|
|
Inauguración da Feira do Viño do Rosal
O venres, día
15, inaugurouse no Rosal a XIX Feira do Viño nun acto que contou coa
presenza do conselleiro de presidencia, Alfonso Rueda, o presidente da
Deputación, Rafael Louzán, o Secretario Xeral para o Deporte, José
Ramón Lete, alcaldes dos cinco concellos da comarca do Baixo
Miño, e outras personalidades da vida política. Tamén estiveron
presentes o presidente da Cámara de Comercio de Tui e a
delegación de importadores brasileiros que percorren
estes días as adegas produtoras de viño da Denominación de Orixe Rías
Baixas.
Jesús María
Fernández Portela, alcalde do Rosal, deu a benvida
aos presentes, agradecendo a súa asistencia a este acto e destacou a
consolidación da Feira do Viño que é fai posible
grazas ás axudas
institucionais, pero, sobre todo, dixo, os viticultores, sen
esquecer aos expositores, restauradores e outros colaboradores que lle dan
contido á mesma, e xunto con eles ao persoal municipal encargado da montaxe
da Feira e da súa organización.
Alfonso Ruano,
pregoeiro desta edición, lembrou as orixes da Feira e a súa relación coa
mesma e coa comarca do Baixo Miño, e mesmo, na súa condición de
Técnico de Extensión Agraria, ata o ano 2000, a súa
contribución á viticultura.
Noutro
momento valorou os viños que se producen no Rosal.
“Coido que este viño é excepcional”, dixo, para engadir que “tamén a
situación da viticultura e da enoloxía son tamén excepcionais
no marco da crise do consumo de viño
que vive toda Europa. Esta terra ten persoas con carácter emprendedor
espléndido e que conseguiron trnasformar a viticultura e os viños en
produtos cunha personalidade e prestixio internacional”
e apelou a ese espíritu emprendedor para afrontar o reto do futuro e manter
o altísimo nivel dos viños do Baixo Miño capaces de conquistar o mercado
exterior.
Gumersindo
Alonso, presidente da Cámara de Comercio, referiuse á maioría de idade que
acadaba a Feira do Viño do Rosal, cos seus dezanove
anos de presencia continua, sabendo consolidarse “como a festa do viño de
referencia do sur de Galicia”. Lembrou a aportación da Cámara de Comercio a
este evento, organizando a misión comercial inversa coa presenza dos
importadores de viño do Brasil, país, dixo, dos máis importantes
importadores de viño do mundo, sendo España o sexto país do ranking dos
países proveedores de viños de Brasil.
Na súa
intervención, Gumersindo Alonso asegurou que a Cámara de Comercio aposta
“pola internacionalización, e que este tipo de
iniciativas (as misións comerciais inversas) contribúen á promoción exterior
dos nosos produtos”. Recordou outras iniciativas
da Cámara de Comercio, como o Centro de Iniciativas
Turísticas do Baixo Miño, recentemente creado.
O presidente
da Deputación, Rafael Louzán, que valorou a beleza da comarca, aludiu, na
súa intervención, á futura remodelación da Praza do
Calvario “que ben sabe o alcalde que é unha das loitas que teremos por
diante nos próximos anos, para darlle a calidez e as melloras que precisa, e
que desde as distintas administracións, a pesares de ser un momento moi
difícil, adquirimos o compromiso de que se traballará na idea de mellorar
toda esta praza”.
Pechou as
intervencións o conselleiro de Presidencia, Alfoso Rueda, quen valorou a
continuidade da feira que xa leva dezanove anos
ininterrompidos celebrándose e considerou meritorio o
traballo desenvolvido por aqueles que a fan posible. Noutro momento
calificou aos viños coma “un produto con moita
proxección e que nestes momentos abre moitísimas oportunidades”. Reafirmou
as palabras de quen lle precederon nesa aposta pola
internacionalización dos viños que considerou “unha
iniciativa magnífica” e concluiu con referencias á remodelación da
Praza do Calvario e a súa disponibilidade a traballar para elo.
Outra forma de ver a reportaxe: premer na foto
|
|
Regata de gameliñas na festividade "do Carme"
Índice reportaxes 2010
Reportaxes dos lectores
Se
desexa incluír unha reportaxe comercial en galiciasuroeste infórmese sen
compromiso enviando un correo a:
galiciasuroeste(arroba)gmail
(punto)com |
|
