Agrupación Musical da Guarda

Concerto Homenaxe á 3ª Idade

            Dentro da ampla e variada programación das Festas do Monte 2009, declaradas este ano Festas de Interese Turístico Galego, o 5 de agosto tivo lugar o concerto Homenaxe á Terceira Idade durante o cal foron presentadas ao público a Raíña das Festas e as Damas de Honor.

          O acto tivo tamén como protagonista á banda de música Agrupación Musical da Guarda dirixida por Víctor Alonso Treinta, que ofreceu un concerto interpretando, entre outras partituras, "Oregón" e "Piratas del Caribe". Actuou como introdutor e presentador o concelleiro de Cultura Antonio Lomba Baz.

           Presidiron o Concerto de Homenaxe á Terceira Idade unha representación da Corporación Municipal, encabezada polo alcalde, José Manuel Domínguez Freitas, e da Comisión de Festas do Monte, co seu presidente, Miguel Español Otero ao fronte.

            O presidente do Club da Terceira Idade recibiu un recordo da Comisión de Festas pola súa colaboración neste acto. E tamén o director da Agrupación Musical da Guarda, Víctor Alonso Treinta, recolleu o símbolo que identifica as Festas do Monte 2009 elaborado nos talleres da asociación "Avelaíña".