Presentación Sandra González

candidata Alcaldía de Tomiño

O BNG presentou, ante más de 500 persoas, a Sandra González como candidata a Alcaldía de Tomiño

Na tarde do domingo, 6 de febreiro, tivo lugar no Auditorio de Goián a presentación da candidatura coa que o BNG concorre ás vindeiras eleccións municipais de maio. Máis de 500 persoas ateigaron o auditorio, que quedou pequeno.

Entre os convidados contouse coa presenza dos tamén cantidatos do BNG por Vigo, Gondomar, Porriño, Salceda, Tui, A Guarda, Oia e o Rosal e a deputada Carme Adán.

No acto presentouse un video sobre o traballo que o BNG ten desenvolvido nestes catro  anos no concello de Tomiño e interviron a responsábel local do BNG, Cristina Martínez, e o portavoz municipal, Uxio Benítez. A continuación tomou a palabra a deputada e ex-conselleira Teresa Táboas que mostrou o seu apoio aos compañeiros do BNG de Tomiño e valorou “a determinación que Sandra sempre tivo xestionando, cando eu era conselleira, o Parque Empresarial de Tomiño, tan necesario nun contexto de crise económica como no que estamos”.

Finalmente interviu a alcaldesa de Tomiño e novamente candidata do BNG á Alcaldía, Sandra González, agradecendo o apoio do numeroso público asistente e manifestou que “Tomiño emprendeu un camiño de transformación hai catro anos que non pode ter volta atrás, e que recoñecen a maioría dos veciños e veciñas cos que falamos”. Segundo a alcaldesa, “preséntase un equipo que conxuga a necesaria incorporación de xente nova coa experiencia de goberno ao longo destes catro anos, con ilusión, con proxecto e con ganas de seguir traballando polo seu concello”.