Taller de maxia con Juan Manuel
O
martes, 4 de agosto, e dentro da programación das Festas do Monte 2009,
organizouse un taller de maxia impartido polo xove mago de ascendencia
guardesa, Juan Manuel, quen se deu a coñecer neste concello nestas
mesmas festas hai tres anos cunha actuación espontánea no Auditorio de
San Bieito. O pasado ano Juan Manuel xa entrou dentro da programación da
Semana Grande da Guarda cun espectáculo de maxia no mesmo auditorio. E
este ano, na Praza do Reló, impartiu un taller para trinta participantes
nos que, entre outros trucos, os cativos aprenderon a desfacer nós,
"trocar" os tamaños de figuras, xogar con barallas e aumentar ou
diminuír o número de círculos debuxados nunha cartolina.











