sffbm


	www.galicsuroeste.info 28/12/ 2010

Selección Fútbol Femenino Baixo Miño

Informa Rubén Casaleiro

Presentación da "Selección Fútbol Feminino Baixo Miño"

O 26 de decembro non puido ter mellor aceptación a presentación da selección feminina do Baixo Miño, con gran afluencia de público no campo, a pesar das baixas temperaturas que non invitaban a saír da casa.

No acto contouse coa presenza do concelleiro de deportes do concello de Tomiño, Fernando Álvarez, mostrando unha vez máis o apoio inestimable do concello. Tamén asistiu o patrocinador da camiseta, Informática Jaime, así como as directivas do Tomiño FC feminino e a Unión Guardesa, como organizadores, e os conxuntos invitados Olivo e Erizana.

Cabe destacar a presenza de Pilar Neira seleccionadora galega, sempre apoiando este tipo de eventos, así como de Verónica Boquete, unha das mellores xogadoras de fútbol feminino a nivel nacional, que salientou a dificultade de organizar estes eventos e a falta de apoio ao deporte feminino "En primeiro lugar, quería agradecer”, dixo Verónica boquete, “ós organizadores que pensaran en min e que me desen a oportunidade de estar aquí hoxe. Para min é moi importante porque sei o díficil que é organizalos e tamén sei o que é levantarse para xogalos. E despois darvos as gracias ós que estades aí nas gradas, apoiando o fútbol feminino, porque se hay algo que necesitamos é o voso apoio, moitas gracias".

O torneo inciouse co saque de honra a cargo de Verónica Boquete, dando asi comezo o torneo entre SFFBM e o Olivo co resultado (0-5) no seguinte partido xogarían Olivo-Erizana (2-0) co cal xa o Olivo se proclamaba finalista. Pola tarde xogaría a SFFBM-Erizana nun partido moi disputado (1-1) que se resolvería na tanda de penaltis a prol do Erizana, e xa na final Olivo-Erizana, o Olivo proclamaríase campión do torneo triángular “presentación selección feminina do Baixo Miño”, gañando (2-0) e demostrando a súa superioridade durante todo o torneo.

Desde a organización agradecen a toda esa xente que colaborou de forma desinteresada así coma á Concellería de Deportes e Lecer do Concello de Tomiño, as Casas Comerciais e á Radio Municipal de Tui.