|
O Estado toma posesión do
Pazo de BAYÓN
Informa José A. Uris Guisantes
seguinte
Pazo
Bayón, 24/07/2008. Onte, día 23 de xullo, tivo lugar o acto
oficial da toma de posesión do Pazo de BAYÓN por
parte do Estado para ser entregado á Cooperativa vinícola Condes
de Albarei.
Como é
sabido o Pazo de Bayón anteriormente propiedade de Laureano Oubiña e
súa muller, Ester Lago, fora incautado pola Audiencia Nacional en
1995, cinco anos despois da Operación NÉCORA.
O Pazo
de Bayón ou Granxa Fontán, ten 22 hectáreas de
viñedos, ademais dunha casa vivenda, outra casa de tres prantas,
cuadras, granxa, embalses, pradeiras de herba e adegas. Fora
construído por un emigrante galego retornado en 1925.
Para as
trinta e sete Asociacións Galegas dedicadas á loita contra o
narcotráfico, información, prevención e resinserción social foi un
SÍMBOLO DA LOITA destes colectivos contra o narcotráfico dende
comezos dos noventa.
A
Cooperativa Condes de Albarey debe dedicar o 5% da facturación a
Programas de Prevención en Galicia. Todo elo supervisado pola Mesa
do Fondo de Bens Decomisados, Consellería de Sanidade e a propia
Cooperativa.
Foi un
acto emocionante e sentimental que nos trouxo multitude de recordos
dos anos máis duros da loita das Asociacións contra os narcos. Abriu
as portas de ferro do Pazo de Bayón a lexendaria loitadora Mari
Carmen Avendaño quen cortou simbólicamente as cadeas que pechaban as
portas de entrada ó Pazo.
O acto
desenvolveuse no exterior do Pazo como pode comprobarse nas
fotografías, todo elo decorado de sabas brancas que saían das ventás
da antiga adega, globos brancos ns arbres. Un grupo de música de
cámara e outro de bailaríns puxeron outra nota emotiva neste acto
inolvidábel. Mentres íamos vendo imaxes da loita social nunha grande
pantalla de TV.
Presidíu o acto Emilio Pérez Touriño, Presidente da Xunta de
Galicia, falando en primeiro lugar Mari Mari Carmen Avendaño que
lembrou aos miles de mozos e mozas finados por culpa das drogas, ás
familias deses e doutros miles que sufriron e seguen sofrindo as
consecuencias das drogas, a ruína de moitas desas familias e as
Asociacións que unidas co resto da cidadanía fixeron posible
concienciar a TODOS nesa loita.
Tamén
fixo uso da palabra a Conselleira de Sanidade, María José Rubio, e o
Ministro de Sanidade Bernat Soria, pechando o acto o Presidente da
Xunta de Galicia, para de seguido pasar a antiga adega do Pazo onde
serviron un pequeno refrixerio.
Tamén
poidemos ver á presidenta do Parlamento Galego, delegada do Goberno
no Plan Nacional sobre Drogas, delegado do Goberno en Galicia, altos
xefes da Garda Civil e da Policía Nacional, subdirector do Plan de
Saúde Mental e Drogodependencias, Víctor Pedreira, así como ao
responsable e director do Programa de Prevención e Reinserción
Social, Jesús Morán. E a ducias de representantes das Asociacions
Galegas dedicadas á información, prevención e reinserción social.
seguinte
|
