Luns, 29 de agosto  de 2011 

Horario de las actividades colectivas del Gimnasio Exscalibur

El Gimnasio Excalibur, que se puede visitar en el Barrio de Cumieira, nº 5, de O Rosal (teléfono 647 95 96 95)  informa de lo horarios de clases colectivas en la temporada 2011-El Gimnasio Excalibur, en O Rosal, abre sus instalaciones, con más de 600 metros cuadrados al servicio del deporte, de lunes a viernes, desde las 9 a las 13 horas y de 16 a 22.30 horas. Los sábado el horario es de 10 a 13 horas.

Las actividades colectivas se realizarán de acuerdo con el siguiente horario:

Pilates: martes y jueves de 20:00 a 20:45 horas.

Aerobic: martes y jueves de 20:45 a 21:30 horas.

Spinning: martes y jueves de 11:15 a 12:00 horas y de 21:30 a 22:15 y viernes de 20:45 a 21:30 horas.

Tono-G.A.P.: martes y jueves de 10:30 a 11:15 horas y miércoles y viernes de 20:00 a 20:45 horas.

Full Contact: lunes y miércoles de 21:00 a 22:00 horas.

Venres, 26 de agosto  de 2011 

O BNG solicitará no próximo pleno, instar o goberno galego a retirar a orde que eleva o valor de bens inmobles nun 30%

O BNG ven de presentar no rexistro do concello do Rosal, unha proposta na que solicitan instar ao goberno galego á retirada da orde que aprobou a Xunta este mes de agosto e que eleva o valor de bens inmobles nun 30%.

Segundo explica o voceiro nacionalista, Alberte Alonso Pereira, a Xunta de Galiza publicou no DOG do 19 de agosto de 2011, a Orde da Consellaría de Facenda do 28 de xullo de 2011, pola que se aproban os prezos medios no mercado de determinados inmóbeis rústicos e urbanos situados na Comunidade Autónoma de Galiza para os exercicios 2010 e 2011. Os valores medios fixados para os bens inmóbeis nesa norma supoñen un incremento considerábel respecto do valor que se viña asignando polos propios servizos tributarios da Xunta de Galiza.

A aplicación da devandita norma, como medio preferente para determinar o valor dos inmóbeis aos efectos do cálculo dos tributos xestionados pola Xunta de Galiza, levará a un aumento xeneralizado e abusivo dos impostos que gravan as transmisións patrimoniais inter vivos ou mortis causa (sucesións e doazóns), unha situación que afectará negativamente á maioría dos veciños e veciñas do noso concello, sinala Alonso Pereira.

A subida media das taxacións dos inmóbeis que pretende aplicar a Xunta de Galiza, incluso de xeito retroactivo desde xaneiro de 2010, estímase entre un 25 e un 30%, chegando nalgúns casos ao 65%, como puxeron de manifesto desde que se difundiu o proxecto previo á publicación da Orde, especialistas en xestión e asesoría tributaria, organizacións profesionais agrarias ou mesmo representantes municipais, engaden os nacionalistas.

“En realidade estamos diante dunha suba encuberta de impostos aplicada pola Xunta de Galiza, facendo uso dunha actualización de valores alonxada da realidade, dado que, debido á situación de crise económica é precisamente o mercado inmobiliario un dos máis afectados polo descenso continuado dos prezos ao longo dos últimos anos”.

Alonso Pereira cualificou esta decisión de “inxusta e totalmente fóra de lugar en plena crise” e indicou que “afecta indiscriminadamente á poboación e unha vez máis, incrementan os impostos ás rendas medias e baixas, demostrando a nefasta xestión económica do Goberno Galego”.

Os nacionalistas esperan que a proposta presentada sexa tratada e aprobada no próximo pleno, que se celebrará a finais de setembro.

Sábado, 20 de agosto  de 2011 

Xornadas de Xuventude no concello do Rosal

A Dirección Xeral de Xuventude e Voluntariado pon en marcha o programa “Xornadas e Obradoiros de Xuventude nos Concellos” co obxectivo de facilitar información e formación, sobre os recursos da Xunta de Galicia, en materia de Xuventude.

No concello do Rosal falarase, o luns, 19 de setembro, de 19.00 a 21.00 horas, sobre “Xuventude en Acción—Intercarmbios e Iniciativas”.

              E o seguinte luns, 26 de setembro, de 19.00 a 21.00 horas, o tema versará sobre o “Servizo de Voluntariado Europeo”.

O Programa Xuventude en Acción, intercambios e iniciativas xuvenís e servizo voluntario  europeo constitúen un instrumento privilexiado para fomentar a política de cooperación na mocidade. O programa ten como obxectivo principal contribuír ó proceso educativo, dun xeito non formal, de tódolos mozos, principalmente mediante actividades de intercambio.

As persoas interesadas en participar en calquera destas xornadas debe inscribirse no Servizo de Información Xuvenil e Animación Sociocultural do Concello do Rosal ou chamar ó 986 609450.

“Carnaval de Verano” en la Liga de Amigos de O Rosal

El próximo 3 de septiembre, sábado, la Liga de Amigos de O Rosal celebrará el "Carnaval de verano", un evento al que podrán asistir aquellas personas que lo deseen, disfrazadas de los años 60-70. La fiesta, que comenzará a partir de las 23 horas, contará con una actuación en directo.

Desde la Liga de Amigos de O Rosal recuerdan a todos los socios que tienen a su disposición el salón de la planta inferior de la Liga para organizar distintas actividades como reuniones, conferencias, exposiciones, cursos, juegos, conciertos, campeonatos o cualquier otra celebración que organicen. Quienes lo deseen puede ponerse en contacto con la Directiva para organizar el evento que decidan.

A Asociación Galega de Viticultura (AGV) defende o papel do Consello Regulador da DO Rías Baixas no control de rendementos na producción de uva

Ante certo estado de opinión sobre a inconveniencia de pór trabas aos aumentos de rendementos que o Consello Regulador pode aprobar cada ano, estado de opinión que non é promovido pola maioría social e empresarial da Denominación de Orixe Rías Baixas, a AGV manifestou a súa postura que dá o seu apoio e respaldo ás funcións e papel que desempeña o Consello Regulador, que como tal regula, ou sexa, é o garante de preservar a calidade mínima de todas elaboracións que chegan aos consumidores como tamén a de favorecer os mecanismos de control da oferta que permita a protección da sustentabilidade económica das empresas e as rendas dos viticultores.

A aprobación dun aumento de quilos nos rendementos máximos admitidos, e que o Consello Regulador tras acordo plenario pode aumentar ata un máximo dun 25por cento, supón unha decisión que debe ser previamente argumentada e razoada entre os diversos integrantes da Denominación. Ou sexa, que dita decisión non pode ser unha mera traslación das azarosas continxencias biolóxicas e climáticas dun ano determinado, se non que tamén se deben ter en conta a capacidade de conciliar oferta e demanda, ao fín de manter un equilibrio no prezo a percibir polos viticultores, que sempre depende da oferta final de viño.

A tramitación de expedientes informativos que poidan eventualmente rematar nun proceso sancionador é potestada do Consello Regulador e en ningún caso pode proceder a non facelo, xa que estaría incumprindo un deber no seu funcionamento básico, aparte de ser unha das razóns pola que se crearon xa hai décadas os Consellos Reguladores. A administración pública preceptiva debe ser a que proceda ou non na sanción que se recolle na disposición normativa que se inclúe no Regulamento da Denominación de Rías Baixas, a Lei de Defensa da Calidade Agroalimentaria de Galicia e a “Lei de la Viña y el Viño”.

En todo caso a AGV defende como norma o mantemento dos máximos de producción admitidos e que son os 12.000 quilos por Ha, polo que a excepción non debe ser convertida nunha norma de facto, polo que deben ser propostas iniciativas no ámbito informativo, formativo e técnico para incidir nas causas obxetivas dos aumentos de rendementos detectados nas últimas campañas é así evitar estas situacións de controversia que pouco axudan a boa imaxe pública da Denominación de Rías Baixas. Dicir que para o ano 2010 o montante total de producción fora do admitido supuxo menos do 0,5% do total, o que ao final indica o bó traballo a desenvolver polos mecanismos de auditoría internos.

A AGV procederá a realizar reunións informativas con viticultores dentro da DO para que se coñezan as consecuencias negativas que para o sector supoñen os excesos de produción.

O BNG do Rosal solicitou que se limiten as comisións bancarias para evitar “cobros abusivos”

O grupo municipal do BNG solicitou, no último pleno celebrado no Rosal,  instar á Xunta para que se limiten as comisións bancarias e se poña fin aos “cobros abusivos” que se producen na actualidade.

Nun primeiro termo, o BNG solicita ao goberno galego que, á súa vez, inste ao do Estado a impedir que “nesta situación de crise se produzan aumentos nas comisións que cobran as entidades financeiras”.

Por outra banda, para o BNG, é necesario realizar “unha supervisión das comisións bancarias estabelecendo límites máximos en función de parámetros obxectivos que teñan en conta o custe real dos servizos prestados”.

Tamén sería necesario obrigar nesta situación ás entidades bancarias a que “ofrezan de forma transparente as comisións que cobran polos distintos servizos prestados”.

Finalmente, sería necesario aprobar de forma inmediata as normas legais precisas para “evitar que por parte das entidades financeiras se manteña o cobro abusivo en concepto de mantemento ou administración de contas correntes ou de aforro e obrigar á devolución das cantidades ingresadas en canto de persistir esta práctica”.

Tal e como se lembra na exposición de motivos da moción, nesta época de crise económica, as comisións bancarias experimentaron unha forte subida, ao mesmo tempo que as entidades bancarias seguen acumulando beneficios que só no primeiro trimestre deste ano ascenderon a 3.174 millóns de euros.

“A aplicación de cláusulas abusivas e inxustas por parte das entidades financeiras non pode ser consentida de forma indefinida”, subliña o voceiro do BNG, Alberte Alonso Pereira, xa que “a afectación e as consecuencias negativas que poden sufrir millóns de persoas confire un interese público e social a estes feitos e obriga ás autoridades competentes, Xunta e Estado, a adoptar medidas urxentes”.

A moción foi rexeitada cos votos do PP, que tentou introducir un texto alternativo ao acordo, non aceptado polo BNG ao considerar que desvirtuaba a súa proposta. O PSOE abstívose.

Xoves, 18 de agosto  de 2011 

O Rosal acolle o XXII Festival de Músicos Xoves organizado pola Agrupación Musical

Esta fin de semana terá lugar na Praza do Calvario do Rosal o XXII Festival de Músicos Xoves, que se vén celebrando dende o ano 1989.

O sábado día 20, a partir das 21.00 horas, participarán a Banda Infantil da Agrupación Musical do Rosal, a Banda Musical da Casa do Povo de Tangil (Portugal), Banda de Música Municipal de Valga e a Agrupación Musical do Rosal.

O domingo 21, á mesma hora, estará dedicado á música coral e participarán a Coral Alameda de Pontevedra, a Coral Ecos do Folón (Fornelos, O Rosal) e a Coral da Agrupación Musical do Rosal.

Mércores, 17 de agosto  de 2011 

O BNG do Rosal esixe que executen as obras para elevar os pasos de peóns da zona urbana

O pasado pleno celebrado o día 30 de xullo, o BNG volveu preguntar polas obras de elevación dos pasos de peóns na zona urbana. Segundo o voceiro nacionalista, Alberte Alonso Pereira, a resposta do alcalde foi que se 'realizarán antes de finais de ano' e asegurou que “esa xa foi a resposta que deron o ano pasado”.

Alonso Pereira manifestou que en marzo do ano pasado foi anunciado, por parte dun cargo da Xunta nunha visita ao Rosal, que se realizarían esas obras antes de finais de 2010. “A realidade é que a día de hoxe seguimos igual. As obras sen facer” enfatizan os nacionalistas.

O BNG parécelle unha tomadura de pelo que, despois de tres anos e medio de aprobarse a proposta, aínda non se levasen a cabo as obras para elevar os pasos de peóns na zona urbana. “Sería lamentable que tivera que ocorrer unha desgraza para que se executasen as obras” indica Alonso Pereira. “Os pasos da zona urbana son un perigo para os peóns, pola alta velocidade á que pasan algúns vehículos”, engadiu. Nese sentido indicou que a execución destas obras deberían ser prioritarias.

A proposta para que se construísen pasos elevados nas zonas urbanas do Rosal, foi realizada polo grupo nacionalista en xaneiro de 2008 e aprobada pola unanimidade do pleno.

Xoves. 11 de agosto  de 2011 

O BNG solicita que se laven periodicamente os contedores de lixo

O BNG no Rosal ven de solicitar que por parte do concello se proceda ao lavado dos contedores de lixo verde.

Esta petición do BNG está motivada polas queixas que recibiron de veciños, sobre o mal cheiro que desprenden algúns contedores de lixo verde (os de materia orgánica), segundo manifesta o voceiro nacionalista, Alberte Alonso Pereira.

No escrito engaden que esta situación agrávase coas altas temperaturas. “Alí onde están situados os contedores, sobre todo se están a beira das vivendas, provoca mal estar na veciñanza e mesmo nos viandantes que poidan pasar pola zona, polo desagradábel cheiro que desprenden” sinalan.

Finalmente rematan solicitando que se proceda ao lavado dos contedores de lixo e, asi mesmo,  que se limpe a zona na que se ubican cunha periodicidade axeitada, para evitar esta situación desagradábel.

O   Concello  do Rosal e o Centro  de  Transfusión  de  Galicia  impulsan  a  participación  dos  veciños na  doazón  de  sangue

O  Concello  do  Rosal e  o  Centro  de  Transfusión  de  Galicia  ( CTG ), impulsan  unha  iniciativa  que  ten  como  obxectivo  promover a  participación  dos  veciños  e  veciñas  nas  campañas  de  doazón  de sangue,  e  deste  xeito  garanti-lo  correcto  desenvolvemento  do  labor  asistencial  nos  centros  sanitarios  galegos,  que  van  a  precisar  ó  redor  de  30.000  doazóns  de  sangue  nos  meses  de  verán  para  cubrir  todas as  necesidades.

As  persoas  que  desexen  participar  poden  acudir  á  unidade  móbil  do  CTG instalada na Praza do Calvario, no O Rosal, o vindeiro xoves, 18 de agosto, entre as 10 e as 14 horas  e  16 ás 21 horas.

Mediante  esta  iniciativa, que se está a desenvolver este verán preténdese  mellorar a  información  sobre  este  acto altruísta, para que a participación solidaria dos veciños do concello chegue aos nosos hospitais co obxectivo de compartir a nosa saúde e salvar vidas.

O  Concello e o  Centro de Transfusión de Galicia,  amosan  o  seu  agradecemento  a   todos os veciños que  participan  cada  ano  nas  campañas  de  doazón  de  sangue  e  permiten  deste  xeito  que  moitos  enfermos  recuperen  a  súa  saúde, e necesario incrementar a participación para que O Rosal siga sendo uns dos concellos mais solidarios de Galicia acadando o índice recomendado pola OMS.

Luns, 8 de agosto  de 2011 

A Deputación concede unha mención de honra a Terras Gauda nos Premios Provincia 2011

A Deputación de Pontevedra entregará o 11 de agosto a Medalla de Ouro da provincia de Pontevedra á Brigada de Infantería Lixeira Aerotransportable (BRILAT) Galicia VII, como homenaxe a este corpo pola súa longa radicación en Pontevedra e a súa contribución a distintas misións do Estado.

Entre as mencións de honra, a Deputación distinguiu tamén á  adega Terras Gauda, na Categoría Empresa.

            Terras Gauda presidida por Xosé Maria Fonseca Moretón, foi fundada no ano

 1990, momento no que se poñen en marcha plantacións propias, coa idea de salvagardar a identidade do viño do Rosal. Desenvolve un intenso labor de investigación e no eido comercial conseguiu introducir os seus produtos en Australia, República Dominicana, Polonia,  India, Taiwán e Singapur, entre outras rexións xeográficas. Asemade, Terras Gauda forma parte da Fundación para a Cultura do Viño, que fomenta o consumo responsable e a elaboración dun viño de calidade.

En anos anteriores foron distinguidos nesta categoría: 2005 Florentino SA; 2006 Empresa de Mobles María Martínez; 2007 Asociación Galega de Graniteiros; 2008 Extrugasa-Grupo Quintá; 2009 Adega Condes de Albarei; e 2010 Pórtico S.A.

Xoves, 4 de agosto  de 2011 

Xuntanza de rosaleiros nados no ano 41 por iniciativa de Pepe Berdeal

            28 homes nados no Rosal en 1941 reuníronse o sábado, 23 de xullo, no Restaurante Juan do Rosal para celebrar o 70 cumpreanos compartindo un almorzo de confraternidade.

            Asistiron rosaleiros afincados en Madrid, Sevilla, Segovia e, por suposto, os que seguen a residir no Rosal, aínda que os contactos tamén se realizaron con rosaleiros que emigraron a Brasil e Argentina, e que por razóns obvias, non pudieron asistir a este encontro.

            A iniciativa partiu de José Martínez (Pepe Berdeal) quen amosaba a súa satisfacción por este reencontro cheo de emotividade que trouxo recordos e vivencias da nenez e xuventude pasadas.

O BNG cualifica de 'pouco oportuno' o momento elixido para cambiar as balizas da praia de Eiras

            O Bloque Nacionalista Galego non cree que o verán sexa o mellor momento para pórse a cambiar as balizas que sinalizan a zona de baño na praia de Eiras. Cualifican de 'pouco oportuno' o momento elixido e sinalan que se debería ter feito antes.

Aínda que entenden que é normal ter que cambiar as balizas se se atopan en mal estado, tal e como asegurou o alcalde no pasado pleno, consideran que se debería ter feito antes e non na tempada de baño.

 “Estamos en plena tempada de verán e a praia de Eiras carece, a día de hoxe, de sinalización da zona de baño”, indican os nacionalistas. 

Medidas preventivas

Así mesmo, o voceiro nacionalista, Alberte Alonso Pereira, manifestou que se deberían sinalizar cunhas boias os 'mortos' que serven para amarrar as balizas. “Agora mesmo non se vén e poden ser causa de accidentes”, sinala.

Martes, 2 de agosto  de 2011 

Contestación do alcalde do Rosal ás declaracións do portavoz do BNG

En relación a información vertida polo voceiro do BNG do Rosal, Alberte Alonso Pereira, en diferentes medios sobre a non actualización e a aplicación de forma incorrecta da Ordenanza nº 9 Reguladora do Prezo Público pola cesión de uso de stands, carpas e mobiliario durante a Feira do Viño do Rosal, o alcalde clareza que está correctamente aplicada, pois no punto 1 do artigo 4 dí “… O prezo público queda establecido en: C.- Carpa: tres días de feira 646,56 €…”

A continuación, no seu punto 2 indica que os prezos arriba indicados irán recargados co correspondente IVE.

Polo tanto os prezos públicos que figuran na páxina web están actualizados e son veraces, xa que os 762,94 € que o voceiro do BNG di que pagaron os diferentes establecementos na Feira do Viño sae de aplicarlle ós 646,56 € o IVE do 18 %.

Luns, 1 de agosto  de 2011 

O BNG solicita que a web do concello do Rosal ofreza información actualizada e veraz

O Bloque Nacionalista Galego (BNG) solicitou que se actualizaran as ordenanzas que figuran na web do concello do Rosal. A petición foi realizada na sesión plenaria celebrada o pasado sábado.

Os nacionalistas indicaron que a información que se ofrece na páxina web é oficial, e se as Ordenanzas Municipais non se actualizan, pode dar lugar a reclamacións.

O grupo nacionalista puxo de manifesto que a ordenanza municipal que regula a cesión de stands e carpas para a Feira do Viño, que figura na web para a súa descarga, está totalmente desfasada.

Nese sentido o voceiro nacionalista, Alberte Alonso Pereira, asegurou que nesta edición da Feira, cobrouse por unha carpa, 762,94 euros, cando na Ordenanza da páxina web, aínda figura a cantidade de 646,56 euros polo mesmo concepto.

Así mesmo solicitaron a actualización de todas as ordenanzas. Tanto as que figuran na web como as demais, reflectindo nas mesmas as modificacións realizadas nos últimos anos . Así, indican, poderase ofrecer información veraz aos cidadáns que as queiran consultar.

Xoves, 28 de xullo  de 2011 

O Rosal abrirá en agosto o prazo de inscrición para unha ducia de actividades

            A partir do 16 de agosto estará aberto o prazo de inscrición nas actividades anuais que se realizan no concello do Rosal desde outubro a xuño do seguinte ano.

            Nesta oportunidade as alternativas que se ofertan pasan por ioga, pilates, patinaxe para adultos, pintura para adultos e nenos, ximnasia de mantemento e funcional e obradoiro de memoria.

            Haberá tamén cursos monográficos sobre arte floral, repostería, cociña, automaquillaxe, autopeiteado e inglés iniciación e medio.

Xornadas de Xuventude no Concello do Rosal

A Dirección Xeral de Xuventude e Voluntariado pon en marcha o porgrama “Xornadas e Obradoiros de Xuventude nos Concellos”, que ten coma obxectivos facilitar información e formación, sobre os recursos da Xunta de Galicia, en materia de mocidade.

Ao amparo deste programa no Concello do Rosal terán lugar as xornadas “Xuventude en Acción—Intercarmbios e Iniciativas”, o luns, 19 de setembro, de 19.00 a 21.00 horas, e  “Servizo de Voluntariado Europeo”, o luns 26 de setembro, tamén de  de 19.00 a 21.00 horas.

As personas interesadas en participar en calqueda destas xornadas debe inscribirse no Servizo de Información Xuvenil e Animación Sociocultural do Concello do Rosal ou chamar ó 986 60 94 50.

O BNG do Rosal solicita que se garanta a seguridade nun paso de peóns en Tabagón

O BNG solicitará do Pleno Ordinario que se celebrará o sábado, un acordo que garanta a seguridade nun paso de peóns situado na parroquia de Tabagón.

Na proposta presentada polos nacionalistas, indican que na estrada Tui - A Guarda, ao seu paso por Tabagón, e situado á altura do lugar onde se levanta anualmente o Arco nas festas da Saúde, hai un paso de peóns que reviste peligrosidade.

O voceiro nacionalista, Alberte Alonso Pereira, indica que esta perigosidade xa se puxo de manifestó en numerosas ocasións, pola falta de respecto a sinalización e límites de velocidade dos vehículos que por esa estrada transitan. De feito, engade, xa se teñen rexistrado varios accidentes de circulación, afortunadamente, sen graves consecuencias para as persoas.

O BNG proponlle ao pleno, que se dirixa a administración titular da estrada, co fin de que se adopten as medidas necesarias para garantir a seguridade para as persoas no paso de peóns en cuestión.

Concerto do 25 aniversario da Agrupación Musical do Rosal o sábado

O vindeiro sábado, 30 de xullo, ás 20,00 horas terá lugar no Auditorio do Rosal o acto principal dos programados con motivo do 25º aniversario da Agrupación Musical do Rosal.

Esta formación, con multitude d epremios e recoñecementos, ofrecerá un concerto baixo a batuta de varios dos directores que pasaron pola Agrupación Musical como Laureano Matos, Bolívar González, José Luis Represas, José Vicente Simeó, Javier Alonso e Diego J. Lorente.

Luns, 25 de xullo  de 2011 

O BNG mantén que algúns adegueiros, produtores e hosteleiros non participan na Feira do Viño polos custes que lles supón

O BNG do Rosal mantén que algúns adegueiros, produtores e hosteleiros do concello, non participan na Feira do Viño polos custes que lles supón.

Nese sentido recoméndanlle ao goberno municipal e ao alcalde que se informen directamente e falen máis cos interesados para facerse unha idea obxectiva dos motivos da non participación. Segundo indica o voceiro municipal do BNG, Alberte Alonso Pereira, as manifestacións do seu grupo son froito de conversas directas cos implicados e non 'consideracións súas', como fai o alcalde na súa resposta.

"Tres adegas -excluída a que xa non pertence á subzona do Rosal-, productores e hosteleiros que participaron en anos anteriores, non estiveron este ano na Feira do Viño. Ese é un dato obxectivo", afirman os nacionalistas.

Actividades paralelas

Respecto das actividades paralelas organizadas agora mesmo, o BNG manifestou o seu acordo coas mesmas, pero bota en falla encontros de tipo comercial, sobre todo enfocados ás adegas máis pequenas e modestas, que son as que teñen máis problemas de comercialización, por careceren dos medios das grandes adegas. Unha proba disto, indican os nacionalistas, é o feito de que a delegación brasileira convidada pola Cámara de Comercio de Tui que visitou a Feira este ano, "só mercou viño dunha grande adega, e por riba, unha parte importante da operación comercial foi en viño producido no Bierzo, non no Rosal".

Falla de igualdade de oportunidades para os hosteleiros do Rosal

Os nacionalistas consideran que está ben que haxa igualdade de oportunidades para todos, pero indican que non é certo que exista neste caso, como afirma o alcalde. 

Nese sentido aseguran que se tal e como manifesta  o alcalde, dende o Concello do Rosal se gastan fondos públicos na limpeza, iluminación, seguridade, publicidade, montaxe... etc, e ningún repercute nos stands ou nas carpas participantes, non hai tal igualdade para todos.  "Eses gastos son pagados cos impostos dos veciños e veciñas e tamén cos dos hosteleiros do Rosal, mentres algúns dos beneficiados son doutros concellos limítrofes que non pagan os seus impostos neste concello", aclara o voceiro nacionalista.

Crítica construtiva

Alberte Alonso Pereira coincide co alcalde en que todo é mellorable e, nese sentido, lamenta que o grupo de goberno non saiba asumir a crítica construtiva que lle fixeron. Afirma que o BNG tamén traballa para que ano tras ano, a Feira do Viño mellore. É por iso que lle suxiren aos organizadores darlle un impulso e un cambio de rumbo á Feira, para que volva ser atractiva para os adegueiros, os produtores e os hosteleiros do Rosal.

Sábado, 23 de xullo  de 2011 

O goberno do Rosal sae ao paso das manifestacións do BNG sobre a Feira do Viño

Tras as informacións vertidas en diferentes medios de comunicación esta semana polo concelleiro do BNG, Alberte Alonso Pereira, en relación á Feira do Viño do Rosal, o Concello considéraas froito da falta de información e quere aclaralas.

Respecto á participación: algunhas adegas deixaron de participar por diferentes motivos. Unhas deixaron de funcionar, outras reduciron drasticamente a súa actividade e unha adega en concreto, deixou de pertencer a Subzona do Rosal e polo tanto non participa. Polo que consideramos que os motivos da non participación dalgunhas bodegas, non se deben ós gastos que lles ocasiona a participación na Feira do Viño senón polos motivos que acabamos de mencionar. Subliñamos tamén que o Concello do Rosal, como principal impulsor da feira, subvenciona en case o 50% as adegas pequenas para que a súa participación sexa posible e non lles supoña un sobreesforzo inasumible.

Por outra banda desde o concello salientan a inversión que supón para o Concello do Rosal a organización da Feira do Viño en canto a limpeza, iluminación, son, seguridade,  publicidade, persoal de montaxe e desmontaxe e coordinación,  por salientar algún dos gastos, e ningún deles se repercute nin directa nin indirectamente en ningún stand ou carpa participante. E por suposto, tamén a electricidade é un gasto que asume directamente o Concello do Rosal e non como erróneamente se plasmou nestes días como un custe a asumir polas carpas ou stands participantes.

Seguindo na mesma liña, tamén clarezcan desde a institución local que ano tras ano, ata o 30 de maio, está aberto o prazo para todo aquel que queira participar na Feira do Viño cunha carpa gastronómica. As normas para participar na feira, en todo caso, son para tódolos participantes iguais, non podendo dar prioridade a ningún establecemento por romper co principio de igualdade de oportunidade entre uns e outros. En canto á inversión das carpas de restauración, éstas asumen un gasto en concepto de aluguer de mesas, cadeiras e sombrillas trala inversión realizada polo concello das mesmas en anos anteriores.

No que respecta a que a feira parece máis festa que feira, pensamos que se a feira non fose atractiva para o visitante non tería tanta aceptación e non sería visitada polos miles de persoas que asisten á mesma. Consideramos conveniente aclarar tamén que dende hai anos o concello coordínase coa Cámara de Comercio de Tui, a Oficina Agraria Comarcal e nos dous últimos anos coa Asociación Galega de Viticultura, organizando actividades paralelas dándolle un aire máis profesional ano tras ano á feira.

Tódalas bodegas son partícipes destas iniciativas e participan nas mesmas. Concretamente, a Cámara de Comercio de Tui colabora directamente na organización da feira do viño invitando cada ano a unha Delegación de importadores de diferentes países (americanos, mexicanos, brasileiros) para dar a coñecer os viños do Rosal e realizar posibles transaccions comerciais.

En canto ás visitas realizadas, tódalas bodegas reciben unha carta para infomalos da futura visita da delegación nos días da feira e os que manifesten o seu interese por ser visitados deben comunicalo con tempo para poder neses días organizar as visitas nas diferentes adegas da Delegación que se recibe cada ano.

Todo é mellorable e dende o Concello do Rosal aseguran pór todo o empeño en que asi sexa, enriquecendo a feira do viño a tódolos niveis ano tras ano e mostra disto é que periodistas especializados, sumillieres e profesionais da hostelería visitan a Feira do Viño e resaltan a súa importancia no eido vitivinícola.

I Campionato Mixto de Futbolín Festas do Pilar O Rosal, 2011

A Asociación Sociocultural “Os Cabaqueiros do Futbolín” organizará en colaboración co Concello do Rosal os días 23 e 24 de xullo na Praza do Calvario o I Campionato Mixto de Futbolín Festas do Pilar O Rosal, 2011.

O sábado ofrecerán un concerto os grupos musicais The Winning Numbers (A Guarda) e 5+1 (O Rosal). O domingo clausurarase o Campionato de Futbolín coa actuación do dúo humorístico Os Campelos.

Sábado 23 de xullo

Ás 15:45 horas pecharase o prazo de inscrición para participar no Campionato de futbolín.

Ás 16:00 horas, Presentación oficial das Festas do Pilar e do I Campionato Mixto de Futbolín.

I Torneo de lanzamento de avionciños de papel (que se “construirán” na propia Praza do Calvario).

I Campionato de “Piedra, papel, tijeras”, coa versión “Piedra, papel, tijeras, lagarto, Spock” para os máis atrevidos.

Ás 23:00 horas Concerto a cargo dp grupo 5+1 & Friends (O Rosal) e The Winning Numbers (A Guarda)

Domingo 24 de xullo

Ás 16:00 horas: fase final do I Campionato Mixto de Futbolín

Ás 19:00 horas: actuación do dúo humorístico rosaleiro Os Campelos.

NOTA: Tanto sábado como domingo haberá na Praza do Calvario dúas monitoras de tempo libre para realizar divertidas actividades cos nenos (globoflexia, debuxo, manualidades, etc). Seguindo os estatutos e obxectivos da Asociación, darase preferencia en todos os actos á xente do Rosal e do Baixo Miño. Reservado o dereito de admisión.

Xoves, 21 de xullo  de 2011 

O BNG denuncia os cortes no servizo ADSL no Rosal e os prexuízos económicos que causan

O Bloque Nacionalista Galego, a través dun escrito presentado no rexistro de entrada do concello, ven de denunciar os cortes no servizo ADSL no Rosal no mes de xullo.

Segundo o referido escrito, o BNG di que no presente mes de xullo e en diferentes días, o servizo ADSL de Movistar sufriu cortes de varias horas, sobre todo pola mañá.  Indican que os prexuízos que implica para os usuarios do mesmo son evidentes e subliñan que ademais causa prexuízos económicos para as empresas, para a propia administración e para as persoas que dependen de realizar trámites diante da administración. A empresa xustifica os cortes por avarías xerais, segundo conversas coa empresa do voceiro nacionalista, Alberte Alonso Pereira.

Por último solicitan que o concello requira da empresa Movistar a resolución do problema técnico que poida existir coa maior brevidade posible.

Así mesmo, que as operacións que teña que levar a cabo dita empresa sexan realizadas en horario menos prexudicial para a actividade da administración e empresarial.

Mércores, 20 de xullo  de 2011 

Curso de Cata en O Rosal los días 26, 27 y 28 de julio

            Los días 26 al 28 de julio, y de 17 a 20 horas, se celebrará en el Centro Social Polivalente do O Rosal un Curso de Cata dirigido a profesionales y público en general interesado en desarrollar y mejorar sus aptitudes para apreciar el vino de la D.O.P. Rías Baixas.

            Se trata de aprender a valorar y diferenciar los vinos a partir de las particularidades del territorio, las prácticas culturales y enológicas, así como el manejo de viticultura en el

ámbito de la D.O.P. Rías Baixas; Reforzar las aptitudes en cuanto a cata organoléptica; Perfeccionar el procedimiento y la técnica en el servicio del vino y Descubrir propuestas de degustación para realzar las características culinarias de nuestra gastronomía armonizada con las sensaciones que aportan los vinos de la D.O.P. Rías Baixas

            Este proyecto Proyecto Piloto, organizado por el ayuntamiento de O Rosal con la colaboración de la Denominación de Origen Rías Baixas, que tiene como objetivo ir "Hacia un modelo de competitividad, sostenibilidad y gobernanza en el medio rural: Territorio Enoturístico Socialmente Responsable", está financiado por el Ministerio de Medio Ambiente y Marino y FEADER.

            El día 26 se iniciará el curso con dos módulos, el primero sobre los orígenes, tratándose El territorio: las subzonas, la climatología, los suelos, Vino Universal; El cultivo: fases, procesos, variedades, sistemas de conducción; La elaboración: fases, procesos y características. Y La D.O.P. Rías Baixas: historia y datos de interés.

            El Módulo 2 versará de los Conceptos básicos de cata en sus tres fases: visual, olfativa y gustativa; Tipos, características, vino y sentido, y Educar el olfato (olores) y educar el gusto (sabores).

            El día 28 se desarrollará el tercer módulo que bajo la denominación común de “El Sevicio” tendrá como contenidos: Servicio (temperatura, servicio, presentación); Dónde servirlo (copas, ambiente), y Qué transmitir, cómo expresarlo y factores que pueden influir.

            La última jornada, 28 de julio, se ocupará de “El maridaje, y tratará sobre las propuestas para acompañar al vine cuando se degusta en la bodega; La presentación y servicio de armonías y las Herramientas para explicar el maridaje.

A Aula da Natureza do Muíño das Aceñas, no Rosal, abre de luns a domingo

O Muíño das Aceñas, no río Tamuxe ao seu paso polo Rosal, abre ao público, gratuitamente, de martes ao domingo, co seguinte horario: martes e mércores, de 16 a 19 horas; xoves, de 16 a 20 horas; venres, de 10 a 13 horas; sábados de 16 a 20 horas e domingo, de 10 a 13 horas. Nesta Aula de Educación Ambiental, poderán coñecerse os recursos da zona a través de actividades lúdico-formativas, para todos os públicos. Unha monitora especializada atenderá aos visitantes que se acheguen á aula.

Martes, 19 de xullo  de 2011 

O BNG considera que a Feira do Viño do Rosal necesita dun novo impulso e cambio de rumbo

O BNG considera que a Feira do Viño do Rosal necesita dun novo impulso e dun cambio de rumbo para que non esmoreza e aseguran que  “Ano tras ano van a menos as adegas e os expositores que participan na mesma”, aseguran.

Custes de participación

O voceiro nacionalista no concello, Alberte Alonso Pereira, indica que nos últimos anos as adegas máis modestas están deixando de participar, así como algún produtor de froita fresca. Para os nacionalistas este feito obxectivo está motivado polos custes que lle supón participar na feira, que son inasumíbeis. Ademais do prezo que cobra o concello polo stand e pola ocupación de vía pública, teñen que asumir gastos de electricidade e seguro de responsabilidade civil, entre outros gastos, o que fai moi cara a participación.

Lamentan tamén, que non se lles dea prioridade aos establecementos hostaleiros do Rosal para participar na parte gastronómica da Feira. Aínda que teñen coñecemento de que non participan polos altos custes que se lles esixe.

Nese sentido, os nacionalistas apuntan como alternativa, que o propio concello se dote de stands propios para ofrecerllos aos expositores a prezos máis baixos, abaratando os custes. Os nacionalistas indican que aínda que nun principio supoña un investimento para as arcas municipais, a medio prazo amortizaríase e poderíanse utilizar noutros eventos organizados polo concello ou por asociacións locais. Sinalan así mesmo, que xa hai anos que o BNG fixo esta proposta no concello.

Máis Festa ca Feira do Viño

Así mesmo indican que actualmente este evento converteuse máis nunha Festa do Viño ca nunha Feira. Aseguran que o único obxectivo é comer e beber no recinto, sen que haxa ningunha programación paralela de tipo comercial para os adegueiros. O éxito de público, polo tanto non ten por que indicar o éxito da Feira dende o punto de vista comercial.

Sinalan que as actividades paralelas existentes, unha cata e unhas xornadas técnicas, son moi interesantes e necesarias. Mais botan en falla que na Feira non se organicen encontros de tipo comercial, sobre todo enfocados ás adegas máis pequenas e modestas, que son as que teñen máis problemas de comercialización, por careceren dos medios das grandes adegas.

Así mesmo subliñan que a presenza dunha delegación comercial brasileira, debeuse á iniciativa da Cámara de Comercio de Tui e non a unha iniciativa da organización. Lamentan que ademais só se lles convidou a visitar algunhas adegas e non tiveron un encontro comercial con todas. Ao final, sempre saen beneficiadas as mesmas.

Finalmente, indican que no concello deberían ir pensando en darlle un impulso e un cambio de rumbo á Feira, para que volva ser atractiva para os adegueiros e os produtores do Rosal. Sinalan que de non facelo, a Feira seguirá decaendo e terminará sendo unha mera Festa do Viño organizada polo propio concello.

Venres, 15 de xullo  de 2011 

Una delegación de importadores brasileños de vino conoce la producción de O Rosal

Una delegación de importadores brasileños de vino formada por diez personas se encuentran en Galicia visitando las principales denominaciones de origen gallegas para establecer posibles alianzas comerciales. La visita, que está tenendo lugar del 12 al 17 de julio, está organizada por la Cámara de Comercio de Tui y se enmarca en el Plan de Fomento de las Exportaciones Gallegas. En la recta final de su viaje, los miembros de la misión comercial inversa visitarán hoy, viernes, y mañana, sábado, distintas bodegas de O Rosal con el objetivo de conocer los vinos más afamados de la DO Rías Baixas y participarán en la Feira do Viño que este año llega a su XIX edición.

Durante esta mañana la delegación brasileña se acercará a las bodegas Quinta Couselo y Lagar de Fornelos, y por la tarde acudirán a la inauguración de la Feira. Mañana, sábado, por la mañana realizarán una cata de vinos en el transcurso de la Feira do Viño de O Rosal y visitarán las bodegas Adegas Valmiñor y Terras Gauda. La Cámara de Comercio de Tui está volcada con todos los sectores empresariales siendo el vitivinícola uno de los más importantes. Prueba de ello es que, durante los dos últimos años, la Cámara ya ha organizado visitas con importadores de vino procedentes de Estados Unidos y México en las que se firmaron importantes acuerdos comerciales con las bodegas locales.

Xoves, 14 de xullo  de 2011 

Xornadas Técnicas organizadas pola Asociación Galega de Viticultura (AGV) no Rosal

Este venres, con motivo da XIX Feira do Viño do Rosal, no salón do Centro Polivalente de O Rosal terán lugar as Xornadas Técnicas organizadas pola Asociación Galega de Viticultura (AGV) e a propia Feira do Viño na que colaboran empresas do sector da viticultura como Basf, Bayern,Lainco e Calfensa.

As Xornadas Técnicas iniciaranse as 11.30, inaugurándoas o alcalde Jesús Mª Fernández que dará paso á primeira ponencia a cargo de Ramón Burdeos Técnico da Ruta dos Viños das Rias Baixas, quen disertará sobre esta Ruta a onde chega, quen son os membros e cal e o seu impacto turístico en Galicia.

De seguido impartirá a súa ponenciaLuís Carlos Mateo, técnico Agrario, con estudios sobre distintas enfermidades de madeira no viñedo que nos últimos anos están afectando moito ás plantacións como pode ser a Iesca, Escoriosis ou Alternaría.

Mércores, 13 de xullo  de 2011 

Curso gratuíto de Técnico de Sistemas Microinformáticos

Ao ampara do Plan AFD o concello do Rosal organiza un curso gratuíto de Técnico de Sistemas Microinformáticos, que terá unha duración de 518 horas e comezarase a impartir en agosto.

Os interesados en acceder a este curso, que disfrutarán dunha axuda de asistencia de 7 euros diarios, serán demandantes de emprego.

            O curso está patrocinado polo Fondo Social Europeo, a Xunta de Galicia e o concello do

Luns, 11 de xullo  de 2011 

“Memorial de la Granja y Ermita de Sanoane (San Juan)” recolle a historia da capela e os inicios da viticultura no Rosal

            Xoán Martínez Tamuxe é o autor de “Memorial de la Granja y Ermita de Sanoane (San Juan)”, que recolle a historia e a tradición deste santuario de Couselo, unha obra patrocinada polas adegas Lagar de Fornelos, e editada polo concello do Rosal co apoio da Deputación de Pontevedra.

            O traballo de investigación, que levaba algún tempo rematado, non vía a luz, ata que as negociacións co concello e a Deputación, facilitaron a súa impresión a finais de 2010, cunha tirada de 600 exemplares, que se distribuíron entre os comuneiros de San Miguel de Tabagón, copatrocinadores do estudo, nunha asemblea, quedando un determinado número de exemplares en poder do concello.

            O interese das adegas para a edición de “Memorial de la Granja y Ermita de Sanoane (San Juan)” xorde cando coñecen que os primeiros viños da comarca colleitáronse en Sanoane, onde existían unhas ruínas qur souberon correspondían a unha antiga granxa e a unha capela, a de San Juan (Sanoane), encargando a súa investigación a Xoán Martínez Tamuxe, especialista na historia da comarca do Baixo Miño, cunha gran traxectoria investigadora e cuxas obras son de consulta obrigada para calquera que desexe achegarse ao coñecemento do Baixo Miño.

            O autor non só afonda nas orixes da ermida, senón que vai máis alá e se ocupa tamén de divulgar as minas do Lousad, explotadas polos romanos.

            A través das súas 104 páxinas o autor resume unha tese sobre as minas que os lugareños chamaban “minas dos mouros”, e nas que os romanos extraían ouro, pero sobre todo descubre a primeira cita que se ten sobre o cultivo do viño, anterior ao Mosteiro de Oia, xa que moitos escritos se atribúe aos monxes oienses a introducción das vides na comarca. O estudo afonda nas orixes da finca, unha granxa de importantes dimensións con capela interior, que pertenceu ao Mosteiro de Oia, e se recolle a historia dunha capeliña, desaparecida, chamada Nosa Señora do Horto, con imaxe e grande devoción en San Miguel.

            Sorprendeu ao autor, Xoán Martínez Tamuxe, a gran cantidade de documentación que se xerou en torno a esta capeliña, debido a un conflito entre dúas partes pola propiedade do santuario, e que se atopa no Arquivo Histórico Diocesano.

            Nas festas de San Xoán (Xoane, Sanoane), describe Martínez Tamuxe, xuntábanse en torno á capela de Nosa Señora do Horto, dentro da finca propiedade do nobre don Cayetano de Castro, orixinario de Nigrán, os veciños de San Miguel para a celebración do San Xoán, ata que terminou por queixarse ao bispo de que, a mocidade sobre todo, arrasaba cos frutais, producindo outros danos na granxa, polo que don Cayetano de Castro pide autorización para trasladar a capela ao exterior, e así se fai logo de pedir esmolas aos veciños para a súa construcción extramuros.

            O conflito xorde cando os propietarios da finca, herdeiros de don Cayetano, deciden vender as pedras da capela que consideran de seu, nunha zona onde abunda a lousa pero non posúe granito, de aí ese interese pola pedra, dándose un pleito entre os propietarios da finca e o bispo, que entende que a capela xa non está no interior da propiedade dos Castro e ademais se reconstruíu mediante esmolas, considerouse que este santuario pertencía á igrexa de San Miguel, e que o feito de que os donos da finca posuíran unha chave da capela, era por xentileza do párroco de San Miguel. Gracias a este conflito, xenerouse esa importante documentación da que fala o autor de “Memorial de la Granja y Ermita de Sanoane (San Juan)”.

Venres, 8 de xullo  de 2011 

4ª  Xornadas Técnicas do Viño do Rosal

Con motivo da  XIX Feira do Viño do Rosal a Consellería do Medio Rural,  a través da Oficina Agraria Comarcal do Rosal e coa axuda do Concello e as adegas participantes,  vanse organizar as 4ª Xornadas Técnicas do Viño do Rosal

O número de prazas é limitado, polo que a admisión farase segundo orde de inscrición, cuxo prazo estará aberto ata o día 12 de xullo.

(Ver programa das Xornadas Técnicas)

O mirabel fresco do Rosal xa chegou ao mercado galego, con quince días de adianto sobre a data prevista

Os consumidores galegos serán, por terceiro ano consecutivo, os únicos de España que poderán saborear en fresco os mirabeis do Rosal, un pequeno froito de cor amarelo dourado, con numerosas pintas vermellas, doce, celmoso, aromático e saboroso que dende hai máis de sesenta anos se cultiva neste val do sur da provincia de Pontevedra.

Os primeiros mirabeis frescos deste ano están xa nos mercados galegos grazas a que, dada a climatoloxía, a recolección adiantouse quince días sobre o previsto. Baixo a marca “Froitas do Rosal” os mirabeis están en todas as tendas Eroski Centre de Galicia e nas dez tendas que Carrefour ten distribuídas por Galicia.

Os mirabeis frescos poderán atoparse nas tendas por un curto período de tempo, arredor de tres semanas, dado que se trata dun produto moi estacional, que se recolle á man e unicamente no momento óptimo de maduración, o que supón que nunha campaña tan curta cada árbore reciba dúas ou tres visitas dos recolleitores para apañalo no seu momento óptimo.

A empresa prevé comercializar este ano entre 15.000 e 20.000 quilos de mirabel en fresco.

Tradicionalmente o cultivo do mirabel ía destinado en Galicia case en exclusiva á súa transformación en marmeladas, mirabel en xarope, licores, etc., pero dende 2009 a empresa Froitos do Rosal pon no mercado a froita fresca en toda Galicia.

O mirabel é un pequeno froito, de tamaño pouco maior que unha cereixa grande, que foi traído dende a Selva Negra alemá ata o Rosal por un mestre da localidade, Xosé Sánchez García. O mirabel aclimatouse perfectamente nas terras do Rosal e na actualidade existe unha importante produción destinada á transformación en conservas e licores.

Froitas do Rosal, a través da súa marca “Froitas do Rosal”, pon o mirabel fresco ao alcance de tódolos galegos, que poderán gozar dunha froita de temporada producida por métodos tradicionais.

O mirabel do Rosal recóllese no momento óptimo de maduración para que chegue ao consumidor nas mellores condicións de aroma, sabor e aspecto, sen ser sometido a tratamentos de maduración ou conservación en cámaras.

Esta maneira de recolección e comercialización, xunto coa delicadeza desta froita, fai que se trate dun produto de temporada moi curta, estando prevista a súa presenza no mercado exclusivamente durante un período de arredor de tres semanas.

Froitas do Rosal

Foitas do Rosal é unha empresa agraria xurdida da iniciativa dun grupo de veciños do Rosal interesados en poñer en valor as producións agrarias propias da zona. Na actualidade dispón de 20 hectáreas de terreos propios ou alugados dedicados á produción ecolóxica de mirabel que irán entrando progresivamente en plena produción.

Prevese que en 2014 tódalas plantacións estean a pleno rendemento, cunha produción total arredor de 140.000 quilos anuais de mirabel.

Xoves, 7 de xullo  de 2011 

Tareixa Ledo Regal presenta no Rosal o seu libro “Lidia Senra Rodríguez. A historia dun liderado entrañable”, de Edicións Laiovento

            O salón de actos do Centro Polivalente do Rosal (r/ Cabaqueiros nº4, O Rosal) foi o marco elixido para presentar hoxe, xoves, o libro de Tareixa Ledo Regal “Lidia Senra Rodríguez. A historia dun liderado entrañable”, publicado por Edicións Laiovento. O acto de presentación será ás 12:00 horas, e participará nel, amais da autora do libro, a secretaria de organización do SLG, Lidia Senra Rodríguez; e a secretaria xeral, Carme Freire Cruces.

Mércores, 6 de xullo  de 2011 

Educación inviste 140.000 euros no CRA María Zambrano do Rosal

A Delegación Territorial da Xunta en Pontevedra a través do xefe territorial de Educación, César Pérez Ares, participou no acto de repranteo das obras de ampliación do CRA María Zambrano do concello de O Rosal.

Neste acto estiveron tamén presentes o alcalde da localidade, Jesús María Fernández Portela, así como os técnicos da Xefatura Territorial de Educación e da propia empresa encargada das obras.

Tal e como explicou Pérez Ares, esta obra consiste na creación dunha nova aula, un novo aseo para alumnos e outro para profesores así como un despacho de titorías.

A actuación sitúase no lugar de San Miguel de Pías e consiste nunha ampliación do edificio xa existente. “O obxectivo é dotar a este CRA dun aulario que ven xustificado trala solicitude do concello de O Rosal á Consellería de Educación para a devolución das dúas aulas que se estaban a utilizar na gardería municipal para unha trintena de alumnos de tres e catro anos”, engadiu Pérez Ares.

O xefe territorial de Educación insistiu no feito de que “o aumento de poboación fixo inevitable que o concello solicitase a recuperación estes espazos, polo que estas obras están perfectamente xustificadas dentro do noso compromiso coa priorización e a optimización dos actuais recursos da Consellería”.

Segundo apuntou o xefe territorial, con esta nova aula no María Zambrano conséguese que a oferta educativa no Rosal estea concentrada nun mesmo lugar do concello. “Alí está a primeira etapa coa gardería, a segunda coa escola infantil que se ve así ampliada, e a terceira co CPI Suárez Marquier”, concluíu César Pérez.

As obras comezarán de inmediato e espérase que estean listas a comezos do próximo curso.

Martes, 5 de xullo  de 2011 

O xefe territorial de Educación en Pontevedra, César Pérez Ares, reúnese hoxe co alcalde

Hoxe, martes, o xefe territorial de Educación en Pontevedra, César Pérez Ares, acudirá ás 9 da mañá ao concello do Rosal para a firma da acta de remplanteo do CRA María Zambrano co obxectivo de iniciar as obras de dúas novas aulas neste centro de cara a poder devolver ao concello as dúas aulas que corresponden á Gardería municipal.

A reunión terá lugar na Casa do Concello, e posteriormente o xefe territorial e o alcalde visitarán o CRA.

Xoves, 30 de xuño  de 2011 

Presentación da Feira do viño do Rosal

Mañá, venres, terá lugar a presentación da XIX Feira do Viño do Rosal na  Casa Rural Abadía Eiras Restaurante ás 12.00 horas.

Asistirán representantes dos seguintes organismos: Cámara de Comercio de Tui; Ruta do Viño; Consello Regulador (pendente de confirmación), Cámara Agraria; Concello do Rosal e Adegueiros.

O BNG no Rosal organiza hoxe unha charla sobre a nova Lei de Montes de Galicia

O BNG organiza unha charla sobre a nova Lei de Montes de Galicia, que xa foi aprobada polo Consello da Xunta e que está en trámite parlamentar. Será hoxe, xoves ás 20:30 horas no Salón de Exposicións do concello do Rosal, na praza do Calvario.

Ademais do voceiro nacionalista no Rosal, Alberte Alonso Pereira, que dará conta da postura do BNG ao respecto, tamén contarán coa presenza de Xosé Alfredo Pereira Martínez, presidente da Organización Galega de Comunidades de Montes en Man Común.

O BNG informa que, a pesar de que é unha lei en fase de borrador, e polo tanto aínda pode sufrir modificacións no trámite parlamentar a través de emendas da oposición, ponse de manifesto que un dos obxectivos principais que presenta o PP con este novo texto lexislativo é baleirar de contido a vixente Lei de prevención e defensa de incendios, aprobada polo anterior goberno da Xunta.

Así, manifesta que se reducen a metade as franxas de seguridade nos perímetros dos núcleos de poboación, pondo en perigo aos cidadáns. Nese sentido lembra o voceiro nacionalista, que aínda o ano pasado no Rosal se tivo que evacuar varias vivendas por culpa dun incendio na zona de Tabagón.

Mércores, 29 de xuño  de 2011 

La Fundación Celta de Vigo organiza un campus de verano, en el campo de la Mata de O Rosal

La Peña Celtista Baixo Miño informa que la Fundación Celta de Vigo organiza un campus de verano, en el campo de la Mata de O Rosal, los días del 18 al 23 de julio, con el  horario de 10 de la mañana a las 14 horas.

Para inscribirse los interesados pueden dirigirse al teléfono 902 104 404 o a  la web   www.fundacióncelta.com; o bien a cualquiera de los directivos de la Peña.

Venres, 24 de xuño  de 2011 

O guardés Diego Valado Montero gaña o concurso de carteis da XIX Feira do Viño do Rosal

Diego Valado Montero, natural da Guarda, de 35 anos, é o autor da cartel anunciador da XIX Feira do Viño do Rosal que se celebrará neste concello os días 15, 16 e 17 de xullo.

Valado Montero empezou a dar os seus primeiros pasos en debuxo con sete anos grazas a  Alicia Alonso e a partir de entón creceu a súa afección polo debuxo, o que influíu para que se decidise a estudar Delineación (deseño de interiores).

Máis tarde realizou os estudos de Enxeñería Técnica Industrial e mentres tanto continuou debuxando e acercándose ao deseño coas novas tecnoloxías. Durante a universidade presentouse por primeira vez a un concurso de cartelismo resultando gañador, e dende entón, preséntase esporadicamente a distintos certames.

Profesionalmente dedícase ao deseño de maquinaria técnica industrial, pero sempre atopa un momento para seguir pintando.