Festa dos Avós na Guarda

            Máis de 500 avós e avoas acudiron o domingo, 10 de xullo, á Festa dos Avós organizada polo club da Terceira Idade coa colaboración do concello da Guarda.

            Este encontro de maiores celebrouse, como vén sucedendo nas tres últimas edicións, na carpa do porto e comezou coa música de “Trío Sabor”, que logo dun primeiro percorrido musical cedeu o micrófono ao presidente do club Jesús quen agradeceu a presenza dos maiores nesta festa aínda que fixo unha chamada de atención ás mulleres para que se presenten á convocatoria de Raíña e Damas de Honor da Terceira Idade, desfilando o sábado do Monte.

            Deseguido tomou a palabra o párroco da Guarda, Jesús García Villadóniga, que lembrou a importancia dos avós nas familias, e animounos a manter a alegría entre eles. Valorou o amor no matirmonio relatando unha emotiva anécdota dun home que non quería chegar tarde á cita coa súa muller, recollida nun centro xeriátrico, aqueixada de Alzheimer: “Ela hai cinco anos que non me coñece, pero eu si que a coñezo a ela”, resumen ese sentimento.

            E como en anos anteriores, volveu cantar o párroco unha rancheira para todos os maiores.

            Posteriormente subiron ao escenarioRosalía Giráldez Álvarez, que será a Raíña da Terceira Idade nas Festas do Monte, e as Damas de Honor: Elvira Pérez Martínez e Mª Luisa Cuíña López, a quen lles impuxeron as correspondentes bandas recibindo cadanseu ramo de flores.

            O turno foi, a continuación, para o humorista Pepe Suevos, que divertiu ao público cos seus monólogos, nalgún dos cales converteu en protagonista ao propio párroco da Guarda.

            O alcalde, José Manuel Domínguez Freitas, que estivo acompañado polas concelleiras Montserrat Magallanes Álvarez, Carmen Mª Castro e Tere Baz, dirixiu tamén unhas palabras aos presentes.

            O poeta José Piñeiro Trillo, que veo desde Guillarei, recitou dous poemas da súa autoría, aplaudidos polos presentes, e volveu subir ao escenario o “Trío Sabor”, ao tempo que os avós e avoas foron obsequiados con rosca, biscoito e sidra.

Outra forma de ver a reportaxe: premer na foto

María José Baz

cantó

en una boda

Índice reportaxes 2010

Reportaxes dos lectores

Se desexa incluír unha reportaxe comercial en galiciasuroeste infórmese sen compromiso enviando un correo a:

galiciasuroeste(arroba)gmail (punto)com