|
|
Certame "Poesía na Escola" (Tui)
Reportaxe: Beti Rey
Pequenos
poetas do Baixo Miño recolleron os seus premios o sábado
A poesía no
Baixo Miño conta cunha excelente saúde, así quedou demostrado o sábado (17
de decembro) pola mañá nun dos salóns do Liceo Casino de Tui onde tivo lugar
a entrega de premios do XIX Certame de Poesía na Escola organizado pola
Asociación de Amigos da Poesía do Baixo Miño.
O acto
contou coa presenza do alcalde de Tui, Moisés Rodríguez, da concelleira de
Cultura, Vanesa Rodríguez, xunto a Emilia Rosende, presidenta da Asociación
de Amigos da Poesía do Baixo Miño e outros membros deste colectivo.
O rexedor
tudense, ao comezo do acto, felicitou aos cativos pola súa participación, e
a Emilia Rosende e á Asociación organizadora por todos estes anos de
traballo en pro da cultura, e por lograr que as novas xeracións traballen
tamén neste ámbito, facendo, sinalaba, un traballo extraordinario. Referiuse
tamén ao libro “Poesía para nenos” que Emilia Rosende presentaba o mesmo
sábado, no contou co apoio do Concello.
Emilia
Rosende pola súa parte agradeceu aos cativos a súa participación ao longo de
tantos anos, no que contaron tamén coa implicación dos mestres e do
concello. Sobre o libro que presentaba indicou que era “unha débeda que tiña
cos nenos e nenas”.
A
continuación comezou a entrega de premios, máis de 70, entre os nenos de
toda a comarca do Baixo Miño que participaron no certame. Previamente a
recoller o premio, consistente nun lote de libros, os cativos deron lectura
aos seus poemas dedicados a temas tan variados coma lúa, o Titánic, ás catro
estacións, o vente, ao pais, e incluso un neno no seu poema comprometíase a
estudar máis e non dar máis desgustos a súa nai.
|
|
Concerto
de Panxoliñas
na Guarda
Índice reportaxes 2010
Reportaxes dos lectores
Se
desexa incluír unha reportaxe comercial en galiciasuroeste infórmese sen
compromiso enviando un correo a:
galiciasuroeste(arroba)gmail
(punto)com |
|
