|
|
Escolas Deportivas Municipais (Tui)
Reportaxe:
Beti Rey
Presentación das Escolas Deportivas Municipais en Tui
 O novo pavillón de
deportes de Tui acolleu na tarde do mércores a presentación das escolas
deportivas da Deputación que este curso se van impartir en Tui. Son
concretamente as de patinaxe, balonmán e fútbol.
O acto contou coa
presenza do alcalde de Tui, Moisés Rodríguez, o deputado Pablo Baquero, o
concelleiro de Deportes, Nicolás Lorenzo, un representante da Federación Galega
de Patinaxe e do Club Balonmán Tui así coma os monitores destas actividades.
O edil de Deportes
agradeceu á Deputación o esforzo feito para que en Tui se poida contar con estas
tres escolas, e agarda que o próximo ano se poidan sumar outra de deportes que
comezan na cidade coma o tenis, o xadrez e o atletismo. Convidou ao nenos a
aproveitar estas actividades sobre todo no caso de patinaxe onde pese a haber 40
prazas máis que o ano pasado houbo nenos que quedaron fóra. Precisamente a gran
aceptación que o patinaxe ten na cidade referiase Nicolás Lorenzo, ao tempo que
facía unha invitación aos pais e nais a formar un club deste deporte, no que
terán o apoio do Concello.
O deputado Pablo
Baquero expuxo que é un orgullo para a Deputación que esta escola teña
incrementado o número de participantes superando os 450 nenos e nenas, o que
dicía, é un éxito, que quixo transmitir tanto ao concello coma ao Tyde, coma ao
club de balonmán e a Federación de Patinaxe. Tras cinco anos coas escolas
deportivas Pablo Baquero afirmaba que dende a institución provincial seguirán
apostando polo deporte base, ao tempo que animaba ao concello a que siga
implicado no deporte, para o que terá a colaboración da Deputación.
Por último
alcalde, Moisés Rodríguez, agradeceu a participación tan importante lograda na
cidade, destacando a importancia de que os nenos se poidan iniciar na práctica
de distintos deportes, e máis adiante decantarse por un deles. Salientaba tamén
que para o Concello o deporte é importante, apuntando que neste senso o
municipio conta con magníficas instalacións que hai que coidar e respectar
segundo sinalaba.
|
|
Presentación
da U.D. Ribera,
do Rosal
Índice reportaxes 2010
Reportaxes dos lectores
Se
desexa incluír unha reportaxe comercial en galiciasuroeste infórmese sen
compromiso enviando un correo a:
galiciasuroeste(arroba)gmail
(punto)com |
|
