Unha praca recorda a casa na que naceu o cantautor local Tino Baz

            O cantautor guardés Tino Baz xa ten a súa propia praca na casa onde naceu. Os amigos do Condado, Maribel Rocha Gil e Luis López Rodríguez, novos propietarios da casa agora recuperada polos restauradores Manuel Lorenzo Gillade, “Eléctrico”, e Benedicto Fontán Gillade, quixeron deste xeito homenaxear a TinoBaz nun acto no que participaron familiares e amigos e no que non faltou a música con Xavier Martínez, á gaita; Maximino Souto, co bombo, e Angie Dopazo, coa caixa.

             A casa natal de Tino Baz, atópase nunha das máis antigas rúas da Guarda con lenda propia, a rúa Malteses. Trátase dunha vivenda típica do barrio mariñeiro guardés, que non chega aos tres metros de ancho, das que aínda quedan algúns ejemplares que restaurar no lugar, aínda que a mayor parte delas xa perderon as características propias da vivenda tradicional mariñeira.

            Como explicaba un dos restauradores, Manuel Lorenzo, o reducido espazo obriga a non desperdicialo con lugares mortos como corredores ou zaguáns, de modo que se consigue axeitar cada un dos andares da casa para conseguir o máximo proveito.

            A fachada, na que salienta a pedra encintada, e o interior, onde o protagonismo o leva a madeira, converten a vivenda nun recuncho acomodado onde se “vive” a calor do fogar con reminiscencias antergas.

Outra forma de ver a reportaxe: premer na foto