VII Festival de Baile Moderno de Xamaraina

Unhas 1.200 persoas presenciaron o domingo, 10 de xullo, o Festival de Baile Moderno de Xamaraina, conducido por Elena Baz, directora do grupo.

            Coreografías, cor e movemento, definen este espectáculo que principiou cun percorrido polos inicios deste colectivo cando hai sete anos saltaban as primeiras bailarinas ao escenario de San Bieito nunha primeira edición que durou apenas media hora, como recordou Elena Baz, quen tamén tivo palabras para lembrar á climatolxía adversa, que parece decidida a acompañar ao grupo e que foi motivo de que se tivese que desprazar o festival para a xornada dominical logo da choiva caída na xornada anunciada, o venres día 8.

            O espectáculo foi, tamén, unha homenaxe a música de anos atrás, procurando aquelas interpretacións que gustan a todos e que, nalgún caso, supoñen recordos de tempos xa idos.

            Non ocultaba Elena Baz a satisfacción de ver un Auditorio máis que cheo, respondendo o público a esta cita como sempre o vén facendo, pero que nesta ocasión parece que superou o listón dun cartel que ben podería ter colgado “aforo completo e máis”.

Outra forma de ver a reportaxe: premer na foto

Festa dos

avós na

Guarda

Índice reportaxes 2010

Reportaxes dos lectores

Se desexa incluír unha reportaxe comercial en galiciasuroeste infórmese sen compromiso enviando un correo a:

galiciasuroeste(arroba)gmail (punto)com