Centos de persoas no xa tradicional magosto socialista

            Varios centos de persoas, superando os asistentes de edicións anteriores, participaron o domingo, 7 de novembro, no xa tradicional Magosto socialista que leva case trinta anos celebrándose.

            Case catrocentos quilos de castañas  traídas de Lugo foron asadas para esta xornada de degustación gratuíta dun produto que, durante moitos séculos, chegou a ser parte fundamental da dieta dos galegos, ata a introducción da pataca.

            Xunto coas castañas, os que quixeron puideron degustar viño tinto do país en taza serigrafada para esta conmemoración.

            Pouco antes de rematar o magosto sorteuse unha cesta con variados produtos, sendo o agraciado Finocho Abreu, de Camposancos.

Outra forma de ver a reportaxe: premer na foto