|
"O espíritu das Trincadeiras"
Reportaxe
de Agustín Ferreiral
O domingo 1 de maio, ás
sete da tarde, tivo lugar no Auditorio de Goián, a presentación documental
“O espíritu das Trincadeiras”, que rememora, a través da narración de varios
protagonistas, os acontecementos xurdidos hai pouco máis de 20 anos na
defensa do monte comunal das Trincadeiras, pertecente á Comunidade de Montes
de Goián.
O público respondeu á
presentación do documental. Non podía ser doutro xeito se temos en conta que
os feitos narrados forman parte da historia desta parroquia tomiñesa que un
día fixo piña para evitar a desfeita que se pretendía levar a cabo nas súas
terras.
A idea orixinal da
proxección partiu de Uxío Benítez Fernández e Gustavo González, baseada nos
documentos e recortes de prensa, entre outras fontes, gardados hai 20 anos
por un dos máis activos veciños desta parroquia, Carlos Alonso, falecido
prematuramente hai uns anos. O director, Senén Outeiro, deu todo de sí para
que esta historia saíse perfecta, e a fe que o conseguiu a tenor dos
comentarios.
O actor Suso Pando, fixo
unha magnífica presentación do documental e participou no mesmo poñendo voz
ao discurso de Eliseo Alonso naquela festa memorable das Trincadeiras.
O cantautor guardés, Tino
Baz, cedeu a súa potente voz no acto previo ao documental e ao final do
mesmo.
Na presentación
interviron Uxío Benítez, Senén Outeiro, o presidente da Comunidade de Montes
de Goián, moi afectado e facendo un grande esforzo xa que nese momento
acababa de enteirarse do falecimento dunha das persoas que máis colaboraba
con el na Directiva da citada Comunidade, e pechou o acto a alcaldesa de
Tomiño.
O vídeo será entregado
aos Comuneiros e aos veciños que queiran ter esta historia.
Outra forma de ver a reportaxe: premer na imaxe
|
