|
|
Visita a Rubber
Reportaxe: Beti Rey
O conselleiro de Economía
estuda co Consello de Administración de Nor Rubber SAL a posibilidade de
financiamento para a compra de materia prima
O conselleiro de Economía e Industria,
Javier Guerra, realizou na tarde do venres unha visita á empresa Nor Rubber
SAL situada en Areas, na que estivo acompañado polo alcalde de Tui, Moisés
Rodríguez, e polo presidente do Consello de Administración da empresa, José
Manuel Quintana.
Javier Guerra percorreu as
instalacións da fábrica interesándose polos distintos procesos que na mesma
realizan os 100 traballadores que na actualidade conforman a plantilla.
Dende o Consello de Administración espuxéronlle ao titular de Economía a
necesidade que teñen de conseguir financiamento para facer fronte á
adquisición de materia prima para unha carteira de pedidos por importe de
2,5 millóns de euros que teñen comprometido e que deben entregar antes de
finais de ano. O presidente do Consello de Adminitración, José Manuel
Quintana, explicaba que teñen un desaxuste de tesourería que teñen que
cubrir e que necesitan facelo nun prazo máximo dun ou dous meses. Será un
financiamento para cancelar posteriormente coas facturas de venda.
O conselleiro destacou na súa
intervención que os traballadores desta empresa son un exemplo a seguir
porque son tamén propietarios, algo que, dicía, é importante nestes
momentos. Javier Guerra trasladoulles o seu compromiso aos traballadores,
salientando que esta é a empresa máis importante do municipio. Salientaba
por outra parte que pese a ter carga de traballo teñen algunhas dificultades
para atopar financiamento para o que ían de xeito conxunto buscar algunha
solución, destacando que o IGAPE está envorcado apoiando ao tecido
empresarial galego.
Por último o alcalde de Tui agradecía
ao conselleiro a súa visita á cidade. Salientaba que Nor Rubber é un exemplo
a seguir en toda Galicia porque os propios traballadores son tamén
empresariOs, e incidía tamén na importancia de que esta empresa tudense teña
o apoio da Xunta.
 |
|
As Festas do Monte co obxectivo de MILO BAZ
Índice reportaxes 2010
Reportaxes dos lectores
Se
desexa incluír unha reportaxe comercial en galiciasuroeste infórmese sen
compromiso enviando un correo a:
galiciasuroeste(arroba)gmail
(punto)com |
|
