Traballadores do mar fórmanse no DEA

ORPAGU e o Grupo San Benito organizan un curso de Diario Electrónico de a Bordo (DEA)

A Organización de Palangreiros da Guarda (ORPAGU), foi beneficiaria das subvencións para cursos de formación continua da Consellería de Traballo, que se imparten nestes momentos polo Grupo San Benito.

A acción formativa, na que participan dez traballadores do mar, leva por título Diario Electrónico de a Bordo (DEA), e ten unha duración de 20 horas.

Trátase, explican desde o Grupo San Benito, dunha ferramenta que facilita que os buques comuniquen diariamente as súas capturas á Secretaría Xeral de Pesca, sendo unha tramitación obrigatoria para todos os buques, a partir do 01/01/2011, teñan ou non 24 metros de eslora.

ORPAGU e o Grupo San Benito levan organizados xa preto da vintena de cursos do DEA sendo precursores neste tipo de formación tan específica.

Onte, a xerente de ORPAGU, Juana Parada Guinaldo, visitou as instalacións nas que os dez alumnos se forman no DEA, e animounos a sacar rendemento desta oportunidade que se lles brinda e que redunda no propio sector pesqueiro e os seus traballadores.

Outra forma de ver a reportaxe: premer na foto

O Nadal no

Colexio S. José-HH. Carmelitas

Índice reportaxes 2010

Reportaxes dos lectores

Se desexa incluír unha reportaxe comercial en galiciasuroeste infórmese sen compromiso enviando un correo a:

galiciasuroeste(arroba)gmail (punto)com