|
|
|
|
||
|
09/03/2011 |
||||
|
|
Premiados no desfile de Entroido de Tui
Avatar de Pexegueiro fíxose co premio no Desfile Concurso de Entroido en Tui
Avatar: 1º Premio absoluto
A comparsa Avatar de Pexegueiro, cunha fiel representación da película de James Cameron, fíxose co primeiro premio no Desfile Concurso de Entroido, e a súa carroza unha espectacular representación dun paxaro voador animado. O segundo premio absoluto foi para Cantos Somos cunha representación do 125 aniversario da ponte internacional e do irmanamento entre Tui e Valença. Esta comparsa de Tui levouse tamén o segundo premio en carrozas por unha minuciosa representación da vella Ponte Internacional. Dende Salceda a comparsa O Borralliño de Soutelo co circo levouse o terceiro premio absoluto. O cuarto correspondeu aos Budas Macanudos de Gondomar, e o quinto foi para o Show de Luar de Caldelas. Sextos foron Luces de Tomiño por unha parodia dos exipcios. En carrozas levouse o terceiro premio o circo do Borraliño de Soutelo, e cuarto o dinosaurio de Pexegueiro con “A Caza do dinosaurio”, o quinto foi para as representacións dunha esfinxe, e outros motivos exipcios de Luces de Tomiño, e o buda de os Budasmacanudos levouse o sexto premio en carrozas. En acompañamento musical o primeiro premio correspondeu a Avatar, o segundo foi para Cantos Somos e o terceiro para o Show de Luar. Por último no premio especial de fantasía creado este ano, Revolución Show de Tomiño levouse o galardón pola súa fantasía hindú. Miles de persoas ateigaron as rúas novas de Tui para presenciar o paso deste Desfile-Concurso de Entroido que organiza anualmente a Concellería de Cultura. A boa climatoloxía con temperaturas moi agradables propiciou que numeroso público se achegase dende primeira hora da tarde a presenciar o paso das comparsas e dos grupos. Todas as comparsas e grupos participantes deben acudir o próximo domingo ao Enterro do Bacallau que vai saír ás 19.30 horas dende a Praza de San Fernando.
Avatar, 1º Premio absoluto
Cantos somos
O Borralliño de Soutelo |
|
Se desexa incluír unha reportaxe comercial en galiciasuroeste infórmese sen compromiso enviando un correo a: galiciasuroeste(arroba)gmail (punto)com
|
