|
|
Procesión San Telmo (Tui)
Reportaxe
de Beti Rey
Remataron as
festas de San Telmo
Remataron as
festas de San Telmo desde ano 2011 tras dez días de festexos. O luns á noite
a procesión puxo o broche dourado a estas festas. Saía pouco despois das
nove da noite da Catedral e foi seguida por centos de persoas nas rúas de
Tui por onde pasaba. Na mesma participaron máis de 25 imaxes de santos e
virxes procedentes das igrexas e capelas tanto de Tui centro coma das
distintas parroquias, destacando entre todas elas a imaxe de San Pedro
González Telmo este ano escoltada pola Garda Civil. A procesión estivo
presidida polo bispo da Diocese Monseñor Luís Quinteiro Fiuza, que
participaba por primeira vez neste evento dende o seu nomeamento coma bispo
de Tui-Vigo. Na parte civil estaban presentes o Conselleiro de Industria
Javier Guerra, o Presidente da Deputación, Rafael Louzán e o Alcalde de Tui,
Antonio Fernández Rocha. Na mesma participaron amais a corporación municipal
de Tui e de todo o partido xudicial así coma os alcaldes de Oia, A Guarda, O
Rosal, Tomiño, e O Porriño.
A parte
musical correspondeu á Banda de Música Popular de Tui, a Banda de Música da
Escola Naval Militar de Marín, e á Banda de Guerra da Brilat.
Ao remate da
procesión tivo lugar na praza de San Fernando, completamente ateigada de
xente, a ofrenda floral a San Telmo, e a interpretación da Salve Mariñeira e
do Himno a San Telmo.
O punto final
puxérono os fogos artificiais que encheron a noite de cor.
Outra forma de ver a reportaxe: preme na imaxe
|
|
Candidatura
PGD
(Tui)
Índice reportaxes 2010
Reportaxes dos lectores
Se
desexa incluír unha reportaxe comercial en galiciasuroeste infórmese sen
compromiso enviando un correo a:
galiciasuroeste(arroba)gmail
(punto)com |
|
