V Encontro das Bandas
9 agosto 2007
seguinte
Nacía o
Encontro das Bandas no ano 2003 coma un escaparate que reflectía qué era
cada Banda, qué as distinguía, qué as xunguía á Festa e coma unha forma
de darse a coñecer e promocionar. Xunto coas bandas, están tamén grupos
que son tamén parte da Festa do Monte: son os grupos de gaitas do Club
da Terceira Idade, Do Lusco ó Fusco, Na Revolta e Os Pelouros.
Tivo o
Encontro das Bandas, nos seus dous ou tres primeiros anos o escenario de
xuntanza na Rúa Vicente Sobrino; unha rúa que polas súas especiais
características, entre elas ser peonil, préstase a promover a
dinamización do centro urbano da Guarda. Sen embargo, as Bandas
descubriron, tamén, as execelencias dun lugar tan visitado como é o
porto guardés, de modo que atoparon na zona peonil da Rúa do Porto o
escenario ideal para presentarse á colectividade local e a tantos
visitantes que acoden a esta localidade nas súa vacacións estivais ou
que veñen de paso.
Os
tenderetes de cada Banda, coas súas enseñas ondeando ao vento, a
vestimenta propia, coleccións de fotografías, gastronomía, unha cunca de
viño, as rifas para participar no sorteo dun pandeiro, as gaitas que
soan e algunha atracción, constitúen parte dos elementos que animan cada
ano o Encontro das Bandas que estarán presentes no Desfile do segundo
sábado de agosto e o domingo serán coprotagonistas da troulada no Santa
Trega.
seguinte
