huelga


	www.galicsuroeste.info 28/01/2011

Folga do 27 de xaneiro

A folga do 27 de xaneiro pasou desapercibida na Guarda

Escasa repercusión tivo na Guarda a folga convocada pola CIG na xornada do 27 de xaneiro. Os establecementos, en xeral, abriron normalmente as súas portas.

Entre as incidencias rexistradas podemos mencionar as pintadas aparecidas nalgunhas entidades financieiras, sedes políticas, como a do Partido Popular, e mesmo nunha das fachadas da igrexa parroquial da Guarda, elemento patrimonial que conta con varios séculos.

Outros establecementos afectados foron as inmobiliarias e algunas axencias de seguros.

Nun lateral da Confraría de Pescadores colocaron unha pancarta con alusións ao Partido Popular, PSOE, UXT, CC OO, ETT e bancos, culpabilizándoos da crise económica.

As pechaduras das portas dalgúns edificios ou oficinas, como a Casa do Concello, a Policía Local e a OMIX, mesmo nalgún centro de ensino de primaria, foron cegadas polo que tiveron que ser desmontadas para poder pasar ao interior destes departamentos. Tamén nalgunhas entidades crediticias, ademais das pintadas, anularon as pechaduras, tendo que acudir a un cerraxeiro para liberar a entrada, así aconteceu, por exemplo, en Novacaixagalicia onde as 9.30 horas da mañá se traballaba para poder pasar ao interior, e á mesma hora as empregadas dun supermercado na rúa Domínguez Fontela limpaban as pintadas de portas e cristaleiras.

Os autobuses que se desprazan a Vigo desde A Guarda tiñan o cartel anunciando “Servizos mínimos”.