Centenario de Mercedes Alonso Baz

            O alcalde da Guarda, José Manuel Domínguez Freitas, e as concelleiras Teresa Vicente Baz, de Sanidade e Servizos Sociais, e Carmen María Castro González, de Muller, cumplimentaron na tarde do 5 de novembro a Mercedes Alonso Baz, que cumpría neste día 100 anos cheos de vitalidade e bo humor.

            En nome do concello, Mercedes recibiu, aos sons das faitas co Club da Terceira Idade, unha praca que lembra o día no que cumpriu o século, unha tarta coas velas que simbolizaban os cen anos e que soprou con enerxía, e un ramo de flores.

            Mercedes, que xa é unha das seis mulleres guardesas que acadan o século, arroupada pola familia, que chega a cuarta xeración, e polos seus veciños da rúa do Medio, atreveuse a tocar a pandeireta e a entoar algunha cantiga.

            Os agasallos chegáronlle tamén por parte do dirección da residencia Monte Tecla, onde vive a centenaria guardesa desde hai tres anos, que con emoción “porque nos dá moita vida”, lle entregaron outro ramo de flores, mentres o persoal laboral tamén quixo obsequiala cunha chaqueta de lá que sen dúbida estreará xa nestes días.

Outra forma de ver a reportaxe: premer na foto

Conferencia

de

Gómez Papí

  

Outras reportaxes

Índice reportaxes 2010

Reportaxes dos lectores

Se desexa incluír unha reportaxe comercial en galiciasuroeste infórmese sen compromiso enviando un correo a:

galiciasuroeste(arroba)gmail (punto)com