Festa - Convivencia das familias, alumnos, colaboradores  e profesionais do Centro San Xerome

            O domingo, 20 de febreiro, celebrouse no Auditorio de Goián un encontro  lúdico – festivo  das familias, alumnos, colaboradores  e profesionais do Centro San Xerome, co gallo do 30 aniversario da creación do Centro.

            Neste ”macro – festival” houbo  diferentes actuacións  artísticas, nas que os únicos protagonistas foron os usuarios do San Xerome, amosando as súas capacidades profesionais,   artísticas e deportivas.

            O programa iniciouse ás 6 da tarde cunha coreografía de Josué Alvarez, seguindo cunha obra de teatro do grupo Xeratrium “Saturday night” dirixida por Irene Moreira de Xerpo  Cultural,  a  continuación entregáronse os diplomas aos integrantes do Club Deportivo,  rematando a primeira parte coa actuación dun grupo de rapaces do Sector pre laboral  do  San Xerome e do IES A Sangriña coordinados pola profesora do IES Susana Salvador. Durante o descanso, e no exterior do Auditorio, actuou o grupo de percusión coordinado por Victor Fuggetto, degustándose chocolate e lambetadas ofrecidas pola ANPA.

            A segunda parte iniciouse coa proxección dun Video clip,  dirixido por Víctor Fuggetto e  Leo Cividanes, seguindo coas actuacións  de Pepe Bargiela e Jona Gómez. Máis tarde tivo lugar a entrega dun diploma – homenaxe  os 10 usuarios do Centro que xa estaban no ano 1981.  O 2º  grupo de Josué Alvarez fixo unha  demostración dunha clase aberta, e o grupo Xeratrium puxo en escena a obra “Vias paralelas”. Rematou o Festival cunha nova actuación co 2º grupo de percusión, dirixido por Víctor Fuggetto, no exterior do Auditorio.

            A presentación do Festival correu a cargo de Enma e Braulio das Unidades educativas do Centro, coordinados por Samuel de Xerpo Cultural. O longo da tarde houbo proxeccións de imaxes e pancartas alusivas  os 30 anos de historia do Centro.