Pleno Ordinario de Tui

Reportaxe Beti Rey

AT, PSOE e BNG presentan no pleno moción rexeitando ao Mario Conde coma pregoeiro que non prosperaron

Na quenda de mocións de urxencia AT, PSOE e BNG presentaron tres mocións distintas relacionados co nomeamento de Mario Conde coma pregoeiro das festas a polémica xurdida ao respecto xa que hai persoas a favor e en contra.

Miguel Capón solicitaba vía moción de urxencia a modificación do Regulamento de Honras e distincións para que sexa esta comisión quen de agora en diante designe a persoa que vai dar lectura ao pregón. Manuel Freiría do Partido Socialista daba lectura a unha moción na que rexeitaban o nomeamento de Mario Conde por non crer que sexa un exemplo a seguir. Mentres dende o BNG  a edil Carme Verde dicía que a “poboación está divida e exaltada porque nos van obrigar a ter un pregoeiro destas características pedindo na moción que o goberno municipal rectifique na medida que lle corresponda.

Ningunha das mocións foi tratada xa que o Alcalde considerou que non había lugar a súa urxencia ao non tratarse dun tema plenario xa que segundo explicou a designación de pregoeiro é competencia do Alcalde.

Sobre o tema volveuse na quenda de rogos e preguntas onde Manuel Freiría do PSOE rogaba que se rectificase na decisión de nomear a Mario Conde pregoeiro e que se busque a outra persoa que sexa un exemplo a seguir.  Por contra dende Tudenses Unidos Independentes, Juan Miguel Diz Guedes, rogaba ao Alcalde que lle faga chegar a Mario Conde que tanto el coma o seu compañeiro de grupo alédanse do seu nomeamento coma pregoeiro e de que aceptase esta designación.

Presentación candidato

BNG-TUI

 

Outras reportaxes

Índice reportaxes 2010

Reportaxes dos lectores

Se desexa incluír unha reportaxe comercial en galiciasuroeste infórmese sen compromiso enviando un correo a:

galiciasuroeste(arroba)gmail (punto)com