Animación espontánea no porto da Guarda

Este ano non foi posible que as Bandas Mariñeiras se animasen a levar a cabo unha nova edición do Encontro das Bandas. A convocatoria realizada non deu os froitos esperados por algúns e, definitivamente, uns días antes do comezo da Semana Grande, anunciábase que non habería "Encontro".

Para evitar unha tarde baleira un grupo de incondicionais da festa animouse a poñer música á tardiña do xoves, 6 de agosto, congregando a visitantes e guardeses, ben é certo que en pequeno número, ao seu arredor, pero non cabe dúbida que a música espontánea animou o porto.