Memorial de Camposancos

proxección (22/08(2008)

O venres, 22 de agosto, o Casino de Camposancos acolleu, coma unha actividade máis das levadas a cabo co gallo do centenario desta institución, a proxección de Memorial de Camposancos, documental de José Balleasta e M. Anxo Fernández, que, na voz dos protagonistas, presos deste campo de concentración, ou dos seus achegados, narra a historia do que foi cárcere horrendo do franquismo.

É a segunda vez que se proxecta na Guarda, a primeira en Camposancos, antes pasárase no Centro Cultural.

No acto estivo presente o director José Ballesta, que lembrou que o documental estrenouse en Berlín, e aproveitando a presenza na sala dun neto dun dos presos no Campo de Concentración de Camposancos que finou por enfermidade, residente en Francia e que traballa por crear un colectivo naquel país e en Inglaterra, onde se sabe que hai familiares de represaliados, non descartou que o documental se presentase tamén en Francia.

Ballesta dixo que segue a traballar neste proxecto, porque é unha historia que segue estando viva. E asegurou que Camposancos ten unha presenza dual na memoria das familias que tiveron presos no antigo colexio dos Xesuítas. Non ten que ser só un recordo de dor e crueldade; é tamén Camposancos, un lugar para a felicidade e a ledicia, porque as xentes deste pobo, como as da Guarda, souberon dar afecto e atención aos alí privados da liberdade. E así o manifestaba, no documental, entre outros, un dos irmáns dun dos presos executados na Sangriña que emocionado e con bágoas nos ollos, afirmaba que Camposancos está no seu corazón e no da súa familia. "Camposancos será recordado pola solidariedade e a humanidade cos presos", asegurou o historiador e codirector de Memorial de Camposancos aos presentes que ateigaban o salón de actos do Casino que se fixo pequeno para acoller a cantos quixeron acudir a presenciar este documental que se pode adquirir solicitándoo a José A. Uris Guisantes.

Nas tres fotografías de arriba recóllese a importante presenza de público que asistiu á proxección

José Antonio Portela presentando o acto e agradecendo a presenza dos asistentes

José Ballesta salientou que Camposancos non quedará na memoria como un lugar de dor, tamén é símbolo de esperanza, solidariedade e humanidade cos presos no campo de concentración

José Antonio Uris, estudoso dos acontecementos de Camposancos que aportou datos ao historiador, con quen aparece na imaxe, para facer Memorial de Camposancos

Ambientando o Salón de Actos do Casino de Camposancos había varios paneis nos que se espuxeron copias de documentos e de fotografías de persoas que tiveron relación cos feitos sucedidos no colexio dos Xesuítas

Os asistentes interesáronse polo material esposto

Uris esplianco a tumba, que sempre ten frores, dun mozo asasinado en Camposancos, e que se atopa no cemiterio desta parroquia

Un grupo de persoas atende con interese as explicacións de José Antonio Uris Guisantes