|
|
|
|
||
|
31/01/2011 |
||||
|
|
Polbo á feira e filloas en La Casa de la Abuela
Polbo á feira e filloas para saborear tamén os domingos na Guarda
En tempos de crise hai que aguzar o inxenio. Eso é o que fixo “La Casa de la Abuela”, na rúa Calvario, da Guarda, cunha iniciativa que busca repetirse cada último domingo de mes. Polbo á feira e filloas da terra, son os ingredientes que buscan dinamizar a xornada dominical nun vello barrio anexo ao Camiño Portugués da Costa, e preto da Praza e capela da Virxe da Guía. Chegada de Lugo, concretamente da “Pulpería Lor”, e seguindo a tradición do polbo á feira, Carmen elaborou un exquisito e saboroso polbo, cuxa preparación foi agradecida polos comensais que degustaron, logo, as filloas de Paco, experto nesta arte que iniciou a súa andaina nesta sobremesa hai catorce anos, nunha Festa da Arriba, en Baiona, como un encontro entre amigos, pero cuxo éxito chegou a convertilo en profesión. Daquela pedra luguesa, na que se facían filloas de forma rectangular, típicas da norte galego, pasou ás máis tradicionais do sur galaico, de forma circular. E aquela única pedra converteuse, máis tarde, en catro, de dobre oco. Preto dunha hora precisan as pedras para se quentar nun interior; que se traducen en hora e media no exterior, dependendo do aire que corra neses intres. Carlos e Felisa esmeráronse, unha vez máis, para agradar e atender aos clientes que paseniñamente foron achegándose a esta iniciativa que promete. O día 13 de febreiro, nova cita co polbo e as filloas na rúa Calvario.
|
|
O colexio S. José HH. Carmelitas celebrou o Día da Paz
Se desexa incluír unha reportaxe comercial en galiciasuroeste infórmese sen compromiso enviando un correo a: galiciasuroeste(arroba)gmail (punto)com
|
