Exposición de xadreces en Camposancos

Desde o 14 de agosto e ata o 24 do mesmo mes, estivo esposta no Casino de Camposancos unha mostra de xadreces de Fernando Alonso Rodríguez. Foron 32 taboleiros coas súas correspondentes pezas que o propietario iniciou hai quince anos, aínda que lembra que o primeiro que tivo regaloullo, hai 28 anos, María Cruz Tamayo, quen hoxe é a súa dona e daquela, compartían noviazgo. Titúlao "O comezo", porque suporía, anos máis tarde, o rpimeiro dunha afección.

Hainos de todos os tamaños, de xogar, e de adorno, de viaxe e de artesanía. Un dos que máis valora, aínda que todos teñen a súa pequena historia, chea de afectos, é o chino, pola súa beleza. Pero tamén destaca un que é todo artesanía realizado por un amigo, José Álvarez, que tallou as distintas pezas mentres el, Fernando, fixo o taboleiro. A súa dona realizou a mesa doutro dos xadreces, empregando para as casillas cristal de Tíffani.

Resulta curioso o de Harry Potter onde as pezas teñen diferentes efectos. O rei, por exemplo, chora, cando é comido; a raíña, ilumínase, o cabalo relincha, as torres deslízase por mor dun imán interno, os peóns desármanse.

Os xiadeiros do Real Madrid poideron descubrir que un dos xadreces ten, como pezas, as copas conseguidas por este equipo. Outros son de tema histórico: Romanos contra xudeus, Romanos contra turcos, Mouros e cristiáns. Hainos relacionados co mundo da literatura levada ao cine: ademais do mencionado de Harry Potter, está o do Señor dos aneis. En fin, e por mencionar outros, o Xadrez exipcio e o Xadrez Azteca.

Chéganlle en forma de regalos da familia, dalgún amigo e tamén algún mercado. Fernando Alonso seguirá aumentando os taboleiros de xadrez, deporte de intelixencia do que tamén, como non podía ser doutra maneira, é xogador.