|
|
Exposición de Noé Ferreira no Art Café
O domingo, 17 de
xullo, inaugurouse na cafetería guardesa Art Café a exposición de pintura
denominada Îceputuri, palabra rumana que significa “comezos”,
que se pode ver ata o próximo 16 de agosto. Son un total de 7 obras, as
primeiras, do guardés Noé Ferreira, de aí o título.
Autodidáctica, a súa afección pola pintura xa vén de neno pero o “gusaniño”
acrecentouse nestes últimos anos, dedicando parte do seu tempo libre á
pintura.
Sen estilo definido,
ofrécenos dende unha paisaxe típica guardesa, ás casas da mariña, coma un
autoretrato “pixelado”, pasando por composicións xeométricas, certo aire
abstracto e naif, onde o colorido é un dos elementos que máis destaca.
A súa firma é unha
homenaxe ao seu avó, Bernardo Rodríguez Pacheco, “Nagio”, pois
utiliza a marca mariñeira deste, unha frecha horizontal cara á dereita con
tres liñas verticais, marca que tamén leva nunha das muñecas.
No centro Noé Ferreira
xunto con familiares e amigos na cafetería Art Café.
Noé Ferreira xunto a súa
compañeira Dana e amigos íntimos nun momento da exposición |
|
Mascareñas e Lareira nas Festas do Carmen (A Guarda)
Índice reportaxes 2010
Reportaxes dos lectores
Se
desexa incluír unha reportaxe comercial en galiciasuroeste infórmese sen
compromiso enviando un correo a:
galiciasuroeste(arroba)gmail
(punto)com |
|
