g@lici@suroeste
índice www.galiciasuroeste.info
800X600 pixeles (recomendado)
g@lici@suroesteíndice www.galiciasuroeste.info 800X600 pixeles (recomendado)
|
|
Festividade de San Caetano A Guarda 3 de agosto 2008
Comisión Festa de San Queitano 2008 A Cruzada cumpriu, un ano máis, honrando ao seu patrono, San Queitano, ao que dedicou a primeira fin de semana de agosto con festa popular e relixiosa no extraordinario mirador que é a praza na que se ergue o santuario posto baixo a súa advocación. Iniciábase o domingo de festa co pasarrúas a cargo da Agrupación Musical da Guarda, dirixida por Víctor Alonso Treinta, que percorreu as rúas da vila e o barrio da Cruzada. Ás once e media da mañá, baixo a carpa, celebrouse a Misa solemne cooficiada polo párroco, Jesús García Villadóniga, e o crego rosaleiro, Isaac Penelas, cantada polo Coro Parroquial, dirixido por Felicidad Vicente. Un neno deste barrio da Cruzada, Fernando, fixo a súa Primeira Comuñón neste día. Trala celebración deste oficio relixioso saíron en procesión as dúas principais imaxes do santuario: Santa Catalina, levada por mulleres, e San Queitano, transportado por catro mozos. O estandarte e a bandeira desfilaron tamén na compaña de anxiños e nenos e nenas que fixeran tamén a Primeira Comuñón, hai poucos días. Pechaba a comitiva relixiosa a Agrupación Musical da Guarda. Á tardiña, ás sete, comezaban as poxas, dirixidas por Nemesio: exvotos de cera reproducindo algunha parte doente do corpo, e os produtos e obxectos ofrecidos ao santo foron subhastados: aves, coellos, peixe de couro, empanadas, tartas, cebolas, maquetas de barcos e gamelas, entre outras moitas doazóns foron vendidos despois de cantar o "1-2-3". E para rematar as festas, sobre o palco, situouse o grupo Na Revolta que motivou ao público coa súa música que mereceu os repetidos aplausos dunha praza animada polo ambiente creado por Elena, Diego, Silvia, Miguel, e Iván, con Eduardo e a colaboración de Nacho e Laura, esta do grupo a Boalleira. Tamén subiría ao escenario Ángel, que xunto con Nacho e músicos de Na Revolta continuaron coa animación da festa mentres outros compoñentes do grupo folk asinaban o traballo discográfico que vén de tirar Na Revolta.
A Agrupación Musical da Guarda facendo a súa entrada no recinto de festas
Retablo de San Queitano na ermida posta baixo a súa advocación
O altar, adronado para a ocasión con maquetas de barcos
O Coro Parroquial dirixido por Felicidad Vicente
Os oficiantes neste acto relixioso
A imaxe da San Queitano nun lugar preferente
Mª Emilia lendo unha das lecturas relixiosas do domingo
Na primeira bancada o alcalde, membros da comisión e a presidenta de ACIGU
Isaac Penelas foi o principal oficiante deste acto relixioso
Fernando cos seus pais e irmá durante a Misa
Un momento do acto relixioso oficiado baixo a carpa
O oficiante collendo a vela e os obxectos simbólicos que lle entrega Fernando...
...e os seus pais, José Ángel e Lidia
Fernando recibindo a Primeira Comuñón
Constante, como moitos homes e mulleres da Cruzada, acude cada ano a esta celebración do patrono da barrio da Cruzada |
|
|
