Mercado da Torre, en Caminha

Reportaxe: Agustín Ferreira

       Coma cada terceiro domingo de mes, dende o pasado 15 de maio, Caminha abrirá novamente as portas ao denominado “Mercado da Torre”, feira de antigüidades e coleccionismo, que se pode ver e, por suposto, mercar os máis variados obxectos, no Centro Histórico de Caminha, na Praça Gulbelkian e arredores.

   Esta feira pode ser, ao mesmo tempo, o pretexto para visitar esta vila. Coma se dun  museo ao aire libre se tratase, veremos dende os obxectos máis correntes e, noutro tempo cotiás, aos máis insólitos; dende obxectos que podemos adquirir por menos dun euro aos que custan máis de mil; dende os que nos transportan á nosa época de nenos ata moito máis atrás, da época dos nosos avós. Se somos curiosos e nos atraen os vellos utensilios e pezas, pasaremos, de seguro, un par de horas nesta feira que xa comeza o domingo pola mañá.

Obxectos de todo tipo e tamaño que van dende aquelas vellas e grandes chaves dos portais ata palanganas, soportes de cables eléctricos, teléfonos, etc.

Se alguén necesita unhas zamancas, agora que entramos no outono, no Mercado da Torre, pode conseguir algunha xeitosiña e con anos de experiencia.

Daquelas vellas cervexas “El águila negra” e “La Estrela de Galicia”, tal vez só queden estes vellos envases, un bo detalle para os nostálxicos das tabernas.

Coleccionistas de reloxos, aquí hai cantidade e, posiblemente calidade, e prezos moi dispares desde aqueles que podemos considerar asequibles a case calquera peto, a pesares da crise,  ata outros un “pouco subidos de tono”.

Obxectos caros, caros, temos algúns, como estes dous recipientes tasados polo vendedor en 1.500 euros a parella, case nada, pero deben merecer este prezo porque estivemos moi atentos durante un tempo e…, si eran moi solicitados ata que…, lle dicían o “santo”.

E este anxo, unha marabilla que a nós tamén nos entusiasmou. Tamén moi solicitado, pero   xa estaba vendido, foi mercado por uns ingleses a un prezo que …, non nos quixo dicir o vendedor, pero posiblemente superaba os 2.000 euros de nada.

Case que un autoretrato. Aproveitamos para vernos reflectido neste espello, coma quen non quere a cousa.

Metros e metros de stands ao longo de varias rúas e na praza Gulbenkian. Merece a pena deterse aínda que, ao final, un xa non sabe o que viu. Por certo, convén levar algúns euros de máis, non vaia ser que logo nos arrepintamos. Un antollo a veces podemos permitirnos.

E para rematar, se alguén precisa un “sinxelo” dormitorio para a súa habitación ou para agasallar a un amigo, aquí temos todo un luxo.

Doazón Libros aá Asoc, Veciños de Amorín

 

Outras reportaxes

Índice reportaxes 2010

Reportaxes dos lectores

Se desexa incluír unha reportaxe comercial en galiciasuroeste infórmese sen compromiso enviando un correo a:

galiciasuroeste(arroba)gmail (punto)com