Conferencia de Gómez Papí

Máis de 300 persoas seguiron a conferencia ofrecida en Goián polo pediatra Gómez Papí

Máis de 300 persoas seguiron o mércores, no Auditorio de Goián, a conferencia ofrecida polo pediatra catalán Adolfo Gómez Papí sobre o seu libro “El poder de las caricias. Crecer sin lágrimas”.

            A actividade, organizada pola Oficina de Igualdade do concello de Tomiño, obtivo grande aceptación por parte dun público interesado na crianza dos fillos e fillas e coñecedor en moitos casos, do traballo do médico catalán, membro do servizo de pediatría do Hospital Universitario Joan XXIII de Tarragona e coordinador da Comisión de Lactancia Materna deste centro de atención sanitaria.

            A alcaldesa de Tomiño, Sandra González, presentou ao médico citando algúns dos seus principais logros profesionais no eido da pediatría e lactancia materna, e agradeceu a súa presencia e a do numeroso público, constituído na súa maioría por nais e pais que acudiron á charla cos seus fillos, aproveitando en moitos casos o servizo de gardería habilitado ao efecto. Entre o auditorio había tamén prodesionais da sanidade, como matronas, enfermeiros e pediatras.

            Gómez Papí referiuse na súa conferencia ás orixes do libro “El poder de las caricias”, aportando datos e cifras de grande interese sobre a importancia da proximidade física e emocional da nai e o bebé nos primeiros meses de vida. Comentou neste sentido, varios experimentos realizados neste eido, nos que sempre o resultado variou en función desa proximidade e do apego entre fillos e proxenitores.

            O pediatra, que asinou libros e despexou dúbidas dos pais e nais, incidiu na importancia do contacto “pel con pel” entre a nai ou pai e o bebé, e de dar pronto o peito para crear un vínculo sólido co recién nacido.

            Adolfo Gómez Papí contribuiu á promoción da lactancia materna, e traballou para que o seu hospital fose pioneiro en España na práctica do método da nai canguro.

Aniversario

Rodríguez

Moda

  

Outras reportaxes

Índice reportaxes 2010

Reportaxes dos lectores

Se desexa incluír unha reportaxe comercial en galiciasuroeste infórmese sen compromiso enviando un correo a:

galiciasuroeste(arroba)gmail (punto)com