Candidatura CXXI

Reportaxe de Beti Rey

Converxencia XXI expuxo na súa presentación que son a opción que representa a liberdade, o progreso e a democracia

Converxencia XXI presentou o pasado sábado en Tui aos seus candidatos ás eleccións municipais do 22 de maio ás alcaldías de Tui, Vigo, Santiago e á Coruña. O acto reuniu no Hotel Colón a máis de 200 persoas.

No mesmo Carlos Vázquez Padín, candidato de CXXI en Tui, explicou que non foi doado facer a candidatura xa que supuxo un traballo longo dun ano, e agarda que este sexa o inicio dunha longa traxectoria ao longo do século que da nome ao partido. Explicaba que Converxencia é un partido galeguista, criticando aqueles outros que “prostitúen a ideoloxía galeguista” referíndose dicía “ás pachangas porque non merece o nome de partidos políticos” dicía que hai un deles se presenta en Tui, e os convidaba a “seguir o único camiño honesto que poden seguir que é  integrarse en Converxencia XXI”. Engadía que PP e PSOE defenden “intereses e privilexios” e apuntaba que son o problema e non a solución porque apostaron por un modelo económico fallido. E sinalaba que Tui “somos un exemplo destacado do deterioro xeral da política en Galicia e España” polo que apuntaba que é necesario frear ese deterioro. Engadía que “Tui é un exemplo de coma nunca se debe xestionar unha administración local”  e puña coma exemplo o PXOM que no seu parecer non merece o cualificativo nin de xeral nin de urbanístico, e que as obras do Plan E foron adxudicadas case todas á mesma construtora.  Tamén lembraba que Tui acaba de ser declarado polo Defensor del Pueblo coma municipio “entorpecedor”.

Por outra parte Carlos Vázquez Padín expuña que en Tui hai tres candidaturas conservadoras que cren están movidas por obxectivos e interese de índole persoal, indicando que Tui é “un exemplo paradigmático de como as persoas que están no PP cando creen que o Partido Popular non responde aos seus intereses de índole persoal, sexan económicos u político, non dubidan en irse do partido” o que dicía “demostra que non son intereses de índole ideolóxico o que os leva a estar nese partido”. Engadía que este funcionamento do Partido Popular non é so un problema do PP senón un problema de Tui. Nese senso indicaba que “o Partido Popular representa un grave problema político para Tui porque gobernou no municipio de xeito ininterrompido os últimos 20 anos polo que no seu parecer “son os responsables do estancamento político,social e económico” da cidade.  Explicaba que o 22 de maio hai unha oportunidade para cambiar esta situación, manifestando que a pesar de que hai seis candidaturas no seu parecer hai dúas opcións nitidamente diferenciadas á da arbitrariedade, a incompetencia e á inxustiza que ao seu xuízo representa o PP e a da liberdade, o progreso e a democracia que representa CXXI.

Insistía Carlos Vázquez Padín que cre que Converxencia XXI é “a ferramenta máis acaída para provocar un punto de inflexión” e coma proba disto apuntaba algúns acontecementos do último ano logrados en parte a súa presenza sendo aínda un partido extra institucional.  Falaba nese senso da presenza en Tui dos tres líderes do principais partidos políticos para presentar aos seus candidatos, da concesión da licenza a operadora R logo de que denunciaran no verán pasado as problemas que tiñan para conseguila, así coma o avance no PECH. Apuntaba que neses logros teñen tamén parte Ruegos e Preguntas, Intramuros ou a Asociación Arcebispo Lago.

O líder de Converxencia XXI apuntaba que “precisamos o 22 de maio depositar os nosos voto para contribuír a que Galicia se achegue aos parámetros de democracia, de liberdade e progreso dos países máis avanzados de Europa” indicando que ese camiño se inicia da man de Converxencia XXI nos catro concellos onde se presentan.

Convidaba a soñar un Tui mellor, un Tui posible cunha administración que facilite a vida dos cidadáns, onde non se suban máis os impostos, onde haxa un urbanismo planificado para mellora a calidade de vida, onde se melloren as infraestruturas,  onde se aproveita o gran potencial turístico de Tui e a súa situación xeográfica para xerar emprego e riqueza.

Engadía Padín que se precisa renovar o goberno local na forma de facer as cousas, e dicía que toca acompañar o orgullo de ser Tui, coa responsabilidade e de facernos respectar.   

A presentación remataba coa proxección de dous vídeos un primeiro sobre as promesas electorais do PP en 1999 e o actual estado de execución das mesmas, e outro no que os candidatos de CXXI esbozaron algunhas das propostas do seu programa electoral coma a administración electrónica, acondicionamento da beira do río, bolardos mecánicos no acceso ao conxunto histórico, zonas de esparcemento, colaboración con Play-Doc, escola infantil, wifi rural, ou rehabilitación do Teatro Principal entre outros.

Traslado

de Santa

Calumbra

Índice reportaxes 2010

Reportaxes dos lectores

Se desexa incluír unha reportaxe comercial en galiciasuroeste infórmese sen compromiso enviando un correo a:

galiciasuroeste(arroba)gmail (punto)com