Unhas 230 persoas congregáronse nos inicios do Festival de Nadal do Conservatorio Elemental de Música da Guarda, celebrado no Centro Cultural o pasado 15 de decembro.

            Como xa é tradicional foron os propios alumnos deste centro os que presentaron o Festival e deron paso aos seus compañeiros na correspondente quenda de actuacións, que principiou cos alumnos de Preparatorio, para seguir con Educación Auditiva e Vogal, Guitarra Clásica, Guitarra Eléctrica, pasando por Violín, Piano, Vento Madeira e Vento Metal e rematar con Gaita Galega.

            No variado repertorio houbo desde interpretacións de composicións clásicas, pasando pola música tradicional e popular, e, como non podía ser doutro modo nestas datas,  polos villancicos.

             Rematado o Festival a ANPA sorteou distintas ceestas d eprodutos diversos entre os asistentes que mercaron rifas a cambio dun donativo de un euro.

            O concelleiro de Educación, Antonio Lomba, agradeceu a presenza do público neste acto, así como o labor dos profesores e dos alumnos do Conservatorio polo esforzo realizado, un ano máis, e do que deixaron fermosa mostra neste Festival de Nadal.

Outra forma de ver a reportaxe: premer na foto