Ábaco entregou os premios do concurso de Nadal

Ábaco entregou os premios do tradicional concurso de tarxetas de debuxo de Nadal

O pasado mércores, 19 de xaneiro, tivo lugar na oficina de ‘Ábaco’ a entrega de premios do tradicional concurso de tarxetas de debuxo do Nadal 2010, organizado por esta asociación e, nesta ocasión, tamén por Mercaguarda.

Na categoría de 10 a 12 anos o gañador foi Carlos S.A.. de 11 anos cun orixinal debuxo empregando moito imaxinación, séndolle entregado o premio polo presidente de Mercaguarda, Saúl Treinta.

A única nena gañadora, Sara B. A. de 7 anos, e que participou na categoría de 6 a 9 anos, reflectía no seu debuxo un diferente Papá Noel descendendo cun paracaídas. O premio foille entregado  polo presidente de Ábaco, Angel Baz, na compaña de Saúl Treinta.

Ángel Baz tamén entregou o premio a Héctor G.L. de 5 anos, por un debuxo no que Papá Noel se transforma nun polbo do mar.

Foron moitas as tarxetas recibidas o que fixo moi difícil a elección dos gañadores, pero o importante de todo é participar e sobre todo que os nenos disfrutasen e se sentisen a gusto.