Certame de Poesía Feliciano Rolán

            Convocado pola Agrupación Cultural Guardesa, presidida por Julia Sobrino, o Centro Cultural da Guarda centrou os actos da entrega de premios deste certame que chega á súa vixésimo cuarta edición, co patrocinio do concello da Guarda e subvencionado pola Comisión das Festas do Monte.

            Presentado por Manuel Santos, a entrega de premios do Certame de Poesía Feliciano Rolán iniciouse coa lectura, por parte da poeta Chuni Vázquez, de dous poemas do autor que dá nome a este evento poético. Deseguido foi a presidenta da Agrupaqción Cultural Guardesa, Julia Sobrino, quen recordou a figura de poeta guardés.

            Antes de que os autores premiados recitasen os seus poemas, o Coro Catabile, dirixido por Lucía Alonso Castro, ofreceu unha pequena escolma do seu repertorio e, a continuación, foron lidos os poemas premiados.

            Julia Sobrino, por ausencia xustificada da súa autora, leu o poema dotado co terceiro premio, "O alento do solpor", de Rocío Leira Castro, de Cee (A Coruña); Xosé Alberto Álvarez Rodríguez, de Tomiño, logrou o segundo premio con "Procurando a ollada cómplice"; poema lido por Leoncio Cividanes Álvarez, amigo de autor, que desculpou a ausencia de Xosé Alberto por atoparse ausente.

            Finalmente subiu ao escenario Xosé Manuel Esperante Davila, de Escarabote-Boiro (A Coruña), autor de "Imposible-O meu corpo pide terra", que logrou o primeiro premio.

            O concelleiro de Centristas de Tomiño, Jesús Castiñeiras, entregou o segundo premio ao seu conveciño Xosé Alberto Álvarez Rodríguez, recollido por  Leoncio Cividanes, mentres JUlia Sobrino cedeu a entrega do primeiro premio ao alcalde, José Manuel Domínguez Freitas, recolléndoo Xosé Manuel Esperante Davila.

            Tamén foron agasallados con recordos deste acto os membros do xurado, o Coro Canbaile e o presentador, Manuel Santos. POla súa banda a Comisión de Festas do Monte, representada por Victoriano Rodríguez González, entregou á presidenta da A.C.G. o motivo que este ano distinguiu a celebración das Festas do MOnte, elaborado nos obradoiros de Avelaíña.

Outra forma de ver a reportaxe