A Dirección e o Equipo de Normalización da Lingua Galega do IES A Sangriña entregou os premios do Certame de Poesía Xela Arias na súa V Edición, o luns, día 13 de xuñonun acto desenvolvido no salón de actos do instituto, que contou coma conferenciante coa escritora Marga do Val, premio da crítica 2010 polo libro de poemas A cidade sen roupa ao sol e premio da AELG de tradución por Randea do alento de Herta Müller. Marga do Val ofrecerá unha conferencia para  aproximarnos á obra de Xela Arias así como á importancia da literatura feminina dos  últimos anos en lingua galega.

Os gañadores da V edición do Certame de Poesía Xela Arias foron: 1º premio da modalidade A: Victoria Pérez Gascón do IES Xesús Taboada Chivite, de Verín (Ourense); 2º premio da modalidade A: Paula Collazo Castiñeira do Colexio Obradoiro, da Coruña; 1º premio da modalidade B: Laura Ramos Cuba do IES Perdouro de Burela (Lugo); 2º premio da modalidade B: Elisabeth Rey González do IES Antón Fraguas de Santiago de Compostela; 3º premio da modalidade B: Pablo Lomba Riego do IES A Sangriña da Guarda (Pontevedra); Mención especial para Miriam Dourado Carabel do IES Ponteceso de Ponteceso (A Coruña).

As persoas asistentes, recibiron como agasallo o libro, publicado pola Deputación de Pontevedra, cos poemas gañadores da terceira e cuarta a edición.