Xogadores do Canal F.C. de Cabo Verde visitan

A Guarda

 Xogadores da Canal F.C. de Cabo Verde visitan A Guarda enfrontándose a distintos equipos da comarca

Recepción oficial na Casa do Concello

Desde o pasado 3 de xuño está na Guarda a expedición do club de veteranos Canal F.C., da illa caboverdiana de San Vicente, que chegan a esta localidade por mediación do que consideran “embaixador” guardés na illa, o armador do palangreiro “Kevin”, Carlos Dacunha (Futre), que como outros moitos espadeiros guardeses fai base en Cabo Verde, e que dada a súa presenza habitual na illa, forma parte tamén do equipo do Canal.

24 homes e 4 mulleres forman parte desta expedición que o 6 de xuño foron cumprimentados polo alcalde da Guarda, José M. Domínguez Freitas. Ata o día 13 permanecerán nesta localidade onde Canal F.C. xogou cun combinado de veteranos da Guarda; hoxe enfrontaranse a un equipo de Oia, o xoves farano contra outro do Rosal; o sábado será contra o Goián e o domingo volverán xogar, ás once da mañá, na Guarda, finalizando a súa estancia nesta localidade.

Desde o día 13 e ata o día 17, en que regresarán a Cabo Verde, aproveitarán para visitar a familiares repartidos pola xeografía galega, segundo explicou o portavoz do equipo, João Pires (Johnny) quen recordou que a orixe do conxunto está no ano 1975, cando todos eles, que hoxe contan entre os 35 e 50 anos, eran aínda uns rapaces que se reunían para practicar o balompé en distintos equipos ata que decidiron crear o seu propio club, no que tamén milita un alemán que sente integrado na illa.

Segundo explicaron Domínguez Freitas e João Pires, existe interese por parte do presidente da Cámara de San Vicente, Augusto César Neves, de establecer un protocolo de colaboración entre o concello da Guarda e a mencionada illa, dada a importamncia que aquel porto ten para a flota guardesa onde fan base distintos palangreiros da nosa localidade.

Ao fondo, o concelleiro de Deportes, Javier Crespo; o alcalde, José M. Domínguez Freitas, e Carlos Dacunha, armador que trouxo á Guarda aos xogadores do Canal

Desfile do

Traxe Galego

na Guarda

Índice reportaxes 2010

Reportaxes dos lectores

Se desexa incluír unha reportaxe comercial en galiciasuroeste infórmese sen compromiso enviando un correo a:

galiciasuroeste(arroba)gmail (punto)com