Recordando as Festas do Monte (1969 e 1970)

por Agustín Ferreira

Revolvendo no meu arquivo particular, atopeime cunha foto do ano 1979 e outras varias do ano 1980, correspondentes ás Festas do Monte deses ano. Como nestes intres estamos metidos de cheo nestes festexos, penso que poden ser de interese para moitos dos que seguen este xornal dixital, así que a continuación van as mesmas.

Ano 1979. Correspóndese co desfile do sábado. Carroza que representa o Facho. Como pode verse, o tractor vai repleto de nenos e nenas vestindo o traxe galego, o mesmo que o condutor (na Guarda dicíase tambén, vocablo que agora xa está en desuso) leva.

Ano 1980. A Banda Negra ao seu paso polo antigo “Cine Avenida”, hoxe xa desaparecido, ó mesmo que a casa indiana  de D. José María Sobrino, á dereita. Dende entón cambiaron algunhas cousas neste tramo: o xiro á esquerda que aparece marcado sobre a estrada, hoxe xa non está permitido. Na casa indiana citada anteriormente atópase na actualidade o edificio Ramón Sobrino (nome dun fillo de D. José María), nome que tamén leva a rúa que ascende á dereita.

Ano 1980. Grupo de nenas no desfile do sábado, vestindo o traxe rexional galego, ao seu paso fronte á “Casa do Pescador”

Estas dúas fotos son do ano 1980. Na Alameda da Guarda. Obsérvese a caseta de venda de rifas, as farolas da alameda e o chan, de terra. Moito mudaron as cousas en case que 30 anos.

Ano 1980. Carroza representando ao facho, no desfile do sábado. Obsérvese que parece unha copia da de 1979.

Ano 1980. Os Celtas foi unha das bandas que desfilou nese ano. Na actualidade está banda xa non existe