Festa da Lagosta. Pregón (A Guarda)

Ver Pregón

Degustacións, artesanía e rebaixas completaron un especial fin de semana na Guarda con ocasión da Festa da Lagosta e da Cociña Mariñeira

A Guarda viviu, os días 2 e 3 de xullo, a súa maior festa gastronómica, a Festa da Lagosta e da Cociña Mariñeira, con degustacións culinarias de exquisitez demostrada e probada, con eloxios dos comensais, e variedade de prezos que fixeron posible que aqueles petos que non puideron acudir á raíña do marisco, a lagosta (35 hora completa e 18 euros a media lagosta), accedesen a outros produtos que mimaron os padais, e que se podían adquirir desde un euro. O mar estivo sobre a mesa representado por especies culinarias tan saborosas como o percebe, zamburiñas, mexillóns, navallas, luras, chipiróns, peixe espada, xoubas, camaróns, polbo, e outras degustacións, ata completar os 30 pratos diferentes, aos que hai que engadir as ricas sobremesas da confitería Estévez, presididos pola sempre rica rosca de xemas e as novas creacións, como os bastóns do camiñante. Por dous euros puideron degustarse unha ración da rosca  de xemas e un chupito de viño doce.

Para regar estas degustacións nada mellor que os viños do Rosal, que terán a súa cita, con festa propia, do 15 ao 17 de xullo na Praza do Calvario, de veciño municipio.

Aínda que non hai cifras oficiais, quizais se notou un pouco menos de afluencia de público, pola crise propia, e a que sofre, aínda maior, o país veciño, de modo que a presenza de protugueses baixou con respecto a edicións anteriores. Aínda así, a festa cumpriu os seus obxectivos e, en xeral, os restauradores cren que os resultados son satisfactorios.

As alternativas á festa, ofrecidas polo concello e a iniciativa de Ábaco, cubriron eses ocos da Festa aos que o sábado, sobre todo, contribuíron tamén as praias ofrecendo os areais con bandeira azul (Praias de Camposancos e Area Grande), para disfrute.

Pero na contorna portuaria, concretamente na Rúa do Porto, esas outras alternativas viñeron da Feira de Artesanía, unha cita na que se ofreceron variedade de artigos elaborados artesanalmente, desde obxectos de coiro, pasando pola cestería, bixutería e antigüidades ata atractivos xogos de enxeño que foron entre as ofertas, pola súa novidade e o seu obxectivo, dos stands máis visitados.

Mentras, nas proximidades da carpa, prodigáronse actividades infantís e acrobacias, e no interior do recinto, houbo música tradicional.

Pola súa banda Ábaco levou ao Paseo Marítimo da Robaleira a súa A Guarda Feira Outlet, onde 13 establecementos da localidade dos sectores téxtil, calzado e agasallos, espuxeron os seus produtos a prezos rebaixados, que fixeron máis atractivas as compras.

Outra forma de ver a reportaxe: premer na foto

Festa da Lagosta.

Pregón

(A Guarda)

Índice reportaxes 2010

Reportaxes dos lectores

Se desexa incluír unha reportaxe comercial en galiciasuroeste infórmese sen compromiso enviando un correo a:

galiciasuroeste(arroba)gmail (punto)com