|
 |
Luns, 23 de xullo
de 2007
Páxina web da banda A Fervenza Tinta
A banda A Fervenza Tinta conta con
páxina web desde hai uns días. Pode consultarse en
www.afervenzatinta.com.
Esta banda fundouse no ano 2004,
concretamente o venres 13 de
agosto de 2004 participando xa daquela no “II Encontro das Bandas”. O seu
punto de encontro é “O Refuxo”.
A Banda ten o seu lugar de Xura nas
proximidades do Púlpito. No texto do Xuramento lese:“
Con la vista hacia el cielo, mis brazos te agarran para que me pueda fundir
en un beso con tu boca de cristal, y corre tu sangre por mi sangre, y tu
corazón se hace mío. Bajo mis pies puedo escuchar el latir del monte que se
alza majestuoso ante un mar que no se acaba”.
Na páxina web, entre outros contidos,
poden verse fotografías, acceder a vídeos, participar no foro ou informarse
das últimas novas da banda. |
|
 |
Luns, 30 de xullo
de 2007
Nova dirección para a páxina web da Banda Negra
Cando se achegan as Festas do Monte as Bandas, que son tamén protagonistas
da fin da Semana Grande da Guarda, poñen as súas páxinas ao día, as
remodelan ou incorporan novos contidos. A Banda Negra, pioneira destas
formacións que desfilan o Sábado do Monte e troulan o domingo no Santa
Trega, anuncia a nova dirección do seu sitio que pasa a ser
www.bandanegra.com
A nova páxina web da Banda Negra, que está aínda en proceso de
elaboración, pero que xa conta con contidos propios, ofrece, de momento, as
orixes desta formación nunha breve reseña histórica que lembra a creación da
mesma, alá polo ano 1969, e o lugar da Xura, na explanada do Púlpito,
dirixida por Santamaría “Co seu inseparable silbato”.
Outras das seccións, que estará operativa proximamente, será o
visionado das fotografías do ano 2006. De momento, o foro, a sección enlaces
e o Contacto, completan as seccións coas que conta a páxina da Banda Negra. |
|
 |
Páxina web da banda
Os do Rancho
Banda fundada en 1993 e que comezou con 35 membros sendo hoxe máis dun cento
de todas as idades.
Din os Os do Rancho que non son soamente unha banda mariñeira,
senón, tamén, "unha forma de pensar, de divertirse, de ver a festa, por iso
un rancheiro será sempre un rancheiro".
A páxina desta banda pode consultarse na seguinte dirección:
www.osdorancho.com |
|
