Baile Latino
Auditorio de San Bieito
seguinte
Unha vez máis o
auditorio de San Bieito acolleu unha exhibición de baile latino
O auditorio ao aire libre de San
Bieito volveu ser, un ano máis, o escenario do espectáculo que trouxo á
Guarda a academia de baile Lito, de Nigrán, onde primaron os ritmos
suramericanos. Aínda que cada ano concentra a un importante número de
espectadores, nesta ocasión a climatoloxía tan favorable que animaba a
acudir ás praias, a Festa do Roscón, o campionato Sub 21 de Voleibol que
se disputaba na Lamiña, e o encontro de fútbol entre as seleccións de
España e Alemaña, contribuíron a que, nesta edición, a afluencia de
público fose menor. Aínda así foron moitos quen optaron por esta
alternativa que se celebra unha vez ao ano e que, como nos precedentes,
mereceu os mellores aplausos do público.
Lito recibiu, ao finalizar a
exhibición, unha placa que lle entregaron, como agradecemento, os seus
alumnos e alumnas, ao “profesor e amigo”, agradecendo emocionado aquel
recoñecemento inesperado.
seguinte
