galiciasuroeste                                                        Ignacio Lomba

Hoxe, 23 de abril, Día Internacional do Libro

Ignacio Lomba, de Librería Atlántica

Ignacio Lomba, propietario da Librería Atlántica, leva 26 anos ao fronte dun negocio que comezou en 1963 nun baixo familiar de poucos metros cadrados.

A atención aos clientes, as continuas novidades, o desexo de facilitar un libro aínda que non existise nese momento na librería, motivaron unha clientela fiel que foi reclamo para outros e que obrigou a ampliar o negocio.

Hoxe, cunha máis ampla e diversificada oferta (libros, revistas, xornais, incluso videoteca o fonoteca, e material de regalo), fan da Librería Atlántica un bo lugar onde atopar aquel agasallo literario que un pode precisar.

Nos 26 anos que leva vostede nesta actividade, como evolucionou a afección á lectura. Observa que hai maior interese, pódese dicir que se mantén o número de lectores ou se produce un retroceso?

Máis ou menos mantense, o que ocorre é que nestes momentos, quizais pola crise que se estende, prodúcese unha baixa nas vendas.

Quen se achegan máis aos libros, se nos referimos aos tres tramos de idade: infantil, adolescentes ou adultos?

Entre eses tres tramos, coido que son os infantís e adultos, onde se atopan os principias lectores. Tamén hai moitos mozos que optan pola lectura, pero son aqueles os que, na miña opinións, se recrean na lectura.

Agora mesmo, cales son as temáticas que se buscan, cales están de moda?

Continúa a ser a novela histórica a temática que maiormente se procura. Tamén a ciencia ficción, concretamente a novela de terror ben sendo especialmente solicitada, a actualidade ten tamén os seus seguidores.

Ata onde pode ser importante a colaboración dos centros escolares coa afección á lectura?

Inflúe de forma importante na solicitude de libros, e a venda de libros debémoslla tamén a esa lectura prescrita polos centros

Adoitan consultar os clientes ao libreiro, pedirlle consello, buscar asesoramento cando elixen un libro ou xa saben que libro é o que veñen buscar?

A maior parte dos clientes procuran aquel libro que xa teñen idea que queren mercar; hai aínda así algúns que teñen en conta a nosa opinión, sobre todo cando se trata de agasallar a alguén., entón non dubidan consultarnos e nós, por suposto, estamos encantados de aconsellarlles.

Cando pasamos por un escaparate vemos unha infinidade de novidades. Non dá a impresión que hai unha saturación de títulos?

É certo. Coido que se está a publicar moito máis do que é posible vender, dándose un exceso de títulos.

Por certo, Que supón para as librerías esas coleccións acompañadas de extras que copan os expositores e que, vulgarmente se chaman “de quiosco”?

Si; refíreste , por exemplo, á revista ou libro cun obsequio? No no noso caso non supón un problema, porque temos bastante sitio. É un reclamo publicitario, unha forma de atraer á xente hacia a lectura cun complemento que anima a pedir ese título ou exemplar. E ten resultados.

Hoxe é o Día Internacional do Libro, aproximadamente dentro dun mes serán as Letras Galegas. Como podemos andar nunha relación libros escritos en galego e en castelán?

Moitísimo máis, cunha porcentaxe moi alta, prefírese a literatura escrita en castelá. Nestes intres as editoriais están facendo un esforzo e títulos que antes se demoraban un ano ou dous en publicarse en galego, agora saen antes, e nalgúns casos ao mesmo tempo que a edición en castelán.

Ler un libro é unha afección cara?

Home, resultar caro... Hai moitas actividades que poden ser caras e non se cuestionan. A persoa que lle gusta ler, non escatima o prezo dun libro.

Que lecturas prefire un libreiro, por exemplo Ignacio?

A min gústame a historia.

  
E cal é o seu autor preferido?

De historia, non teño preferencias. Calquera deles.

 
O lector de hoxe segue sendo, sobre todo, un lector de prensa e revista?

A revista véndese moitísimo, e si, quizais é o que máis sae

 
Cal é, agora mesmo o maior problema ao que teñen que facer fronte as librerías?

Pois agora mesmo esa reducción de vendas, que é lóxica, pola crise que mencionei antes. Que aumentase a lectura, sería o ideal; que a xente lea máis.

Fanse campañas para promover o libro?

Fase. A Xunta de Galicia realiza campañas de promoción da lectura, e tamén, a nivel nacional, hai organismos que promoven a lectura, e mesmo as editoriais tamén realizan campañas de estimulación da lectura. As campañas están moi ben, pero a xente ten que implicarse un pouco máis, concienciarse da bondade da lectura. Non só basta facer o Día do Libro, mercar nesa xornada e o resto do ano, esquecementos dos libros.

Xa que o menciona, nótase na celebración dun día, como o Día Internacional do Libro, a sensibilidade lectora da xente?

Imos ver. Hai, claro, un incremento de vendas, pero non como para pensar que ese mes podes pechar as portas. Mércanse máis libros, eso é evidente

  .  
15. Notouse a influencia de Internet nos hábitos dos lectores, sobre todo que competise coas librerías?

Penso que non. É máis, hai clientes que chegan preguntando por un determinado título porque o coñeceron por interné. Moitas novidades as coñeceron na rede, e pídenas, logo, nas librerías. Nós non observamos esa posible competencia.

 
16. E en libros de consulta, como as enciclopedias, non compite interne?

Non podo precisalo, porque nós non traballamos tanto este modelo de distribución.

 
17. Finalmente, como ve o futuro do libro e das librerías?

Persoalmente son optimista e véxoo ben, á marxe destas circunstancias económicas, que espero que sexan puntuais e cos días contados, espero que esta situación mellore para ben de todos.

 
18. Se poidese regresar a 1983, cando se decidiu a ser libreiro, repetiría profesión?

Non sei certo que responder. Como todas as cousas, hai momentos que un puidese non estar a gusto, pero en xeral, non cambiaría. Gústame o que fago.