES, CATÁLOGOS, PUBLICIDAD, TARJETAS, SOBRES, LIBROS, FACTURAS, CARPETAS, DÍPTICOS, PROGRAMAS...

Plaza de San Benito 2 y 3 bajo

36.780 · A Guarda

telf. 986 60 89 20

infsb@infsb.com

Rúa do Porto, 59

Tlfno. 986 610 473

36780 A GUARDA

www.restaurantetrasmallo.es

Carretera de Camposancos, 110

Camposancos (Pontevedra)

Teléfono 986 62 72 36

I. M. DÍAZ, SL

Mecánica en general

Fábrica de Invernaderos

 

El Pasaje

Camposancos

A GUARDA

.

'/Fax 986 62 72 44 

galiciasuroeste                                                                              

Martes, 23 de maio de 2017   

O BNG insta ao Pedáneo de Camposancos a cambiar as ameazas por explicacións sobre S Xerome

O Bloque Nacionalista Galego, quere amosar toda a solidariedade á Merchi Martínez, vogal do BNG na Entidade de Camposancos, diante das ameazas proferidas polo alcalde-pedáneo do PSOE, Rafael Álvarez.

Para os nacionalistas, as ameazas do alcalde pedáneo de Camposancos son unha cortina de fume para desviar o tema preocupante da relación que existe entre o San Xerome e a ELM de Camposancos.

Hai semanas produciuse unha serie de despidos no Centro de traballo San Xerome, lenbran desde o BNG, tendo en conta que persoal deste centro ten realizado traballos para a ELM de Camposancos, a vogal do BNG presentou un escrito cunha batería de preguntas para aclarar o papel da Entidade en todo este tema. As preguntas tamén foron levadas ao pleno ordinario que se celebrou o mesmo día, coa sorpresa dunha complicidade entre o PP e o PSOE en contra do BNG.

O alcalde negou dita relación laboral, pero examinando os orzamentos do ano 2016 os nacionalistas observan a existencia dunha partida chamada: “traballos realizados por outras empresas (San Xerome)” por valor de 8.000 euros. Polo que o BNG insta ao alcalde pedáneo do PSOE a explicar a natureza desa partida.

Chama a atención que a estas alturas do ano, mes de maio, o goberno da ELM de Camposancos non ten orzamentos para o ano 2017, tendo maioría absoluta para aprobalos, iso é do que se ten que ocupar o presidente da ELM de Camposancos.

“Se o alcalde pedáneo quere presentar denuncia, que o faga, estarei encantada de explicarlle ao xuíz porque consideramos que minte”, comentou Merchi Martínez, Vogal do BNG na ELM de Camposancos.

Para o BNG as formas utilizadas polo Pedáneo de Camposancos non son propias dun cargo político con responsabilidade de goberno que debe dar explicacións á oposición e non ameazas.

Os nacionalistas insisten en que o alcalde pedáneo debe explicar como ten acceso a unha acta de pleno que aínda non teñen os demais vogais, que debe ser aprobada polo pleno da Entidade, mentres a vogal do BNG hai máis de 28 días que solicitou copia sen obter resposta.

“O Pedáneo do PSOE instrumentaliza a institución e aos seus traballadores de xeito partidista. Por que sae o ataque do PSOE 13 días despois? Por que non se nos contestaron ás preguntas sobre San Xerome que se presentaron o 17 de abril? Estas dúbidas fan que pensemos que hai algo que esconder”, sinala Merchi Martínez.

O BNG insta ao alcalde pedáneo da ELM de Camposancos a que abandone as ameazas e aclare a relación existente entre a ELM de Camposancos co Centro de traballo San Xerome da Guarda.

 

Sábado, 20 de maio de 2017   

Fátima Iglesias insta al gobierno local a retomar contactos con los propietarios de la finca de Fínola para la futura ampliación de la alameda guardesa

La concenjala no adscrita en el concello de A Guarda Fátima Iglesias, registró una moción para su debate en el próximo pleno ordinario, en la que propone al gobierno local  retomar los contactos con los propietarios de la "Finca de Fínola", próxima a la alameda guardesa, para negociar el coste de la misma y valorar la capacidad económica de  endeudamiento del consistorio para su compra, con la finalidad de llevar a cabo un proyecto de ampliación de la alameda guardesa.

La alameda es uno de los lugares de esparcimiento de muchas familias a diario y también el lugar donde se celebran actividades festivas, sociales, culturales, solidarias, comerciales, musicales e incluso deportivas.

Un espacio neuralgico y visible de la villa donde confluyen diversas calles y que se queda pequeño, pero que posee posibilidades de ampliación. La alameda tiene pasado por diversos cambios en su aspecto: pavimentación, materiales constructivos, vegetación, elementos decorativos, mobiliario urbano y lúdico, con mayor o menor acierto, señala la edil, que añade que lo que apenas evolucionó o se transformó es su tamaño y está demostrado que sería necesario ampliarla y dotarla de nuevos servicios para el disfrute de de todos.

 

Venres, 19 de maio de 2017   

A Deputación de Pontevedra garante ao concello da Guarda a reforma da rúa Concepción Arenal

O goberno provincial da Deputación de Pontevedra aprobará no prazo dun mes o convenio co Concello da Guarda para a completa realización do proxecto de mellora da rúa Concepción Arenal. O compromiso foi ratificado onte polo deputado de cooperación, David Regades, responsable das relacións da Deputación cos concellos, tras a reunión mantida co alcalde da Guarda, Antonio Lomba.

O deputado provincial, que mantivo un encontro co alcalde guardés para facer unha previsión dos proxectos para á vila, enmarcados no Plan Concellos 2017, sinalou que “como non podería ser doutro xeito, a reforma de mellora da estrada de Concepción Arenal é un feito en atención ás demandas do alcalde e do goberno municipal”.

 

Xoves, 18 de maio de 2017   

Os comuneiros de Camposancos lembraron as Letras Galegas

 

Premer na foto para máis imaxes

 

A Casa cultural da Comunidade de Montes de Camposancos acolleu un acto para conmemorar as Letras Galegas. Sabela Rodríguez Jardón lembrou a Carlos Casares, de quen foi a súa alumna en Ourense, falando da vida e da sua obra do escritor homenajeado en Galicia. A continuación lembrouse ao emprendedor Camposino Manuel Vicente Perez, que fundou unha ceramica en Guillarei no século XIX, que hoxe aínda segue activa, a dos Trinta, adicándose nas horas de lecer a escribir poemas que os seus herdeiros. E para contarnos da súa vida e lernos algo da sua obra poética subiron o escenario unha neta, Olga Rodríguez Vicente e Tino Baz. Pechou o acto o grupo folk O Fuscalleiro da Guarda.

 

Mércores, 17 de maio de 2017   

A concellería de Educación pide unha cita co xefe  territorial de Educación para falar das necesidades dos centros escolares da Guarda

A Concellería de Educación do Concello de A Guarda solicitou unha cita co xefe territorial de Educación en Pontevedra, César Pérez Ares, para falar persoalmente das necesidades dos Centros Escolares da localidade.

A cita foi solicitada debido a falta de resposta por parte da mencionada Xefatura aos reiterados escritos que durante este curso escolar se enviaron para falar dos compromisos adquiridos con algúns dos centros e que non foron levados a cabo. Ademais tamén se lle plantexarán as obras que deberán acometer en Centros que son moi antigos e nos que non foron realizadas reformas en moitos anos.

 

Os nenos de a Guarda asistirán a un taller de robótica con R

            Os cativos de A Guarda potenciarán a súa creatividade e espertarán o seu espírito emprendedor o vindeiro sábado, 20 de maio, grazas a crea R, un obradoiro de tecnoloxía organizado polo operador galego R.

Desenvolveranse tres talleres de robótica, cadanseu de dúas horas. O primeiro deles, de 10:00  a 12:00h, para nenos de entre 7 e 8 anos. Deseguido, os cativos de 9 a 11 anos serán quen desfruten desta iniciativa, de 12:00 a 14:00h. E xa pola tarde, de 16:30 a 18:30h rapaces  de 12 a 15 anos rematarán esta xornada coa que se procura que aprendan mentres se divirten. 

Dende marzo, estes obradoiros están a percorrer diferentes localidades galegas das catro provincias e, ante a boa acollida dos cativos, seguirán a deterse noutras vilas tamén este mes de maio.

Prototipo tecnolóxico

Durante o obradoiro, os rapaces crearán un prototipo tecnolóxico utilizando placas e materiais reciclados (cartón, plástico, plastilina, cordas…). 

Grazas a crea R aprenderán dun xeito natural e divertido conceptos básicos de

programación, mentres montan e xogan co prototipo que eles mesmos van construír paso a paso.

A finalidade deste taller é que os nenos de A Garda desenvolvan e potencien a súa

creatividade, que esperten o seu espírito emprendedor ao tempo que adestran habilidades importantes como o traballo en equipo e a comunicación. Para iso, crea R conta co método educativo de Líbolis, Pequenos Emprendedores, a única escola de emprendemento na nosa comunidade.

Recollida de entradas

Cada un dos talleres de robótica estará limitado a 20 persoas; as familias que desexen inscribir os seus fillos nesta actividade, completamente gratuíta, só teñen que solicitar praza na tenda R de A Guarda, na rúa Manuel Álvarez, 10.

Non é un taller exclusivo para clientes de R, polo que calquera veciño pode solicitar unha entrada.

 

Luns, 15 de maio de 2017   

O departamento de Mobilidade da Deputación traballa na redacción dun proxecto para un acceso alternativo ao porto da Guarda 

A proposta dunha nova vía para o porto da Guarda, considerouse unha “acción estratéxica” no Plan de Mobilidade presentado pola institución provincial en febreiro, de xeito que a nova estrada permitiría un tratamento da rúa Concepción Arenal máis orientado aos peóns. Así o explicou o deputado provincial de Mobilidade, Uxío Benítez, quen asegurou que a Deputación de Pontevedra está a traballar na elaboración dun proxecto para crear unha nova vía de acceso alternativo ao porto de A Guarda. Os técnicos provinciais están a avanzar neste sentido despois de que o goberno local da vila solicitase axuda para desenvolver a iniciativa. A nova estrada está considerada como unha “acción estratéxica” no Plan de Mobilidade presentado pola Deputación o pasado mes de febreiro, un documento que o concello pretende utilizar como folla de ruta a curto, medio e longo prazo para ordenar o espazo público do municipio de forma eficiente.

O Estudo de Mobilidade e Espazos foi elaborado logo dun proceso participativo no que se tiveron en conta as opinións dos veciños e de diferentes sectores económicos e políticos por medio de reunións e enquisas. Este documento considera que é necesario enlazar a zona portuaria mediante eixos de comunicación máis eficientes que os actuais para os vehículos, evitando que camións de grandes dimensións e tonelaxe teñan que pasar polo núcleo da vila a través de Concepción Arenal. Así, o estudo propón retomar e potenciar o proxecto de ‘Acceso Sur’ que leva varios anos en estudo –pendente da Xunta de Galicia-.

Dada a importancia do proxecto e, ante a paralización do goberno autonómico, a Deputación está adiantando pasos para desenvolver propostas para a nova vía e preténdese que a Xunta se implique na execución dunha arteria de comunicación que debe ser da súa competencia.

É preciso lembrar que a construción da estrada alternativa ao porto permitiría un desenvolvemento do centro urbano e da rúa Concepción Arenal en particular apostando por un deseño máis orientado a promocionar a mobilidade peonil, segura, sustentable e inclusiva. 

Outras propostas do Plan de Mobilidade para  A Guarda, son a peonalización do casco vello, priorizar os tránsitos peonís nas vías principais, redeseñar progresivamente as rúas do resto da vila e crear unha rede de bolsas de aparcamento en localizacións estratéxicas co fin de eliminar aparcamentos irregulares nas estradas, gañando esas áreas para o uso da veciñanza. Tamén se sinala a necesidade de crear camiños escolares seguros cara a zona da Sangriña e dos equipamentos deportivos. 

 

Sábado, 13 de maio de 2017   

O BNG solicita ao PP da Guarda que deixe de enredar co Acceso Sur do porto e esixa a Xunta a súa execución

O Bloque Nacionalista Galego, ante as manifestacións do PP da Guarda sobre a proposta nacionalista para que a Xunta de Galiza realizase o acceso sur do porto da Guarda, quere mirar cara adiante e unir esforzos para que ese acceso sexa unha realidade. Pero hai que aclarar unha serie de puntos para que o PP non tome o “pelo” ao pobo da Guarda.

O PP da Guarda votou a favor dunha iniciativa no Concello que era moi parecida á presentada pola deputada do BNG Montse Prado Cores, se a iniciativa era equivocada, deberan votar en contra da mesma.

A iniciativa do BNG, pretendía sacar un compromiso do PP para dotar unha partida dos orzamentos da Xunta para a realización do Acceso Sur, pero o PP non adquiriu tal compromiso.

Portos de Galiza ten realizado obras de mellora de accesos e infraestruturas en diferentes Portos do país, como así o recoñeceron membros do Goberno galego.

Para o sector pesqueiro artesanal e para as redeiras, a construción do Acceso Sur elles unha obra beneficiosa e importante para a súa actividade económica, que redundaría positivamente no resto do pobo da Guarda, tal que como o fixeron saber en diferentes reunións tidas cos colectivos.

A deputada do BNG, Montse Prado, chegou a propoñer a retirada da iniciativa nacionalista se o PP adquiría un compromiso firme coa execución do Acceso Sur guardés, pois nin por esas se comprometeron.

No BNG queremos mirar para adiante. Que o PP da Guarda poña día e hora para que vaiamos unha delegación do Concello da Guarda a falar con quen consideren oportuno na Xunta e saír desa reunión cunha partida de cartos e con prazos para executar o acceso sur”, comentou Ángel Baz, portavoz municipal do BNG.

 

Venres, 12 de maio de 2017   

A Rede de Museos da Guarda celebra o Día dos Museos con tres obradoiros para todo o público

Durante a fin de semana do 20 e 21 de maio terán lugar os tres obradoiros gratuítos e dirixidos ao público en xeral e nenos a partir dos 7 anos. As prazas para cada obradoiro son limitadas polo que se establece unha inscrición previa 30 minutos antes do comezo do mesmo. Deste xeito, asegúrase que os interesados asistan a actividade en concreto.

O obradoiro de “Cerámica Castrexa” será o primeiro e realizarase o sábado 20 ás 12.30 h no entorno da Ermida de Santa Trega. A inscrición realizarase a partir das 12.00 no MASAT, Museo Arqueolóxico de Santa Trega, e en caso de choiva farase no interior deste museo. Neste obradoiro os participantes coñecerán as diferentes técnicas de modelado, a transformación do barro en cerámica ou as súas utilidades na vida dun castro. Ademais, empregarán as mans e as ferramentas necesarias para crear a súa peza de cerámica.

O sábado ás 17.00h está previsto o segundo obradoiro “Elaboración de Nós Mariñeiros” no Museo do Mar. A inscrición farase no mesmo museo 30 minutos antes. Os protagonistas deste obradoiro serán os participantes que aprenderán a realizar os nudos mariñeiros das mans expertas de Luis Lomba Martinez, mariñeiro da Guarda xa retirado. Polo que poderán coñecer a importancia dos nudos mariñeiros no traballo dun mariñeiro.

O terceiro obradoiro terá lugar o domingo 21 ás 17.00h no Castelo de Santa Cruz. Ao igual que nos demais obradoiros, a inscrición farase 30 minutos antes no Centro de Interpretación das Fortalezas Fronteirizas. O obradoiro de “Heráldica. Debuxa O Teu Escudo” permitirá aos nenos coñecer a historia da Guarda e debuxar en láminas o seu escudo cunha técnica diferente.

Estas actividades están dentro do marco do Centenario do Museo Arqueolóxico de Santa Trega. Organiza Concello da Guarda coa colaboración do Padroado Municipal do Monte Santa Trega e a Deputación de Pontevedra.

 

Xoves, 11 de maio de 2017   

O CEIP A Sangriña recibiu o pasado venres a Håkan Casares Berg

O fillo do homenaxeado este ano polas Letras Galegas, Carlos Casares, Håkan Casares Berg, resaltou a traxectoria de seu pai dende os seus primeiros anos na escola.

O CEIP A Sangriña da Guarda culminou coa presenza do fillo de Casares o proxecto “Experimentamos con Carlos Casares”. Como se dun conto se tratase cautivou coa vida de seu pai, que sumado as propias opinións deron forma a unha historia que transmmitiu aos rapaces a importancia que ten a lectura para poder escribir mellor. Håkan Casares alentou aos alumnos a escribir e estes, agasallaron ao convidado cun caderno elaborado por eles mesmos, como resumo das actividades e impresións persoais, polo que se mostrou entusiasmado e agradecido.

 

A homenaxe a Carlos Casares e a actuación do Coro Gli Appassionatti abren a programación de maio na Guarda

Baixo a denominación Maio Gastronómico e das Letras, o Concello da Guarda programa diferentes actividades como son a celebración do Día dos Museos ou a xa consolidada ruta gastronómica Tapearte.

Para esta segunda fin de semana a primeira cita será a Homenaxe á Carlos Casares, que se realizará o venres, 12, ás 20:30 horas na Biblioteca Municipal da Guarda, consistente na lectura de fragmentos da variada obra de Carlos Casares e a interpretación de temas por parte das pandereteiras da Agrupación Cultural Guardesa

O sábado, ás 21 horas, na Igrexa Parroquial haberá un concerto do Coro Gli Appassionatti. Este coro, formado no 2012 da man da mezzosoprano Nuria Lorenzo, é un coro integrado por xente nova, apaixonada polo canto e a música. Cun amplo palmarés de títulos para a súa curta traxectoria, o coro presentouse nos auditorios de Vigo, A Coruña e Pontevedra con repertorios do máis variado, tanto Pop-Rock coma Zarzuela, lírica, música tradicional, e bandas sonoras. Culminando ó final do 2016 coa participación como coro de destacadas óperas: Nabucco, no Teatro Afundación de Vigo ou Carmina Burana en Valga.

Obradoiro CreaTi

Esta fin de semana tamén nos ofrece unha actividade máis lúdica co obradoiro “desbloquear a creatividade”, que se realizará na Casa dos Alonsos o sábado de 11 a 13h, sendo preciso, para participar, anotarse previamente na Omix (informacion@aguarda.es; 986614546)

 

Mércores, 10 de maio de 2017   

As praias de “O Muíño” e “Area Grande” do concelllo da Guarda acadaron a Bandeira Azul para o 2017

A Asociación de Educación Ambiental y del Consumidor (ADEAC), e a rama española da Federación Europea de Educación Ambiental (FEE) fixeron público hoxe o listado de todas as bandeiras azuis que se concederon no territorio español para a tempada de verán.

A praia de Area Grande e do Muíño obteñen este distintivo como recoñecemento á calidade medio ambiental e aos servizos que ofertan. Estas praias contan cos servizos esixidos por Bandeira Azul como paneis informativos, análise de augas, servizo de limpeza e de recollida de residuos, duchas e aseos, e o servizo de salvamento e socorrismo que atende aos dous areais e que comezará co arranque estival.

A praia “Area Grande” luciu por primeira vez este distintivo no ano 2009, e dende esa data, todas as tempadas o conseguiu. Pola súa banda, o areal “O Muíño”, renovou a bandeira azul no 2010. Ademais da bandeira azul esta praia fluvial tamén contará co distintivo “Ecoplayas”.

O concello da Guarda quere resaltar o esforzo realizado para a súa concesión no referente o mantemento e mellora das actuacións e servizos véndose recompensado un ano máis coas dúas bandeiras azuis para o concello.

Nesta resolución tamén se lle adxudicou o distintivo de “Sendeiro Azul” o camiño que une ambas praias. Este camiño ten o recoñecemento dende o ano 2013.  A finais do pasado ano o Concello da Guarda enviou a documentación da candidatura para que as súas praias e o sendeiro conseguiran este distintivo.

 

Sábado, 6 de maio de 2017   

Manga no mar da Guarda

A primeiras horas da tarde de onte, venres, fronte A Guarda produciuse un efecto coñecido como manga de mar, captada polas cámaras de Aser Ferreira e de Lucía Lomba Pacheco.

           Trátase dun fenómeno que, xeralmente, ocorre entre o mar e unha nube cumuliforme cuxa formación depende da existencia do denominado mesociclón, un sistema de baixa presión na escala de 2 a 10 km, que se forma dentrodunha tormenta eléctrica muy severa, organizada e persistente denominada supercela.

 

Venres, 5 de maio de 2017   

CreaTi, Desbloquea a túa creatividade!!” proposta de obradoiro dende a OMIX da Guarda

“CreaTi, Desbloquea a túa creatividade!!” é unha proposta de estimulación para fomentar a creatividade, ferramenta que nos pode axudar a mellorar a nosa calidade de vida.

Con esta actividade, organizada pola OMIX da Guarda, preténdese fomentar a expresión das emocións, o pensamento crítico, o traballo en grupo e a autoestima a través de técnicas novas e proxectos diferentes para desenvolver a capacidade creativa.

As persoas participantes aprenderán a expresar a súa creatividade a través de distintas técnicas dun xeito lúdico e divertido.

O obradoiro, que vai destinado a calquera persoa e non será necesario ter coñecementos artísticos previos, levarase a cabo o 13 de maio de 11 a 13 horas na Casa dos Alonsos e as persoas interesadas terán que inscribirse na OMIX, no teléfono 986614546, no mail informacion@aguarda.es ou no perfil de facebook.

 

Xoves, 4 de maio de 2017   

O BNG acusa ao alcalde-pedáneo de Camposancos de mentir sobre San Xerome

A vogal do BNG, Merchi Martínez, realizou no último pleno da Entidade Local Menor de Camposancos unha batería de preguntas sobre a situación de dita entidade e do Centro de traballo San Xerome, como consecuencia dos despidos realizados hai uns días pola xerencia do centro.

O alcalde pedáneo negou no pleno que San Xerome realizase na actualidade traballos de mantemento para Entidade Local, segundo precisou, hai máis un ano que esta empresa non realiza actividades en Camposancos.

Para o BNG o alcalde Penádeo do PSOE falta a verdade, xa que si existe unha relación contractual entre San Xerome e a Entidade Local Menor de Camposancos, polo que alcalde-pedáneo debe aclarar cal é o tipo de relación que existe entre as dúas entidades.

O BNG tamén asegura que existe unha partida nos orzamentos do 2016 da Entidade por valor de 8.000 euros onde aparece especificada como “Traballos realizados por outras empresas (San Xerome)”.

“É incríbel que o alcalde mentise tan descaradamente no pleno, nun país normalizado tería dimitido. Camposancos merece aclaracións e non mentiras”, comentou a vogal Merchi Martínez.

Para o BNG o alcalde-pedáneo ten que explicar por que, segundo as informacións das que dispoñen, se está a facer o servizo de desbroce de camiños con persoal non contratado e sen cualificar, e din desde esta formación que van seguir esixindo aclaracións ao alcalde pedáneo do PSOE por responsabilidade que como gobernante ten e que non está a exercer.