|
Noite das alfombras na Guarda
Temperatura agradable en contraste cos anos
precedentes nos que o vento ou a auga foron, xunto coas alfombras florais,
protagonistas. A longa noite das alfombras na Guarda, a que vai do sábado ao
domingo (25-26 de xuño), volveu reunir a centos de mans anónimas para
elaborar as alfombras.
A Policía Local colocara en días pasados os
correspondentes carteis pedindo que non se aparcase nas rúas nas que estaba
previsto confeccionar estas efímeras obras de arte.
Na tardiña do sábado empezaron xa nas rúas a trazarse
os debuxos axudados por plantillas, cordas, xeso e pinturas.
Depois foron miúdos e maiores os que coa paciencia do
santo Job perfilaron os debuxos e deseguido enchéronse os espazos
delimitados con pétalos, follas de mimosa ou de buxo; palla trillada,
sementes de distintas especies vexetais e un longo etcétera.
Na Ribeira seguiuse empregando sal tinguido, ademais
de area para realizar un tapiz de tema mariñeiro.
Houbo ilusión infantil nalgunha das alfombras, como o
Bob Esponja, da rúa do Medio.
Moi fina, e con tema propio das alfombras clásicas,
eran os deseños de dous dos tramos da alfombra de Concepción Arenal.
Espectacular, pola amplitude da praza e as
posibilidades que ofrece este espazo, a alfombra da Praza do Reló, no que se
reproduciu un timón e as bandeiras de sinais.
Otra forma de ver el reportaje: hacer click
en la imagen
|
