Marionetas e Maxia
07 agosto 2007
Entre
os moitos espectáculos que se organizan nesta Semana Grande da Guarda,
onde hai variedade de actividades para todos os públicos e para todas as
idades, o martes día 7 de agosto, foi unha xornada destinada aos máis
pequenos, pero da que tamén disfrutaron os maiores non só coas
marionetas, senón tamén coa presenza dun xove que, espontaneamente, se
ofreceu a realizar unha sesión de maxia que arrancou os aplausos de
cantos se congregaban no Auditorio de San Bieito e mereceu os eloxios da
Comisión de Festas.
Marionetas
Como
estaba previsto, ás sete do serán comezou o espectáculo para nenos que
seguiron os enredos dos bonecos que escenificaron unha obra da que non
perderon detalle os miúdos.
Juan Manuel
Juan
Manuel González Pérez é un mago moi xoven; tan xoven que só ten 15 anos.
Vén de rematar 3º curso da ESO en Algeciras, onde naceu, aínda que,
conta el, bautizánno na Guarda e fixo, tamén, a Primeira Comuñón na vila
de onde son seus pais.
Nesta
vila guardesa pasa as vacacións de verán e, aproveitando o Espectáculo
que para os máis pequenos programou a Comisión de Festas do Monte,
ofreceuse a realizar alguns números de maxia que gustaron aos miúdos e
aos menos miúdos segundo "a medida" dos aplausos que son quen mellor
reflicten a satisfacción do respetable.
Contou,
como axudante, coa súa irmá, Cristina María. E el, nin corto nin
perezoso, comezou a facer creíbel o que era incerto.
Con
acento andalú, conta Juan Manuel que comezou con isto da maxia
aos sete anos "con un juego de Magia Borrás", e debeulle gustar porque
desexou ampliar o seu repertorio "y compré libros para ir montando
jueguecitos".
Juan
Manuel González Pérez comeza a facer curriculum coa súa afeizón. en
Algeciras actuou en xuño pasado, no Colexio Mediterráneo, "haciendo
magia para los niños", pero antes, no Nadal "también actué en la fiesta
que se hace en el Instituto". Aínda así, Juan Manuel non se ve un mago
no futuro: "como hobi o afición si, pero como trabajo, no".
