Padres Somascos

Clausura actos 50 Aniversario

seguinte

O domingo, 22 de xuño, coa presenza do bispo de Tui-Vigo, José Diéguez Reboredo, clausuráronse os actos do cincuenta aniversario da chegada desta orde á Guarda, cunha misa cantada maxistralmente pola Agrupación Coral da Guarda, dirixida por Marisilda Sánchez Lomba, e acompañada ao órgano por Fernando Sequeiros, organista do Coro Clásico de Vigo.

O acto relixioso foi cooficiado por once sacerdotes, entre eles o párroco da Guarda, Jesús García Villadóniga; o Pai Xeral, Franco Moscone, o Pai Provincial, e exprofesor do colexio, Joaquín Rodríguez, o Superior do Colexio San Fermín de Caldas de Reis, que o vindeiro ano tamén celebrará o 50 aniversario, Pai Carlos Moratilla; o ex director do colexio da Guarda, Pai Jesús Vicente Varela, e o actual director do colexio, Pai Airas. Entre o público que enchía o patio cuberto, profesores e exprofesores, algúns foron partícipes nas lecturas relixiosas coma Jorge Varela e Puri Álvarez. Tamén se reuniron nesta celebración alumnos e exalumnos, e fieis en xeral que quixeron compartir este acto relixioso coa comunidade somasca.

Antes da celebración eucarística, o Pai Airas agradeceu a presenza do bispo neste acto así como a do P. Xeral, Franco Moscone, e a do párroco, Jesús García Villadóniga.

Noutro momento manifestou que era "motivo de alegría especial, a presenza dos nosos irmáns, Pais Somascos; sei que otros no puideron vir, pero están espiritualmente connosco".
E agradecendo, tamén, a presenza de pais e alumnos quixo dar "as máis efusivas grazas, á Comisión do 50º aniversario, polo seu traballo e dedicación", lembrando, en tono xocoso "que xa nos veremos moi pronto para celebrarlo cunha cea".

E reservou para o final o agradecemento á coral polifónica, que calificou coma "a nosa coral", á que dedicou uns versos de Fray Luis de León, tomados da oda dedicada ao seu amigo Francisco Salinas, catedrático de música na universidad de Salamanca.

Ao remate do oficio relixioso, o Pai airas entregou una figura de Sargadelos, reproducindo unha gamela, ao Pai Carlos, adiantándose aos actos do 50 Aniversario do colexio San Fermín, e deseguido, mentres a Agrupación Coral da Guarda cantaba o “Aleluia” de Häendel, que sonou de xeito espectacular, o bispo, Diéguez Reboredo, o Pai Airas,  e do Pai Xeral, Franco Moscone, achegáronse a un lateral do patio, para descubrir unha sinxela placa que recordará este acto do 50 Aniversario, cedéndolle o bispo o honor de descorrer o lenzo que a cubría ao Pai Xeral.

Rematou este acto cun viño servido no ximnasio do colexio.