IIIª Marcha BTTT "Serra da Groba"

         Uns 250 ciclistas participaron o domingo, 6 de novembro, na III Marcha BTT "Serra da Groba" coorganizada polos concellos da Guarda, O Rosal e Oia, cun percorrido de 38 km por paraxes excepcionais nunha xornada na que a climatoloxía acompañou aos participantes.

          Pouco despois das nove da mañán, coa presenza de concelleiros da Guarda e O Rosal, e contando co apoio de distintos vehículos oficiais dos tres concellos, do Club Ciclista O Rosal, e de "motoristas" voluntarios, o coche contraincendios de Oia fixo soar a sirena que daba a saída dos ciclistas concentrados na Sangriña, percorrendo o tramo urbano da Guarda e, posteriormente, á altura das Loucenzas, meterse xa no Monte nese precioso percorrido pola Serra da Groba con imaxes nas que predominaban os verdes e azuis do ceu, do mar e do monte.

         Representantes de distintos clubs ciclistas, chegados incluso de Ourense, e outros a títulos particular, foron debuxando pegadas nos sendeiros nos que, o día anterior, os voluntarios marcaron con cintas o percorrido, aínda que algunhas delas, lamentablemente, foron arrancadas polos desaprensivos,, o que motivou algún pequeno extravío.

Outra forma de ver a reportaxe: premer na foto

Presentación da 3ª Ruta da Tapa de Ábaco

 

Outras reportaxes

Índice reportaxes 2010

Reportaxes dos lectores

Se desexa incluír unha reportaxe comercial en galiciasuroeste infórmese sen compromiso enviando un correo a:

galiciasuroeste(arroba)gmail (punto)com