|
|
Curso cociña tradicional
da Asociación para a Recuperación do Traxe
Galego
13 mulleres que se
formaron na cociña Tradicional recibiron os Diplomas
entregados pola Asociación para a Recuperación do Traxe Galego
A Asociación
para a Recuperación do Traxe Galego da Guarda entregou onte, día 13 de xuño,
os diplomas ás 13 mulleres que participaron no programa “Pensando en ti”,
patrocinado pola Deputación de Pontevedra, e que se formaron na
especialidade de Cociña Tradicional, curso impartido por Isabel Vicente.
Este curso
que principiou o 18 de marzo e concluíu o día 11 de maio, tivo 30 horas de
formación.
A
vicepresideta da Asociación para a Recuperación do Traxe Galego, Julia
Sobrino, agradeceu á Deputación esta oportunidade que posibilita ofertar
este curso ás participantes, e a estas tamén lles manifestou o seu
agradecemento polo aproveitamento que fixeron do curso.
Persoalmente,
engadiu Julia Sobrino, “para min foi unha experiencia case mística pois
consideraba a cociña como algo aburrido; pero este curso permitiume entrar
en contacto cun grupo de mulleres extraordinarias me me deron alegría e,
incluso, aprendín a facer cañitas”.
Pola súa
banda a monitora do curso, Isabel Vicente, reiterou o adradecemento á
Deputación e ás participantes. Engadiu que estes programas de formación son
moi interesantes, e sentiuse, dixo noutro momento, “encantadísima ao dar o
curso; paseino moi ben; permitiume relacionarme máis coa xente e, se fun
capaz de ensinarvos algo, xa estou feliz e agradecida”.
Deseguido a
Xunta Directiva procedeu a entregar os Diplomas ás alumnas participantes no
curso, entregándolle asemade un agasallo a Isabel Vicente. O acto rematou
degustando as distintas elaboracións acompañadas dun viño doce e un brindis
con champán.
Outra forma de ver a reportaxe: premer na
imaxe
|
|
Procesión
San Antonio
(A Guarda)
Índice reportaxes 2010
Reportaxes dos lectores
Se
desexa incluír unha reportaxe comercial en galiciasuroeste infórmese sen
compromiso enviando un correo a:
galiciasuroeste(arroba)gmail
(punto)com |
|
