Festival a beneficio de Las Samaritanas

            Arredor de 150 persoas acudiron ao Festival que a beneficio de “Las Samaritanas” se celebrou o venres, 4 de marzo, no Centro Cultural da Guarda e no que participaron o Coro Infantil dos Pais Somascos, o coro da Terceira Idade da Guarda, o Grupo do Rosal “Lirolai”, María José Baz, o Grupo de Corda “Antorcha” e o tenor Chema Albán La Guardia acompañado ao piano por Guillermo García.

            Durante este espectáculo musical, presentado polo párroco da Guarda, Jesús García Villadóniga, sorteáronse unha cesta de productos diversos e dous lotes de libros doados pola Concellaría de Cultura do concello da Guarda.

            Entre os espectadores, estaba a promotora da casa de acollida, María del Carmen Vilchez, con residentes da institución, así como a comisión organizadora do acto e autoridades locais tanto da Guarda como do Rosal, neste caso representadas polas concelleiras María del Carmen Alonso e María Ángeles Vicente Manzano.

            Jesús García Villadóniga referiuse ao importante labor que desenvolve a Casa de Acollida dando afecto e fogar a quen está necesitado deles, e valorou a xenerosidade de María del Carmen entregándose a quen a necesita. Tamén tivo palabras para a Comisión organizadora deste espectáculo, que chega á súa terceira edición.

            Julia Sobrino, como representante da comisión organizadora agradeceu o altruísmo dos grupos e persoas que participaron coa súa música e a súa voz neste espectáculo a prol de Las Samaritanas; a presenza do público e tamén a do colectivo que a acompañan neste labor de organizar o festival nomeando a cada unha desas persoas que traballaron para facelo posible.

Pola súa banda María del Carmen agradeceu a cantos coa súa presenza ou coa súa colaboración, contribuíron a esta iniciativa. Ofreceu a Casa aos que queiran coñecer o labor que desenvolven Las Samaritanas e desculpouse porque non sempre pode estar presente alí onde a reclaman.

O alcalde e concelleiros, tanto da Guarda como do Rosal, foron chamados ao escenario e fixeron entrega, aos que puxeron voz e música no Festival, dun recordo deste acto.

Outra forma de ver a reportaxe: premer na imaxe

Entroido

Escolar

na Guarda

 

Outras reportaxes

Índice reportaxes 2010

Reportaxes dos lectores

Se desexa incluír unha reportaxe comercial en galiciasuroeste infórmese sen compromiso enviando un correo a:

galiciasuroeste(arroba)gmail (punto)com