PActo conmemorativo polo Día da Muller

Pilar García Negro ensalza a figura de Rosalía de Castro no acto da Comisión da Muller do BNG

O venres, 11 de marzo, a Comisión Comarcal da muller do BNG no Baixo Miño celebrou un acto conmemorativo polo Día Internacional da Muller no Centro Cultural da Guarda.

O acto foi presentado por Hortensia García, Responsábel de Muller do BNG na Guarda, quen explicou a posición da organización nacionalista en materia de igualdade. “O BNG asume a loita pola igualdade como un compromiso democrático, imprescindíbel para avanzarmos cara unha sociedade xusta. Non é tolerábel que a metade da poboación sufra discriminacións e se limite o exercicio dos seus dereitos” manifestou. Durante a súa intervención tamén fixo referencia ás actuais políticas de igualdade da Xunta de Galiza: “Lamentabelmente, coa chegada do PP á Xunta de Galiza, estase aplicando un programa regresivo, con efectos negativos para os dereitos e as condicións de vida das mulleres.”

A continuación Pilar García Negro presentou ante o numeroso público asistente o seu libro “O clamor da rebeldía. Rosalía de Castro: ensaio e feminismo” que foi galardoado co premio Vicente Risco de Ciencias Sociais 2010. Durante a súa exposición fixo un repaso da obra e biografía de Rosalía. Ofreceu unha visión da escritora alonxada dos tópicos e estereotipos habituais presentándoa como “inauguradora do ensaio na literatura galega contemporánea, comprometida con Galiza e primeira escritora defensora da conciencia de xénero no noso país”.

O acto rematou coa actuación do cantautor guardés Tino Baz e do grupo de pandereteiras Tambaluca.

Presentación de Fany Iglesias candidata popular

 

Outras reportaxes

Índice reportaxes 2010

Reportaxes dos lectores

Se desexa incluír unha reportaxe comercial en galiciasuroeste infórmese sen compromiso enviando un correo a:

galiciasuroeste(arroba)gmail (punto)com